Kohelethu 7:12 - KITABU KITAKATIFU

¹² Ovogeri vulakukinga kuli mabese, navuzwa vulahi vwi limanya vogeri vulindaa livamwoyo lia oyo oveeye navwo.

Kohelethu 7:12 Iomraidhean Croise

Ayubu 1:10

Ivi siwamwevera lugaga ludinyu harara na vandu avinyumba yeeye kandi ni miandu josi ja aveeye nacio? Ivi wamala kugasiza viosi viakolaa kandi imiandu jijie jimali kwizura mu kivala choosi.

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Tsing'ano 11:4

Uvutugi sivulakokolela kindu kilahi ku lidiku liilio lie likuza mba, navuzwa vusuuvirifu vulakohonyia.

Tsing'ano 14:20

Mutende yasura mudaka, navuzwa mutugi aveeye na valina vanyingi.

Tsing'ano 2:11

Ovogeri vwuvwo kandi limanya liilio liu musi lilakukinga,

Tsing'ano 2:7

Ahaanaa vokonyi kandi likingwa ku vandu valungi kandi avasuuvirifu.

Tsing'ano 3:18

Yavo avanyoora ovogeri vaveeye nuvuyanzi, kigira ovogeri vulavaha livamwoyo.

Tsing'ano 8:35

ku yavo avanyoora, vanyoola livamwoyo. Kandi Yahova alavayaanza.

Tsing'ano 9:11

Ovogeri vulameeda mihiga kulivamwoyo liilio.

Kohelethu 10:19

Kolomba lilia linyingi likokolaa kuva nuvuyanzi, kandi iwaini ekokolaa kuva nuvusangali, navuzwa mabese gaveeye mativuli ku kindu choosi.

Kohelethu 2:13

Maku ndaalora ndi, “Ovogeri voveeye vulahi ligali kuvita uvusiru, kuli uvulavu voveeye vulahi kuvita kisundi.

Kohelethu 7:19

Ovogeri vuhaana zinguru ku mundu mugeri kuvita vamiihi likomi avaveeye mu lidaala linene.

Kohelethu 9:16

Ndaamenya ni ndavoora ndi, ovogeri voveeye vulahi kuvita zinguru, kali niiva ovogeri vwu mundu mudaka vuchayangwa, kandi makuva geege sigahulirizwaa mba.

Kohelethu 9:18

Ovogeri voveeye vulahi kuvita viugi viu vulwani, navuzwa mwoni mulala yononyia vindu vilahi vinyingi.

Isaya 30:2

Vazizaa koteeva ovokonyi kutura ku mwami wa Egebeti vugira koteeva zing'anagani ziange. Veenye mwami wa Egebeti avasoore, kunangwa vaviika lisuuvira liavo mu mwami wa Egebeti.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 33:6

na alahaana mirembe ku ihiiri. Yahova akingaa avandu veve kazozo, kandi avaheezaa ovogeri ni limanya. Livikiru liavo linene kuvita liveeye liitia Yahova.

Yohana 12:50

Inzi manyi ndi lilago lilie liletaa livamwoyo litahera mba. Kunangwa, inzi mboraa vuzwa aga Baba yambolera mbore.”

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Kwidzulitsa 32:47

Amigizu yaga goosi sigaveeye agavuzwa mba; navuzwa gaveeye livamwoyo lienyu liene. Mugalonde na mulamenya madiku manyingi mu kivala engereka wumugera gwa Jorodani icha muveeye ahimbi kukivugula.”

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

Vakalagi 9:15

Ulutavati lwavoolera imisaala, ‘Niiva mwenya Inzi mwamihi, nyenya munyi muuzi kwigama muchiriri change. Nigataveeye ndio, umuliru gwaduki mu lutavati lwange kandi gusambe imidalangwa ja Lebanoni.’