Kohelethu 3:2 - KITABU KITAKATIFU

² Ing'inga eveeyeho yu kwivulwa kandi ing'inga yu kukuza; ing'inga yu kutaga kandi ing'inga yo kogesa,

Kohelethu 3:2 Iomraidhean Croise

Litanga 17:21

Navuzwa inzi ndalinda lilagana liange nu muyaayi woovo Isaka, uwa Sara alakivuli mu ing'inga kuli yinu muhiga guzaa.”

Litanga 47:29

Lwa ing'inga yeeye yu kukuza yaduuka, yalanga muyaayi weve Josefu kandi na muvooleraa, “Vika mukono gugwo hagati hamatango gange, kandi wisuhi ndi ivi si ulakanzaviri mu Egebeti mba.

1 Avami 13:2

Kolondekana ni lilaga lia Yahova, muporofeti zana oyo, yahanzuka kukalagira vwali navoora, “O, vwali! Vwali! Yaga nigo ga Yahova avoora, ‘Muyaayi alivulwa munyumba ya Daudi lieta lilie lilava Josia. Aliitira ku ivi vasaalisi vatumika ku vwali vwa vandu vasigamira misambwa kuli visiuviliru, kandi alasambira vigumba via vandu ku ivi.’ ”

2 Avami 4:16

na Elisha yamuvolera; “Ku ing'inga yiyi muhiga guzaa, ulava nu gumiyi mwana muyaayi mu makono googo.” “Mukali oyo yahuga, Oh! Mwaza, mwami, utambehera mba. Ivi oveeye mundu wa Nyasaye!”

Ayubu 14:14

Niiva mundu akuza, anyala kuva mwoyo kandi? Navuzwa ndalindilira ing'inga indahi, ndakalindi kuduuka ing'inga yu vudinyu vwange vohera.

Ayubu 14:5

Kigira madiku gi limenya liu mundu gamali kotovolwa maziambiri, kandi umanyi livaliza lie mieli jije jilimenya. Kandi ivi umali kotovola na umundu sianyala kugirung'anyia mba.

Ayubu 7:1

Livamwoyo liu mundu ku lirova liveeye kuli liyinzira liukuniga mu liihi, kandi liveeye kuli miyinzi midinyu jamakono.

Zaburi 113:9

Aheezaa mukali mugumba uluyali hango hehe. Amukolaa asangale ku linyola avana; Mwizominye Yahova.

Zaburi 52:5

Kunangwa Nyasaye alakudiviza mihiga ni mihiga; nu kukutuliza munyumba yooyo, alakutuliza mu kivala cha vandu vaveeye mwoyo, kandi alakudiviza ligali mihiga ni mihiga.

Tsing'ano 24:27

Wetegekizi miyinzi jijo, wetegekizi vindu viosi mu mulimi ni wakamala kwetegeka wumbake inyumba yooyo.

Isaya 28:24

Siaveeye ho nu mulimi uzizagilira vuzwa kulima milimi jije nukujetegekiza kutaga mba.

Isaya 38:1

Ing'inga yene yeyo, mwami Hezekia yaali mulwaye kali kuduuka ahimbi ku likuza. Muporofeti Isaya mwana wa Amozi yazia kumulora, kandi namuvolera, “Yahova avoora, ulungikize vindu viosi kigira siulahona mba, navuzwa ulakuza.”

Isaya 38:5

kwirana ku Hezekia kumuvolera ndi, “Inzi Yahova, Nyasaye wa guuga woovo Daudi, mali kuhulira lisaala liilio kandi mali kolola maliga googo; ndakomeeda mihiga 15 mu limenya liilio.

Isaya 54:1

Wimbi nuvusangali, O, ivi Jerusalemi oveeye mugumba; ivi uwavula kwivura umwana. Uhanzuki nukwimba vudinyu kigira uvusangari, ivi uwavula kuva ku ni lilumwa liu kwivura. Mukali walekwa alava na vana vanyingi kuvita avana vu mukali oveeye numusaza.

Jeremia 1:10

Kalunu ngohezanga zinguru ku zihiiri kandi ku vwami, kwiha kandi kusambula, kudiviza kandi kutung'aminya, kwumbaka kandi kusimika.”

Jeremia 45:4

“Navuzwa inzi, Yahova, ndasambura ichamali kwumbaka kandi ndiha chamali kutaga. Inzi ndakora yaga ku kivala choosi.

Matayo 13:41

Umwana wa Adamu alatuma zingelosi veve, navo valavungiza kutura mu Vwami vwivwe ivindu viosi ivileetaa uvwoni, na vosi avaakoraa uvudamanu,

Matayo 15:13

Navuzwa Yeso yativura navoora, “Kitagwa choosi cha Baba wange wu mwigulu atasimika kiliifwa.”

Luka 1:13

Navuzwa engelosi yamuvolera, “Utatia mba, Zakaria, kigira Nyasaye ahuliyi lisaala liilio. Mukali woovo Sabeti alakwivulira mwana muyaayi, na ulamugulika Yohana.

Luka 1:20

Hulira, ulava idimbidi, kandi siulamoloma mba, kuduuka lwayaga galakekoleke, kigira siwasuuvira makuva gange ivi siulamoloma mba kuduuka lwa malago gaange gali twekizwa.”

Luka 1:36

Umanye kali Sabeti mwiko woovo, umali kovereka mwana muyaayi mu vokeere vwivwe. Yigu nu mweli gwigwe gwa sita, wa vandu valanga mugumba.

Yohana 16:21

Ing'inga yu mukali alumwa aveeye novovereri kigira ing'inga yuvusaliri iduuki; navuzwa niyakamara kwivura umwana, siyizuliza kandi uvusaliri yivwo mba kigira vuyanzi vwu mwana wivuliiywi mu kivala.

Yohana 7:30

Kunangwa, avandu vageriza kumugumira, navuzwa siyaali ho nu mundu wageriza kuhila makono kumugumira, kigira ing'inga yeeye yaali nikikiri kuduuka mba.

Vikolwa 7:17

“Lwi ing'inga yaduuka, Nyasaye aduukizi lilagana lia yalagana na Aburahamu, livaliza lia avandu vaali mu Egebeti liali ni limali komeedeka ligali.

Vikolwa 7:20

Musa yiivulwa ing'inga zana yeyo. Yaali mwana wi ligondo lilahi ligali. Yalelerwa munyumba yaavo ku imieli jivaga,

Vagalatia 4:4

Navuzwa lwa ing'inga indahi yaduuka, Nyasaye yatuma Mwana weve. Yaza kuli mwana wivulwa nu mukali, kandi namenya hasi hi Lilaga lia Avayuda,

Kwidzulitsa 34:5

Kunangwa Musa, mutumikiri wa Yahova, yakuzira yo mu kivala cha Moabu, kuli Yahova yaali navooye, galava.

Vahebraina 9:27

Mundu woosi kuduuka akuzi lulala vuzwa, kandi lwinyima aduuki kukalagirwa na Nyasaye.

1 Samweli 2:5

Avandu vaali ninziguta kalunu vayinzira ku vaduuki konyoora chukulia, navuzwa yavo avaari ninzara si vaveeye ni inzara kandi mba. Mukali mugumba wivuuyi avana saba. Navuzwa mama wa vayaayi vanyingi utigaye umwere vugira mwana.