Kohelethu 2:8 - KITABU KITAKATIFU

⁸ Ndaavungiza izahabu kandi ifeza inyingi ligali kutura mu mavikiru gu vwami vwi vivala via ndamiiha. Ndaali na vimbi vi kikali kandi vi kisaza vanyanziza ni liemba; kandi ndaali na vakali vaviika vanyingi vu musaza wundi yaali anyala kuva navo.

Kohelethu 2:8 Iomraidhean Croise

2 Samweli 19:35

Inzi mbeeye ni mihiga samanini na sikeveeye ho ni kinyaanzizaa kandi mba. Sinyala kuzazama ichandia nukunwa mba, kandi sinyala kuhulira mioyo ja aviimbi mba. Ndava vuzwa uvulitu ku mwami munene wuluyali wange.

1 Avami 10:10

Yaaha mwami Solomoni vihaanwa via yaali naleti, kuvita zikilo 4,000 zie zahabu kandi mudalasini munyingi ligali kandi na magina guvuguli. Mudalasini gwu mukali uyu yaaha Solomoni gwali umunene kuvita gwa yanyoora ing'inga yindi yoosi.

1 Avami 10:14

Vuli muhiga, mwami Solomoni yanyoora himbi zikilo 23,000 zie zahabu

1 Avami 10:21

Vikombe viukunwera mu viosi via Solomoni vialombwa ni zahabu kandi viju viosi Munyumba yo Mulitu gwa Lebanoni, vialombwa ku izahabu indahi enzere. Sichali ho chalombwa kutura ku ifeza mba, kigira ifeza siyaloleka kuva kindu chuvukala mu madiku ga Solomoni mba.

1 Avami 11:3

Solomoni yaleeta vakali zimia saba, ma kandi yaali na vakali vaviika zimia zivaga. Vakali yava vagira Solomoni yibaala ku Yahova;

1 Avami 14:27

Kwilanyia ho viju vindi, mwami Rehoboamu yalomba zikuuti zie migasa kandi naviika mu vulindi vulahi vwa vanene valindanga virivwa vie nyumba yu vwami.

1 Avami 9:14

Huramu yaali naatumiyi Solomoni izahabu ivita zikilo zielefu zine.

1 Avami 9:28

Veelema kuduuka mu kivala cha Ofura, kandi nivaleetera Solomoni zahabu ivita zikiloguramu 14,000.

1 Kyetsinyinga 25:1

Mwami Daudi na aviimiliri va vandu va Levi vaatovora vi viliango via vandu va Levi ukwimilira miyinzi ju kusigamira Yahova. Yava vaali Asafu, Hemani, na Jeduzuni. Venyeka vilwaaze makuva ga Nyasaye, harara ni zinyimbu ziuvukana kandi uvukana vwi migoye kandi vikuli. Yili nilio lilohiza lia avandu vatovolwa ukwimilira lisigamira, nu lugano lwu vutumiki lwa vuli mundu yakola.

1 Kyetsinyinga 25:6

Vayaayi veve vosi vakuba vikuli nu vukana haasi hu vwimiliri vwa baba wavo ukuzia harara nilisigamira liu mu Litembeli. Na Asafu, Jeduzamu na Hemani vaali hasi ha malago gu mwami.

2 Kyetsinyinga 9:11

Mwami Solomoni yatumikira misaala ji mitiva yiji kolomba vika vie Litembeli lia Yahova, ma kandi inyumba yeeye yu vwami, ma kandi nalomba migoye ju vukana ni vinanda via viimbiraa mu. Sihali ho ni kindu kuli yiki chaloreka ing'inga yindi mu kivala chi Ivuyuda.

Ezara 2:65

komeeda kuveene yava, vaaliho kandi na vatumikiri vasaza kandi avakali 7,337; harara na vimbi vizinyimbu avasaza kandi avakali 200.

Kohelethu 1:2

Mwilwazi yavoola ndi, voveeye vuzwa, vuzwa! Livamwoyo liveeye vuzwa, vindu viosi viveeye vuzwa.

Danyeli 3:15

Nonoho lwa muhulira kisiriva, lilele, lidienyi, inangoli, lidulele, vukana ni mioyo ji vikubaa viosi mwiname hasi na musigamiri kifananyi. Niiva si mulakola ndio, hene yaho mulasiuvwa mu lomemo lwu muliru. Muganaganaa haveeye ho nu munyasaye unyala ku muhonya?”

Danyeli 3:5

Lwa muhuliri mwoyo gwi kisiriva, kelondwa ku ni likuba lie lilele nu gwi lidienyi, nu gwi inangoli nu gwu vukana nu gwi lidulele harara ni vikuli vindi viosi ni vikubwa. Nonoho lwa vitanga kukubwa, gamuduukira mwiname haasi nu kusigamira kifananyi chi zahabu chu mwami Nebukadineza amali kusingiliza.

Danyeli 3:7

Lwa vahulira mwoyo gwi visiriva, vandu vi vivala viosi, zihiiri ziosi, kandi vamoloma zinimi ziosi vinama nivasigamira kifananyi chi izahabu chu mwami Nebukadineza yaali nalombi.

Amosi 6:5

Muyanzaa ukwimba zinyimbu zia vuzwa ku vukana, mwelomberaa vukana aveene, kuli Daudi.