Kohelethu 6:3 - KITABU KITAKATIFU

³ Mundu anyala kuva na vana 100, kandi amenye mihiga minyingi, sikeveeye kindu kuva ni limenya litambi niiva avula kusangalira vulahi vwi vindu yivi, kandi avuli konyoora liyavirwa lilahi; maku ndakavooye ndi, mwana wivuliiywi nakuzi, aveeye mulahi kumuvita.

Kohelethu 6:3 Iomraidhean Croise

Litanga 33:5

Lwa Esau yahenza muzimbega ziosi ma nalora avakali na vana, yateva, “Ni vandiki avaveeye navo yava?” Yakobo yativura, “Yava nivo avana va Nyasaye amali kuhaana ku mutumikiri woovo mu zimbavasi zizie.”

Litanga 47:9

Yakobo yativura, “Limenya liange liu kogenda genda liali mihiga 130. Mihiga yijo jali mikekeeke kandi ju vudinyu, kuvita mihiga ja vaguuga vange vaali mu ligenda genda.”

2 Avami 10:1

Kunangwa Ahabu yaali ni visukululwi sabwini avamenyaa mu lidaala linene lia Samaria. Jehu yang'oda zibarwa naazituma Samaria ku avanene va Jezireeli, ku avakulundu va madaala manene kandi avaleli na visukululwi va Ahabu; ibarwa yasoma nivoola,

2 Avami 9:35

Navuzwa avasaza vatura kuzia kumuta sivanyoola kindu kuye mba, ni kitali kihanga chiche, vigumba vie virenge, ni vigalo vivie.

1 Kyetsinyinga 28:5

Nyasaye yamba avayi, na kutura muvo vosi yatovola Solomoni ukwamiiha ku Isiraeli, uvwami vwa Yahova.

2 Kyetsinyinga 11:21

Mu vosi, Rehoboamu yaali na vakali 18 kandi vatumikiri vakali. Yivula vayaayi 28 na avakaana 60. Ku vakali veve na vakali vaviika vosi, yayanza Maaka kuvita vosi;

Esther 5:11

Yevoola imbiri wavo kuli aveeye nu vutugi vunyingi kandi kuli aveeye na vayaayi avanyingi, kali kuli umwami yamuginga higulu mu vwamihi nu kumunenehiza ku vanene na vatumikiri vandi vosi.

Esther 7:10

Kunangwa vaasunga Hamani ku mwinuya gwu mwene yaali yalombeye Modekai. Hene yaho, uvutima vwumwami vwahomata.

Ayubu 3:11

Kigira ki inzi niimbura kukuza ningikiri munda mwa mama wange? Anoho niimbura kukuza ing'inga ndivulwa?

Ayubu 3:16

Vwali vove vulahi ndivulwa ninguzi, kandi ndateevwa, ndaavura kolola uvulavu vwi lidiku kali hakuzu.

Zaburi 58:8

Vave kuli mang'oru gakamulukilaa kuli mamira vuzwa; Vave kuli mwana wivuliiywi nakuzi uwaali nakikiri kolola uvulavu vwi liuva.

Tsing'ano 17:6

Avaguuga vekonyela aviisukulu vaavo, kuli avana vekonyela avababa vaavo.

Kohelethu 4:3

Navuzwa voveeye vulahi ligali ku vavura kwivulwa, yavo vavura kolola uvudamanu vwekolekaa mu kivala yiki, vulahi ligali kuvita vombi, niyavo avakikiri kwivulwa, avakikiri kolola uvudamanu vwekolekaa mu kivala yiki.

Kohelethu 6:4

Ni vuzwa mwana uyu kwivulwa kigira agoteraa mu kisundi ma yivililwa.

Jeremia 22:19

Kuli isukiri iyavilwa, mundu uyu alayavilwa ndio, alasiuvwa ichova wi virivwa via Jerusalemi.”

Jeremia 36:30

Kunangwa, kalunu inzi Yahova, mboraa ku ivi mwami Jehoyakimu ndi, sihalavaho ni kisukururwi chicho kali kilala kiliamiiha ku vwami vwa Daudi mba. Ulakuza na muviri gugwo gulasuvwa havundu hu luya lidiku liosi kandi gulazilira mu ing'inga yu vudiku.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Matayo 26:24

Yee, Umwana wa Adamu alakuza kuli gang'odwa kuye, mu Mang'oda Matakatifu, navuzwa, kilaamo keveeye ku oyo uzamaa Umwana wa Adamu! Vwali vwakaveeye vulahi musaza uyu alavula kwivulwa!”