Kohelethu 4:1 - KITABU KITAKATIFU

¹ Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Kohelethu 4:1 Iomraidhean Croise

Ayubu 16:4

Niiva munyi mwakaveeye inzi, na inzi niiva ndakaveeye munyi, ndakavooye makuva goosi ga munyi muvooraa ku inzi. Ngano ndakamuvooleye makuva gokogenyia nu kuzizagilira kumusung'usira mutwi gwange.

Ayubu 35:9

“Lwa vandu vadambizwa, vakenya; valira mbula mundu yavakonya.

Ayubu 6:29

Munyi muziyi ihale ligali. Muleke kokora agataveeye amalungi. Mutangalagiri mba, kigira inzi mbeeye ku vulungi.

Ayubu 9:24

Nyasaye yahaana kivala ku vachamu, kandi afumaa zimoni zia vakalagi, kandi niiva siaveeye Nyasaye waavikola, ku nivwaha waavikola?

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 142:4

Lwa mbenzaa ku lovega lwu mukono gwange mulungi, si ndolaa mundu unyala kongonya. Sihaveeye nu mundu unyala kosoola, kandi sihaveeye ho nu mundu unyala kuniinda mba.

Zaburi 142:5

O, Yahova, inzi nzanira ku ivi ongonye, ivi oveeye mukingi wange, ivi niyie weng'ine wanyenyaa mu limenya liange.

Zaburi 42:3

Ndiraa mbasu nuvudiku, amaliga gange gaveeye chukulia change cheng'ine. Avasigu vange vandeva zing'inga ziosi, “Nyasaye woovo aveeye haliha?”

Zaburi 42:9

Mboraa ku Nyasaye, oveeye mukingi wange, mboraa, “Kigira ki umali kunzivilira? Kigira ki inzi nzizagiliri kusalira kutura ku lidambizwa lilulu lia vasigu vange?”

Zaburi 69:20

Amanyego gamali kuvunaga mwoyo gwange, kandi mali kukuza mwoyo. Ndasuuviraa ndanyoora liverererwa, navuzwa siliali ho mba; ndasuuviraa konyoora lileminywa mwoyo, navuzwa sindalinyoola mba.

Zaburi 69:21

Lwa ndaali ni inzara, vaamba chukulia kilulu kuli isumu; kandi lwa ndaali nu vuluhu, vaamba chukunwa kilulu kuli isiki.

Zaburi 80:5

Ivi okoheeye liverera kulie kuli kulizaa mugadi, kandi okoheeye amaliga kunwi kuli kunweza amazi.

Kutwula 1:16

“Lwa mukonyaa avakali Vaheburaina, nivanyoora avana, niiva aliivula mwana muyaayi, mumwiti, naveeye mukaana, muleke ave mwoyo.”

Kutwula 1:22

Maku Mwami yalaga avandu veve vosi, navavoolera, “Vuli mwana muyaayi Muheburaina wivulwa kuduuka asiuvwi mu mugera gwa Naili, navuzwa muleke avana vakana vave mwoyo.”

Tsing'ano 19:7

Kali aviiko vu mundu mudaka sivaveeye no vokonyi naye mba; siliveeye lio kugenyia kigira avula valina mba. Kali agelize ndi, sianyola mulina ku lovega lwilwe mba.

Tsing'ano 28:3

Umwamihi udambiza vadaka aveeye kuli imbura idiviza vitagwa.

Tsing'ano 29:2

Lwu mundu mulungi yamiha avandu vasangala, navuzwa lwu mundu muchamu yamiha avandu vakenya.

Kohelethu 3:16

Komeeda ku yaga, ndaalora ndi mu kivala yiki, ulanyora uvuchamu nivoveeye ha vundu hi likalaga lirungi lienyekanaa live.

Kohelethu 5:8

Utagenya lwa olola vwamihi nivudambizaa vadaka kandi ni vuvagayaa konyoola vulungi ni lienya liavo mba. Mwimiliri oveeye munene akingaa vuli mwimiliri wundi oveeye hasi kuye, na vimiliri yava vombi vakingwa nu mwimiliri oveeye igulu kuvo.

Kohelethu 7:7

Lidambiza lilomba mundu mugeri kuva musiru kandi viambeti viononyia zing'anagani.

