Kohelethu 6:2 - KITABU KITAKATIFU

² Nyasaye ahaanaa ku mundu vutugi, miandu kandi luyali kandi vindu viosi via yenya. Navuzwa sialekaa mundu kusangalira vindu yivi mba. Navuzwa mundu mugeni utamanyikani alavisangalira. Yaga gaveeye vuzwa, kandi gaveeye gokovereirza.

Kohelethu 6:2 Iomraidhean Croise

1 Avami 3:13

Kali ndio, ndakuha kali cha utateevi? Mu livamwoyo liilio liosi, ulava nuvutugi kandi nuluyali kuvita vwu mwami munene wundi woosi.

1 Kyetsinyinga 29:25

Yahova yanenehiza Solomoni ligali imbiri wi ihiiri yoosi ya Isiraeli, nu kumuha uvukumi vwu vwami, uvwavula kuva ho ku mwami wundi woosi mu Isiraeli.

1 Kyetsinyinga 29:28

Mwami Daudi yakuza naveeye mundu muhindira ligali, mundu wu vutugi vwivwe, kandi ni lizominywa lilie lilahi. Mwana muyaayi weve Solomoni yavugula ovogono vwivwe kuli mwami.

2 Kyetsinyinga 1:11

Nyasaye yativulira Solomoni, “Kigira makuva yaga gaali mu mwoyo gugwo na sioteevi miandu, uvutugi, uluyali, anoho livamwoyo lia yavo avakudunyiraa, na sioteevi livamwoyo litambi, navuzwa oteevi oheevwe ovogeri nilimanya uduuki kwamiiha ku vandu vange ava mali kukokola ove mwami wavo.

Zaburi 17:14

Ombonyie, kutura ku yava avaveeye na viosi iviavenyaa mu livamwoyo yili. Uvahe mageri nuvusaliri vululu uvwuwavavikira leka avana vaavo vanyoore mageri gavaduukanaa, amagari gandi kandi gatigalili visukululwi viavo.

Zaburi 39:6

kandi aveeye vuzwa kuli chiriri. Viosi akolaa siviveeye kindu mba, avungiza uvutugi vwivwe, na siamanyi mundu ulivugula mba.

Zaburi 73:7

Mioyo jaavo jayizula vudamanu ligali, kandi zing'anagani ziavo zilohizaa kokora uvudamanu kazozo.

Kohelethu 4:4

Maku ndaalora ndi, vuyinziri vwosi vudinyu kandi limanya lie miyinzi litulana niliegomba lie minyinzi ju mutende. Yaga goosi kandi gaveeye vuzwa kandi gaveeye vuzwa kuli kudidikana no kolonda imbuza.

Kohelethu 4:8

Haveeye ho nu mundu omenyi yeng'ine. Siaveeye nu muyaayi mba, anoho amwavo mba, navuzwa ayinziraa zing'inga ziosi. Vutugi vwaveeye navwo si vumuduukaa mba; ayinziliraa vwaha vudinyu konyoora, navuzwa avula kwiyaanziza? Yiji kandi jiveeye miyinzi ja vuzwa kandi jo koveleriza.

Kohelethu 5:13

Mali kolola kindu kidamanu ligali chekoleka mu kivala yiki: Mutugi aviikaa vutugi vwivwe kuduuka vwirana kumusaliriza,

Kohelethu 5:16

Si voveeye vulahi mba! Kuziiza kuli kwaza, kokoraa miyinzi nikudidikana kugumira imbuza, navuzwa si konyoora kindu mba.

Kohelethu 5:18

Yaga nigo gandakumanyiliza; kindu kilahi kidukanaa mundu kokora ni kulia, nu kunwa nu kusangalira vindu viayayinzilira mu madiku makekeeke ga Nyasaye yamuha mu kivala. Yiki ni kidieli chu mundu.

Kohelethu 5:19

Niiva Nyasaye alahaana ku mundu vutugi ni miandu no koleka asangale muvio, gamudukira asandizi kandi asangaliri miyinzi ja makono geege. Yiki ni kihanwa kutura ku Nyasaye.

Isaya 55:2

Kigira ki mutumikiri mabese ginyu ku kindu kitakonya? Kigira ki mutumikiri mitungu jienyu navuzwa mukikiri ni inzara? Mumbulirizi vudinyu ligali, na mukore aga inzi mboraa, na mulasangalira viukulia viveeye vilahi ku viosi.

Lisyoma lya Jeremia 5:2

Miandu jietu jiveeye mumakono ga vandu avageni; avageni vamenyi muzinyumba zietu.

Danyeli 5:18

“O, Mwami, Nyasaye Wuvunyali yakola Nebukadineza baba woovo mwami munene naamuha vukumi.

Hosea 7:9

kandi sivamanya ndi lieredaa ku avageni limali kuvagehiza zinguru mba. Madiku gaavo gisundi ahimbi navuzwa sivamanyi mba.

Kwidzulitsa 28:33

Zihiiri zing'eni zialalia viamo viosi via mwayinzira vudinyu kuvitaaga, na munyi simulanyora kindu nitaveeye lidambizwa ni likolerwa vudamanu kazozo.

Kwidzulitsa 28:43

“Avageni avamenyaa hagati hinyu valanyora zinguru ligali zinyingi kumuvita, navuzwa munyi mulazizagilira kogotiza zinguru zienyu.

Vakalagi 18:10

Lwa muduuka yo, mulanyola avandu ndi zana sivahendaa mwoyo kigira ikindu choosi mba. Keveeye ikivala ekenene ligali; kandi keveeye na vuli kindu chu umundu anyala kwenya ave nacho, na Nyasaye umali kukihaana ku munyi.”