Kohelethu 3:22 - KITABU KITAKATIFU

²² Kunangwa ndaalora ndi kindu kilahi cha kunyala kokora ni kusangalira miyinzi ja kumali kokora. Sikoveeyeho ni kindu kindi cha kunyala kokora mba. Sihaveeyeho ninzira ya kunyala kumanyiriza ku kindu kiliekoleka ni kwakakuza mba.

Kohelethu 3:22 Iomraidhean Croise

Ayubu 14:21

Avana vu mundu uyu vayoolaa uluyali, navuzwa si amanyaa mba; anoho lwa vaviikwa mu zisoni, siamanya mba.

Kohelethu 10:14

Mundu musiru amolomaa makuva manyingi ga vuzwa. Siaveeyeho nu mundu unyala kumanya kizizaa kwekoleka mba, kandi sihaveeyeho nu mundu unyala kokovoolera kindu chaza chekoleke ni kwakakuza mba.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Kohelethu 2:18

Ndaduunyira miyinzi jange josi ja ndaakola vudinyu mu kivala; kigira ndaamanya ndi ndaleka miyinzi yiji josi ku mundu waza yaaze inyima wange,

Kohelethu 2:24

Kindu kilahi ligali chu mundu anyala kokora mu kivala nukulia kandi kunwa, nukusangalira viosi viamali konyoora mu liyinzira vudinyu. Navuzwa ndaalora ndi vindu yivi viosi vituraa ku Nyasaye.

Kohelethu 6:12

Mundu anyala kumanya ndi kindu keveeye kilahi ligali ku mundu wundi mu inyinga engekeeke yiyi. Livamwoyo lilie liveeye vuzwa kandi livitaa kuli chiriri. Mundu anyala ndi kumanya kiliekoleka mu kivala ni yakamala kukuza?

Kohelethu 7:14

Lwi vindu viveeye vilahi ku ivi usangale, navuzwa lwu vudinyu vuzaa ku ivi wizulizi ndi Nyasaye aletaa vusangali kandi vudinyu. Mundu sianyala kumanya kindu kizizaa kwekoleka mu madiku gaaza mba.

Kohelethu 8:15

Kunangwa suviraa ndi, mundu gakuduukiraa wiyaanzizi, kigiri lieyaanziza lia koveeye nalio mu livamwoyo lietu, nu kulia kandi kunwa nukusangara. Kunyala kokora ndio lwa kuyinziraa vudinyu ku ing'inga yi livamwoyo lia Nyasaye amali kukuha mu kivala yiki.

Kohelethu 8:7

Si koveeyeho nu mundu umanyi kindu kizizaa kwekoleka mba, kandi siaveeyeho nu mundu unyala kokovoolera mba.

Kohelethu 9:12

Siulamanya lwi ing'inga yooyo yiza mba. Kuli linyonyi ligimilwa mu mutego, kuli isuzi igimilwa mu muluvo, kwamala kugumirwa mu mutego ing'inga indamanu ya kutaganaganaa.

Kohelethu 9:6

Vuyanzi vwavo, liduunya liavo kandi liegomba liavo, viosi vikuza harara navo. Sinavive ni lisanga ni vindu viekoleka mu kivala yiki mba.

Danyeli 12:13

“Ivi, Danieli, ove musuuvirifu kuduuka ku keheri. Maku ulakakuzi, navuzwa ulakasimuguki ing'inga ye keheri nokonyoora madanyi googo.”

Matayo 6:34

Kunangwa mutahenda mwoyo ku lidiku lia mugamba, kigira mugamba goveeye na makuva gagwo. Muleke uvudinyu vwi lidiku lilala vuduukane ni lidiku liene yilio.

Kwidzulitsa 12:18

Munyi harara na avana vinyu, vatumikiri vinyu harara na vandu vinyuma ya Levi avamenyi mu madaala ginyu kuduuka muliri vihaanwa vienyu imbiri wa Yahova Nyasaye winyu havundu harara heng'ine hatovolwa kusigamira Yahova Nyasaye winyu. Mulasangalira uwene yeyo imbiri wa Yahova Nyasaye winyu ku viosi viamumali kokora.

Kwidzulitsa 12:7

Hazana yaho, Nyasaye winyu, umali kumugaasiza, munyi harara na avizinyumba zienyu, mulalira nokusangalira vindu vilahi viamumali kuyinzira aku vudinyu.

Kwidzulitsa 28:47

Yahova yamugasiza mu zinzira ziosi, navuzwa simwali munyala kumutumikira nuvusangali kandi nuvuyanzi mu mioyo jinyu mba.