Kohelethu 2:23 - KITABU KITAKATIFU

²³ Madiku goosi gu mundu amenyi mu kivala, vuli kindu choosi chakolaa keletaa lihenda mwoyo kandi vuzunu. Kali vudiku, zing'anagani zizie si zisosaa mba. Yaga goosi gaveeye vuzwa.

Kohelethu 2:23 Iomraidhean Croise

Litanga 3:17

Yahova Nyasaye yavolera musaza, “Ndalaama lirova kigira umali kuvugilira makuva gu mukali woovo, kandi umali kulia ku makuyu gu musaala gwa ndakulaga uvuli kulia. Ulayinzira vudinyu mu madiku gi limenya liilio liosi kunangwa onyoore cha ulia.

Litanga 47:9

Yakobo yativura, “Limenya liange liu kogenda genda liali mihiga 130. Mihiga yijo jali mikekeeke kandi ju vudinyu, kuvita mihiga ja vaguuga vange vaali mu ligenda genda.”

Esther 6:1

Uvudiku vulala vwere yivwo, umwami siyaali unyala kogona zindoolo mba. Yalaga aleetelwi ivitabu via mang'oda gamanyia ivikolwa viu vwami viu kwizulizwa vie zing'inga ziavita visomerwe imbiri weve.

Ayubu 14:1

“Mundu wu mukali yivula, aveeye wa amadiku makekeeke, kandi yizuuye ikivi.

Ayubu 5:7

Navuzwa mundu yiivulwa anyoore kivi kuli zisese ziumuliru ziduumaa igulu.

Zaburi 127:2

Ni vuzwa kuvuuka mumavwevwe kandi kulindagira kuzia kogona, ni mudidikana kwenyolera cha mulia, kigira Yahova ahaanaa ku ava yaanza kali lwa vaveeye mu zindoolo.

Zaburi 32:4

Yahova, ivi wahaana amageri ku inzi umbasu nu vudiku vwosi zinguru ziange ziafwa ligali, kuli mbasu mululu gukaminyaa amazi.

Zaburi 90:15

Okohe kalunu mihiga minyingi ju uvusangari vunyingi, kuli wakuha mihiga minyingi jo vovereri ni kivi.

Kohelethu 1:13

Ndaatovora ndi ndahenzeriza kandi ndenyeleriza no vogeri vwange vindu viosi viekoleka mu kivala yiki. Yigu nu muyinzi mudinyu gwa Nyasaye amali kuviika ku vandu.

Kohelethu 1:18

Kuva novogeri vunyingi, nilwo lwa voletaa lihenda mwoyo linyingi; kuva nilimanya linyingi, kandi nilwo lwa liletaa vovereri vunyingi.

Kohelethu 2:11

Maku ndaganagana ku viosi via ndaali nengoli kuli ndaali ninyinziyi vudinyu, na ndayoola ndi viosi viali vuzwa. Gaali vuzwa kuli kudidikana nokolonda imbuza, na si ndaali ni kindu cha ndanyoora mu kivala mba.

Kohelethu 5:12

Avayinziri vanyara konyoora anoho vavuli konyoora vindu via vaduukana kulia, navuzwa vanyara kuva ni zindoolo zindahi vudiku. Navuzwa vatugi vaveeye navio vinyingi, vivakolaa vave ni zing'anagani zinyingi zivalomba vavuli kogona vudiku vwosi.

Kohelethu 5:17

Komenya limenya liu mu kisundi kandi mulivelera, muvudegelu, mu vutima kandi mu vulwaye.

Kohelethu 8:16

Lwa ndaageriza kuva mugeri kandi kumanyiriza kizizagiliraa mu kivala, ndaamanya ndi nyara kuva vugira zindoolo vudiku nu muvasu.

Danyeli 6:18

Maku mwami yirana munyumba yeeye yu vwami, navuzwa si yagona vudiku vwosi anoho, si yaalia kandi si haali ho ni vindu viu kumuyanziza mba.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”