Kohelethu 4:7 - KITABU KITAKATIFU

⁷ Kandi mali kolola kindu kindi mu limenya liu mundu ekeveeye vuzwa mu kivala.

Kohelethu 4:7 Iomraidhean Croise

Zaburi 78:33

Kunangwa yaaheriza madiku gaavo kuli mwika, kandi livamwoyo liavo liahera nonoho kuturana nikivi.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Kohelethu 4:6

Voveeye vulahi kuva nacho kekekeeke mu mirembe, kuvita kuhandalara zing'inga ziosi kudidikana nu kugumira imbuza na makono gombi.

Kohelethu 4:8

Haveeye ho nu mundu omenyi yeng'ine. Siaveeye nu muyaayi mba, anoho amwavo mba, navuzwa ayinziraa zing'inga ziosi. Vutugi vwaveeye navwo si vumuduukaa mba; ayinziliraa vwaha vudinyu konyoora, navuzwa avula kwiyaanziza? Yiji kandi jiveeye miyinzi ja vuzwa kandi jo koveleriza.

Zekaria 1:6

Kuvitira mu vaporofeti vatumikiri vange, ndahaana ku vaguuga vinyu malago kandi lieganihiza, navuzwa vagachaya ma nivasaalira kigira likora liavo. Maku, viganira kandi vambugilira ndi: Inzi Yahova Wovunyali, ndaali nimbani kuvo mageri kuli gavadukiraa kandi kuli ndaali nindovoye kokora.’ ”