Kohelethu 5:8 - KITABU KITAKATIFU

⁸ Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Kohelethu 5:8 Iomraidhean Croise

2 Kyetsinyinga 26:10

Yumbaka kandi minaara ji zimbinga mu kivala choosi kandi yayava amaliina manyingi gu kuvungiza mu amazi, kigira yaali ni chayo chi mitugu minyingi hoosi hi vigulu vie madioli mu Shefela kandi mu vireremo. Kigira yayanza uvulimi, yadinyiriza avandu kutaga mizabibu mu kivala chi vigulu kandi kulima kivala kenoru.

Ayubu 24:23

Nyasaye anyala kuvaleka vamenye mu mirembe, navuzwaa vahenzeriza ligali kazozo.

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 55:9

O, Yahova, goyanyia limoloma lia avasigu vange, inzi ndolaa kilage kandi uvutindi mu lidaala linene.

Zaburi 82:1

Nyasaye asingiliraa livugana liu mwigulu; ahaanaa likalaga lilie mu livugana liavanyasaye:

Zaburi 83:18

Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Zaburi 95:3

Yahova aveeye Nyasaye munene ligali; aveeye mwami munene ligali igulu ku vanyasaye vosi.

Tsing'ano 22:16

Mundu udambiza vadaka kunangwa aduuki komeeda uvutugi vwivwe, kandi oyo uhaanaa kihanwa kumutugi vombi valagwa vadaka.

Tsing'ano 24:12

Unyala kovora yaga ngamanyi mba, navuzwa Nyasaye yamanya, kandi akalagira lienya liilio. Akohenzerizaa kandi yamanya. Alakuha amadanyi kolondekana ni miyinzi jijo.

Tsing'ano 8:17

Nyanza yavo vanyanza; uyu onyenyaa alanyoola.

Kohelethu 3:16

Komeeda ku yaga, ndaalora ndi mu kivala yiki, ulanyora uvuchamu nivoveeye ha vundu hi likalaga lirungi lienyekanaa live.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Kohelethu 5:9

Kali mwamihi amenyaa kigira ligesa litulaa mu milimi.

Kohelethu 7:7

Lidambiza lilomba mundu mugeri kuva musiru kandi viambeti viononyia zing'anagani.

Kohelethu 8:9

Ndaalora yaga goosi lwa ndaganagana kigira vindu viekoleka mu kivala yiki, kivala cha vandu valala vaveeye ni zinguru na vandi vasalira kigira yavo.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 3:15

Muvura vunyali kudambiza avandu vange, kandi mwenyoola uvuhinda kulwa avandu vadaka, Inzi mwami Yahova Wuvunyali mali kovora.”

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Ezekieli 18:18

Kigira baba weve yaakola uvugaadi kandi niyiva, kandi naakora uvudamanu hagati havandu, kunangwa yakuza kigira uvwoni vwivwe umwene.

Amosi 5:12

Kigira inzi manyi kuli mahiolo ginyu gaveeye manyingi kandi manyi kuli uvwoni vwinyu voveeye vonene ligali. Munyi mudambiza avalungi nukuvugula viambeti; mwigaliranga avadaka vavuli konyoora likalaga lirungi liavo mu viyaalo.

Amosi 6:12

Zibarasi zinyala kunyagula ku lwanda? Noho, avandu vanyara kulima zinyanza ni zing'ombe zilimaa? Navuzwa mumali kugirung'anyia likalaga lirungi kugwa limoloma lie isumu, na uvulungi kugwa uvudamanu.

Mika 2:9

Mukungaa avakali va avandu vange vatuli mu zingo ziavo ziavayaanzaa. Mumali kunyaga avana vaavo uvugasu vwange mihiga ni mihiga.

Zekaria 8:6

“Gaamanya galoleke gokogenyia ku vandu vahononoka mu madiku yaga, si galava gokogenyia ku inzi mba.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Luka 1:32

Alakave Munene kandi alakalangwe, Muyaayi wa Nyasaye Oveeye igulu Ligali. Mwami Nyasaye alakamukole alave Mwami kuli guuga weve Daudi.

Luka 1:35

Engelosi yamutivulira, “Roho Mutakatifu alaza ku ivi, kandi zinguru zia Nyasaye oveeye igulu Ligali zilakukinga kuli kiriri. Kulwayago mwana wa ulivuula alakalangwe Mutakatifu, Mwana wa Nyasaye.

Luka 1:76

“Ivi, mwana wange, ulalangwa muporofeti wa Nyasaye Oveeye igulu Ligali. Ulazia imbiri wu Mwami kumulombera zinzira zizie.

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.

1 Petro 4:12

Avalina avayaanze vange, mutagenya ku ligerizwa lilulu lia musaliranga kuvikwa mu muliru, kuli keveeye ikindu ekegeni chekoleka ku munyi mba.

1 Yohana 3:13

Mutagenya, avaamitu, lwa avumukivala vamudunyira.