Kohelethu 8:9

Ndaalora yaga goosi lwa ndaganagana kigira vindu viekoleka mu kivala yiki, kivala cha vandu valala vaveeye ni zinguru na vandi vasalira kigira yavo.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Isaya 51:23

Ndanwehiza avadambizi vinyu kekombe yicho. Yavo avamukola mugone hasi mu zinzira. Ni vakora migongo jinyu kuli lirova, kandi kuli inzira yaavo yukuvitira ku.”

Isaya 59:7

Munyagulaa zimbiru kuzia kokora uvudamanu; muveeye avangu ukwita avandu vatali nimbara. Zing'anagani ziavo ziveeye zing'anagani ziuvudamanu. Hoosi ha muzia mulekaa ho lidivizwa.

Jeremia 16:7

Siaveeyeho kali mulala ulakarii chukulia anoho ulinywa iwaini harara naye anoho ulakamuleminyi mwoyo lwumuyanze weve akuza mba, si aveeyeho mulala ulaka muvererere mba, kali ku oyo umali kogotiza baba weve anoho mama weve.

Lisyoma lya Jeremia 1:16

“Yiki nicho kigira nikusioma kandi amaliga nigidoloka kutura mu zimoni zietu. Siaveeye ho nu mundu unyala kukuleminya mwoyo mba, kandi siaveeye ho nu mundu unyala kukudinyiriza mba. Avana viitu vatigaye hazwa, kigira vasigu viitu vamali kukuguuta.”

Lisyoma lya Jeremia 1:17

Muporofeti avoora: “Avandu va Ziyoni vaanyiira makono gaavo valeminywe mwoyo, navuzwa si yaliho mundu waali anyala kuvaleminya mwoyo mba. Yahova amali kulaga ndi visukululwi via Yakobo vave avasigu vaavo. Jerusalemi imali kugwa kindu kifunyaa vugundu hagati haavo.”

Lisyoma lya Jeremia 1:2

Avandu va Jerusalemi vasioma vululu vudiku vwosi, amaliga gidolaa kutura mu zimoni ziavo. Siaveeye ho nu mundu kali mulala ku avalina vaavo unyala kuvaleminya mwoyo mba. Avalina vaavo vosi vamalikuvazama, kandi vamali kugwa avasigu veve.

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Amosi 3:10

Yahova avoora, “Avandu yava sivakora agaveeye amalahi mba, avaviika ivindu via vanura nukwivila avandu mu zinyumba ziavo.

Amosi 3:9

Mwilwaze ku zimbinga zio vwami mu kivala cha vandu va Siria, na ku zimbinga zio vwami mu kivala cha Egebeti, na muvoore: “Muvugane harara ku vigulu via Samaria na mulole ligoyana linene ni lidambizwa liayavo avaaveeye hagati havio.”

Malaki 2:13

Mwakoraa yaga kandi, mwakunika vwali vwa Yahova na maliga; muliraa kandi musiomaa kigira si yayanzilira vihaanwa anaho kuvugilira vihaanwa vienyu nuvuyanzi mba.

Malaki 3:18

Avandu vange valakalole kandi kindu kilakekoleke hagati ha vandu valungi na vandu vachamu, ku mundu undumikira kandi mundu utandumikilaa.”

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 26:56

Nitali yaga goosi gaakoleki kunangwa, agavaporofeti vaang'oda mu Mang'oda Matakatifu gaduuki kutwekizwa.” Kunangwa aviigi vosi vamuleka ni viiruka.

Kwidzulitsa 28:33

Zihiiri zing'eni zialalia viamo viosi via mwayinzira vudinyu kuvitaaga, na munyi simulanyora kindu nitaveeye lidambizwa ni likolerwa vudamanu kazozo.

Kwidzulitsa 28:48

Kunangwa mulatumikira avasigu vinyu va Yahova azizaa kutuma kumulwaana. Mulava ni inzara, nu vuluhu kandi chahonyo, kandi vudaka vwi vindu viosi. Yahova alamudambiza nu vululu kuduuka lwa mudivizwa ligali.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.

Vakalagi 4:3

Jabini yaali na magare miatisa gi kivia, na yamiha avandu va Isiraeli nu vululu kandi ni zinguru ku mihiga sirini. Maku vandu va Isiraeli vanira Yahova avakoonye.