Kohelethu 2:1 - KITABU KITAKATIFU

¹ Ndaatovora kwisangaliza nu kwenya kumanya ndi vuyanzi voveeye ki. Navuzwa ndanyoora ndi viosi viali vuzwa kandi.

Kohelethu 2:1 Iomraidhean Croise

Litanga 11:7

Gendi kuzie kogoyanyia lulimi lwavo kunangwa vavuli kuhulirizana aveene na vene.”

2 Avami 5:5

Mwami wa Siria yavoola, “Zia ku mwami wa Isiraeli na umuhiliri ibarwa yiyi.” Kunangwa Naamani yazia, navugura zielefu salasini zie vidonye viefeza, zielefu sita zie izahabu kandi zinguvu likomi zinzesereru zie lisavo.

Zaburi 10:6

Avoora mu mwoyo gwigwe, “Sinyala kusuundwa mba sindava mu vudinyu mihiga ni mihiga mba.”

Zaburi 14:1

Avandu vasiru vavola mu mioyo jaavo ndi, “Nyasaye siaveeye ho mba.” Vosi vaveeye avadamanu, kandi vamali kokora agukuvihiririza; sihaveeye ho nu mundu kali mulala okolaa agaveeye malungi mba.

Zaburi 27:8

Lwa ivi wavoola, “Hamba usigamire,” Ndaativura, O, Yahova, “Ndaaza.”

Tsing'ano 14:13

Liseka likunikaa ovovereri mu mwoyo, navuzwa keheri chuvusangari nilisioma.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Kohelethu 2:10

Kindu choosi cha ndeenya, ndakenyoola. Si ndigayaku lieyaanziza mba. Ndaali ni liegingilira ni miyinzi josi ja ndaakola; na yivi viosi viali madanyi gange.

Kohelethu 2:15

Maku ndaganagana nimbora, “Inzi ndakanyoole kivi kilala chere kuli avasiru. Kunangwa, kindiki chamali konyoora kutura ku liiva mugeri?” Ndaativura, “Yaga kandi gaveeye vuzwa.”

Kohelethu 2:25

Nivwaha unyala kulia nu kunwa kandi kusangara vugira Nyasaye?

Kohelethu 7:4

Zing'anagani ziu mundu mugeri ziveeye kunyumba ya vandu vasioma, navuzwa zing'anagani ziu mundu musiru ziveeye kunyumba eveeye ni lisangala.

Kohelethu 8:15

Kunangwa suviraa ndi, mundu gakuduukiraa wiyaanzizi, kigiri lieyaanziza lia koveeye nalio mu livamwoyo lietu, nu kulia kandi kunwa nukusangara. Kunyala kokora ndio lwa kuyinziraa vudinyu ku ing'inga yi livamwoyo lia Nyasaye amali kukuha mu kivala yiki.

Isaya 5:5

“Kalunu ndamuvolera aganzizaa kokora ku kizabibu change; Ndatuliza ho lungaga lwacho, kandi ndasambura lidigi liakinga zimbega ziacho ziosi, na ndaleka zinyama ziu muvulimu kulia nu kuduvagira hasi mizabibu.

Isaya 50:11

Munyi vosi avalohizaa kwita avandi muladivizwa nililohiza lienyu aveene. Yahova mwene alakola yaga kokoleka, mulava mu vudinyu vunyingi ligali.

Isaya 50:5

Yahova Nyasaye umali kumba limanyiriza, kandi sinyala kwibaala kuye mba, noho sinyala kwirana inyima kutura kuye mba.

Luka 12:19

Maku ndakevolere inzi mwene, Kalunu mbeeye ni vindu vinyingi vilahi, vianyenyaa ni vitereywi ku mihiga minyingi. Ndavugura liiva linage kuva lilahi, lio kolemeliza. Ndasosa, ndalia, ndanwa kandi sangale!’

Luka 16:19

“Yaali ho mundu mulala mutugi, uwiviika zinguvu ziu vuguli ligali zie kiforosadi zie rangi yu muzambarao, kandi zie katani indahi, kandi yamenya mu vusangali vwo kolomba lilia vuli lidiku.

Luka 16:23

Mutugi oyo, naveeye nuvusaliri vonene mukihadisi, yahenza yigulu nalora Aburahamu ihale, na Lazaro naveeye kukiritu chiche.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Yakobo 4:13

Kalunu mumbulirizi, munyi avamuvolaa, “Kalunu anoho mugamba kulazia mu lidaala navoleve, lwa na komenye umuhiga mulala, ni kukiranyia konyoole mabese manyingi.”

Yakobo 5:1

Kalunu, munyi avandu avatugi, mumbulirizi! Mukubi zikwiri kandi musiome, kigira ikivi kiiza kumugwila.

Yakobo 5:5

Livamwoyo lienyu hano ku lirova limali kwizura nu vweremerizi, ni lienyaanziza. Mwayekomeriza munyi aveene kwetegekera lidiku liukwitwa.