Kohelethu 2:10 - KITABU KITAKATIFU

¹⁰ Kindu choosi cha ndeenya, ndakenyoola. Si ndigayaku lieyaanziza mba. Ndaali ni liegingilira ni miyinzi josi ja ndaakola; na yivi viosi viali madanyi gange.

Kohelethu 2:10 Iomraidhean Croise

Litanga 3:6

Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia.

Litanga 6:2

Vilala ku virombe viu mwigulu vialola ndi avakaana yavo vaali valahi viligondo lilahi ligali, kunangwa vaavugura yavo avavayaanzaa.

Ayubu 31:1

Inzi mali kolomba lilagana ndi, sindaheenza mukaana nu kumwegomba mba.

Zaburi 119:37

Undulizi kutura ku lihuliriza makuva ga vuzwa. Linda limenya liange, kuli umali kusuuviriza.

Zaburi 128:2

Ulalia makuyu go logeli lulwo, ulasangala nokonyoora uvugasu.

Tsing'ano 23:5

Vutugi vuvwo vunyala kogota kutura ku ivi vwangu, kuli vomeli zimbaha nukuburuka kuli indizu.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Kohelethu 2:1

Ndaatovora kwisangaliza nu kwenya kumanya ndi vuyanzi voveeye ki. Navuzwa ndanyoora ndi viosi viali vuzwa kandi.

Kohelethu 2:22

Mundu ayinziraa vudinyu nokohenda mwoyo mu livamwoyo lilie liosi, anyoora kindiki mu lididikana lilie liosi mu kivala?

Kohelethu 2:24

Kindu kilahi ligali chu mundu anyala kokora mu kivala nukulia kandi kunwa, nukusangalira viosi viamali konyoora mu liyinzira vudinyu. Navuzwa ndaalora ndi vindu yivi viosi vituraa ku Nyasaye.

Kohelethu 3:22

Kunangwa ndaalora ndi kindu kilahi cha kunyala kokora ni kusangalira miyinzi ja kumali kokora. Sikoveeyeho ni kindu kindi cha kunyala kokora mba. Sihaveeyeho ninzira ya kunyala kumanyiriza ku kindu kiliekoleka ni kwakakuza mba.

Kohelethu 5:10

Niiva wayanza mabese, si galakuduuka mba; niwegombaa kuva mutugi, si ulanyora viosi via wenya mba. Viosi viveeye vuzwa.

Kohelethu 5:17

Komenya limenya liu mu kisundi kandi mulivelera, muvudegelu, mu vutima kandi mu vulwaye.

Kohelethu 5:18

Yaga nigo gandakumanyiliza; kindu kilahi kidukanaa mundu kokora ni kulia, nu kunwa nu kusangalira vindu viayayinzilira mu madiku makekeeke ga Nyasaye yamuha mu kivala. Yiki ni kidieli chu mundu.

Kohelethu 6:2

Nyasaye ahaanaa ku mundu vutugi, miandu kandi luyali kandi vindu viosi via yenya. Navuzwa sialekaa mundu kusangalira vindu yivi mba. Navuzwa mundu mugeni utamanyikani alavisangalira. Yaga gaveeye vuzwa, kandi gaveeye gokovereirza.

Kohelethu 6:9

Ni vuzwa; gaveeye kuli kudidikana nokolonda imbuza. Ni vulahi kuvugilira cha oveeye nacho kuvita kwenya kindu kindi vuli kazozo.

Kohelethu 8:15

Kunangwa suviraa ndi, mundu gakuduukiraa wiyaanzizi, kigiri lieyaanziza lia koveeye nalio mu livamwoyo lietu, nu kulia kandi kunwa nukusangara. Kunyala kokora ndio lwa kuyinziraa vudinyu ku ing'inga yi livamwoyo lia Nyasaye amali kukuha mu kivala yiki.

Kohelethu 9:6

Vuyanzi vwavo, liduunya liavo kandi liegomba liavo, viosi vikuza harara navo. Sinavive ni lisanga ni vindu viekoleka mu kivala yiki mba.

Kohelethu 9:9

Ove nu vusangali nu mukali wa uyanzaa lwa umenyi livamwoyo lia vuzwa mu kivala cha Nyasaye akoheeye; usangaliri vuli lidiku kali live litaduukanaa kigira yiki nicho kidieli mu livamwoyo liilio kandi miyinzi ja makono googo mu kivala yiki.

1 Yohana 2:16

Vindu viosi viveeye vielirova, viveeye liiva liu muviri likayirwa ne zimoni kandi liegingira lie livamwoyo sivitulaa ku Baba mba navuzwa viveeye vie lirova.

Vakalagi 14:2

Samusoni yirana yengo navolera baba weve na mama weve, “Mali kolola umukana Mufilisitia kutura Timuna wanyaanziziywi naye. Muturi muzie kondetera. Nyenya muvuguli ave mukali wange.”