Kohelethu 5:11 - KITABU KITAKATIFU

¹¹ Lwa uva nu vutugi vunyingi, kandi ulava na vandu vanyingi vukulihiza. Madanyi goosi gaonyoola ni kumanya ndi oveeye mutugi.

Kohelethu 5:11 Iomraidhean Croise

Litanga 12:16

Kigira mukali uyu, mwami yaakolera Aburamu vulahi kandi naamuha chayo cha magondi, zimburi, zing'ombe, zisukiri, zibunda, zing'amia harara na vatumikiri avasaza kandi avakali.

Litanga 13:2

Aburamu yaali umundu mutugi ligali na magondi, zimburi, kandi mitugu kali izahabu ni ifeza.

Tsing'ano 23:5

Vutugi vuvwo vunyala kogota kutura ku ivi vwangu, kuli vomeli zimbaha nukuburuka kuli indizu.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Kohelethu 2:9

Ndaali mundu munene ligali kuvita mundu wundi woosi waali mu Jerusalemi; kandi ndaali mugeri.

Kohelethu 5:12

Avayinziri vanyara konyoora anoho vavuli konyoora vindu via vaduukana kulia, navuzwa vanyara kuva ni zindoolo zindahi vudiku. Navuzwa vatugi vaveeye navio vinyingi, vivakolaa vave ni zing'anagani zinyingi zivalomba vavuli kogona vudiku vwosi.

Kohelethu 6:9

Ni vuzwa; gaveeye kuli kudidikana nokolonda imbuza. Ni vulahi kuvugilira cha oveeye nacho kuvita kwenya kindu kindi vuli kazozo.

Jeremia 17:11

Mundu anyoora uvutugi munzira itaveeye isuuvirifu, aveeye kuli ilinyonyi ligoneraa amavuyu agaliavula kotera. Hagati hi limenya lilie alagotiza uvutugi vwivwe, kandi mu keheri chi limenya lilie alava vuzwa kandi umusiru.

Habakuk 2:13

Zihiiri zia mwaguuta ziveeye ni miyinzi ja vuzwa kandi viosi viavamali kwumbaka visambwa mu lumemo liu muliru. Yahova Wuvunyali umali kokora yaga.

1 Yohana 2:16

Vindu viosi viveeye vielirova, viveeye liiva liu muviri likayirwa ne zimoni kandi liegingira lie livamwoyo sivitulaa ku Baba mba navuzwa viveeye vie lirova.