Kohelethu 7:15 - KITABU KITAKATIFU

¹⁵ Limenya liange liveeye lia vuzwa, navuzwa mali kolola vindu viosi. Koveeye ho nu mundu mulungi ukuza mu vulungi vwivwe kandi koveeye ho nu mundu muchamu omenya madiku manyingi nokokola vindu vidamanu.

Kohelethu 7:15 Iomraidhean Croise

Litanga 47:9

Yakobo yativura, “Limenya liange liu kogenda genda liali mihiga 130. Mihiga yijo jali mikekeeke kandi ju vudinyu, kuvita mihiga ja vaguuga vange vaali mu ligenda genda.”

1 Avami 21:13

Avadamanu vaviri zana vamuyaara imbiri wa vandu havulavu kigira linyega Nyasaye kandi mwami, nandio Nabozi yahilwa ichova wi lidaala linene naalaswa magina kuduuka ku likuza.

Zaburi 10:3

Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Zaburi 39:6

kandi aveeye vuzwa kuli chiriri. Viosi akolaa siviveeye kindu mba, avungiza uvutugi vwivwe, na siamanyi mundu ulivugula mba.

Kohelethu 2:23

Madiku goosi gu mundu amenyi mu kivala, vuli kindu choosi chakolaa keletaa lihenda mwoyo kandi vuzunu. Kali vudiku, zing'anagani zizie si zisosaa mba. Yaga goosi gaveeye vuzwa.

Kohelethu 3:16

Komeeda ku yaga, ndaalora ndi mu kivala yiki, ulanyora uvuchamu nivoveeye ha vundu hi likalaga lirungi lienyekanaa live.

Kohelethu 6:12

Mundu anyala kumanya ndi kindu keveeye kilahi ligali ku mundu wundi mu inyinga engekeeke yiyi. Livamwoyo lilie liveeye vuzwa kandi livitaa kuli chiriri. Mundu anyala ndi kumanya kiliekoleka mu kivala ni yakamala kukuza?

Kohelethu 9:9

Ove nu vusangali nu mukali wa uyanzaa lwa umenyi livamwoyo lia vuzwa mu kivala cha Nyasaye akoheeye; usangaliri vuli lidiku kali live litaduukanaa kigira yiki nicho kidieli mu livamwoyo liilio kandi miyinzi ja makono googo mu kivala yiki.

Isaya 65:20

Avana vadoto si valakuza mba, anoho avandu vakulundu si valakuza ni vakikiri kuduukiza amadiku gaavo mba. Mundu woosi ukuza naveeye ni mihiga 100, alava naveeye vuzaa kuli musoleri. Navuzwa mundu woosi ukuza nakikiri kuduukiza mihiga 100, kilava kuli kilaamo kuye.

Yohana 16:2

Avandu valamukunga kutura mu masinagogi gaavo; kandi ing'inga ilakaduuki lwu mundu woosi umwitaa munyi alaganagana ndi mulikola yaga atumikiraa Nyasaye.

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.