Kohelethu 3:8 - KITABU KITAKATIFU

⁸ Ing'inga yu kuyaanza kandi ing'inga yu kudunya, Ing'inga yu vulwani kandi ing'inga yi mirembe.

Kohelethu 3:8 Iomraidhean Croise

1 Avami 5:4

Navuzwa kalunu Yahova Nyasaye wange umali koleta mirembe ku zinzako ziange ziosi. Simbeeye na vasigu, kandi sihaveeye ho nuvuhimwa vwu kwingilirwa mba.

2 Avami 9:22

Lwa Joramu yalora Jehu, yamuteeva, “Jehu, uzi mu mirembe?” Jehu yativura, “Mirembe ginyala ndi kuva ho lwu vusigitiri ni lisigamira misambwa ja mama woovo Jezebeli yatangiza liveeye linyingi?”

2 Kyetsinyinga 19:2

Muporofeti Jehu muyaayi wa Hanani, yazia kwaganira mwami Jehoshafati namuvolera, “Sivoveeye uvulungi okokoonya yavo avaveeye avadamanu nokolomba vulina nayavo avadunyiranga Yahovamba? Agokoli gamali koleta uvutima vwa Yahova ku ivi.

Zaburi 101:3

Sindavugilira uvudamanu ligali kuva imbiri wange kali hakuzu mba. Ndunyiraa vikolwa via yavo avagirung'ana okoleka Nyasaye; Sindahambana namakuva gaavo mba.

Zaburi 105:25

Yalomba vandu va Egebeti kudunyira avandu veve, nokokolera avatumikiri veve uvugadi.

Zaburi 139:21

O, Yahova, ndunyiraa ligali yavo avadunyiraa ivi! Ndegelizaa ligali yavo avibaaraa ku ivi!

Tsing'ano 13:5

Vandu avasuuvirifu vasuura uvugadi, navuzwa makuva ga vandu avachamu gaveeye zisoni kandi gukuvihiliriza.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Luka 14:26

“Mundu ku woosi naava niyazaa ku inzi, sianyala kuva mulondi wange na atanyaanza kuvita kuli ayaanza baba na mama weve, mukali weve, avana, amwavo na vavoozo veve mba.

Vafeso 3:19

Yee, muduuki kumanya uvuyanzi vwa Kristo uvuvitaa limanya liosi, ndi muduuki kwizulwa ligali nu vuduukiru vwosi vwa Nyasaye.

Vafeso 5:25

Avasaza muyanze avakali vinyu kuli Kristo yayanza likanisa naalikuzira.

Tito 2:4

Kandi vaduuki kwigiza avakali avang'erere vayanze avasaza vaavo, kandi avana vaavo,

Joshua 11:23

Kunangwa Joshua yagumira kivala choosi kuli Yahova yaali niyalaga Musa. Joshua yakihaana ku vandu va Isiraeli kuva imiandu jaavo; kandi yakigavula mu vidonye, kedonye kilala ku vuli ihiiri. Kunangwa avandu vasoosa kutura ku vulwani.

Likunula 2:2

“Inzi manyi vikolwa vivio viosi, nuvugulu vwa oveeye navwo ku miyinzi, ni liekuzira liilio. Kandi manyi ndi siunyala kwikuzira ku avandu vadamanu mba. Umali kogeliza kandi yavo avilangaa vaveeye avatumwa, navuzwa sivaveeye ndio mba. Kandi umali konyoora ndi vaveeye vagadi.