Kohelethu 3:14 - KITABU KITAKATIFU

¹⁴ Manyi ndi kindu choosi cha Nyasaye akolaa kilahindira mihiga ni mihiga. Siunyala komeedaku kindu choosi, anoho siunyala kutulizaku kindu choosi mba. Kandi kindu kilala cha Nyasaye akolaa nokokola kunyi kusingila imbiri weve nu kumutia.

Kohelethu 3:14 Iomraidhean Croise

2 Samweli 22:31

Nyasaye uyu, ivikolwa vivie viveeye vidukiru ligali, amakuva geege gaveeye agiligali! Aveeye kuli inguva ku vosi avenya likingwa lilie.

Zaburi 33:11

Navuzwa lilohiza lie zing'anagani zia Yahova zihindiraa mihiga ni mihiga. Zing'anagani zizie zimenya mihiga ni mihiga.

Zaburi 64:9

Maku avandu vosi valatia; valaganagana ku aga Nyasaye amali kokora, nukulandiza amakuva givikolwa vivie.

Zaburi 76:10

Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

Tsing'ano 19:21

Avandu vanyara kulohiza vindu viosi viavanyala, navuzwa lienya lia Yahova lizizaa kwekoleka.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Tsing'ano 30:6

Niiva ovoora ndi yavoola kindu cha yavula kuvoola, alakugondokera nu kukumanyia ndi uveeye mugadi.”

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Kohelethu 5:6

Utaleka makuva googo gakuhili mu vwoni mba, kunangwa uduuki kovoolera vasaalisi va Nyasaye ndi sivwaali vulaliri vuvwo kokora ndio mba. Kigira ki okole Nyasaye ave nu vutima na ivi? Kigira ki oleke Nyasaye yononyie vindu via wayinzilira?

Kohelethu 5:7

Maloto manyingi na mang'ana manyingi si gaveeye ni kivune mba; gakuduukiraa utie Nyasaye.

Kohelethu 7:18

Welehe ku vuchamu kandi ku vusiru. Niiva ulatia Nyasaye, ulanyora vuguuti kazozo.

Isaya 46:10

Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Danyeli 8:8

Imburi yaazizagilira kufuriana, navuzwa mu vunyingi vwi kirage chayo, ulwiga lwayo lulala lwavunika. Zinziga zine zinene ziamera mu vogono vwu lwiga lulala lwavunika, na vuli lwiga lwa henza igulu mu lovega lwalwo.

Vikolwa 2:23

Kolondekana ni lilohiza lilie mwene, Nyasaye yaali ni yatovola ndi Yeso ahaanwi mu makono ginyu. Navuzwa munyi mwamwita kigira mwalekela avandu avoni navadamanu kumuvaamba.

Vikolwa 4:28

Yee, vavugana harara vaduuki kokora vindu viosi via Ivi wasaavira kokora vindu viosi mu zinguru zizio kandi mu vulaliri vuvwo.

Vikolwa 5:39

Navuzwa nijiva ni jatula ku Nyasaye, munyi si munyala kuvaguuta mba. Kali mulanyola aveene ni mulwaanaa Nyasaye!” Kunangwa avakulundu vi kiyaalo vosi valonda ligerihiza lia Gamalieli.

Varumi 11:36

Vindu viosi vialombwa naye, kandi viosi viveeye ho mwoyo kuvitira mu zinguru zizie; kandi viosi viirana kuye. Uvukumi vove kuye mihiga ni mihiga! Amini.

Vafeso 3:11

Nyasaye yakola yaga kolondekana nu vulaliri vwivwe uvutahera mba, vwa yanyoora kuvitira mu Kristo Yeso Mwami wiitu.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”