Kohelethu 12:13 - KITABU KITAKATIFU

¹³ Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Kohelethu 12:13 Iomraidhean Croise

Litanga 22:12

Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

1 Avami 2:3

na okole icha Yahova Nyasaye woovo akulagaa okole. Uhuliri malago geege goosi, ni miima jije, nilikalaga lilie liosi, kuli gang'odwa mu Lilaga lia Musa; kunangwa hoosi ha uzia uduuki kugasizwa mu viosi via okola.

Ayubu 28:28

“Maku Nyasaye yavolera mundu, ‘Heenzi! Kutia Yahova nivwo vogeri; na ukweleha kuvudamanu nilio limanya.’ ”

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Zaburi 145:19

Ahaanaa lienya lia yavo vosi avamutizaa, ahuliraa lirira liavo nukuvahonyia.

Zaburi 147:11

Navuzwa ayanziliraa yavo avamuhezaa luyali, kandi mu yavo avasuuviraa mu vuyanzi vwivwe vwa kazozo.

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Tsing'ano 19:23

Utie Yahova na ulahindira, ulasosa kutura mu linyang'ana.

Tsing'ano 23:17

Utava ni likayirwa ku vandu avoni mba, navuzwa uzizagiliri kutia Yahova madiku goosi.

Kohelethu 2:3

Lwa ndimilirwa ni liegomba ovogeri, ndaatovora kwiyaanziza ni iwaini nukusangara. Ndaganagana ndi yiyi yaali inyala kuva inzira indahi ya vandu vanyara kutumikira mulimenya liavo liveeye limbi mu kivara.

Kohelethu 3:14

Manyi ndi kindu choosi cha Nyasaye akolaa kilahindira mihiga ni mihiga. Siunyala komeedaku kindu choosi, anoho siunyala kutulizaku kindu choosi mba. Kandi kindu kilala cha Nyasaye akolaa nokokola kunyi kusingila imbiri weve nu kumutia.

Kohelethu 5:7

Maloto manyingi na mang'ana manyingi si gaveeye ni kivune mba; gakuduukiraa utie Nyasaye.

Kohelethu 6:12

Mundu anyala kumanya ndi kindu keveeye kilahi ligali ku mundu wundi mu inyinga engekeeke yiyi. Livamwoyo lilie liveeye vuzwa kandi livitaa kuli chiriri. Mundu anyala ndi kumanya kiliekoleka mu kivala ni yakamala kukuza?

Kohelethu 7:18

Welehe ku vuchamu kandi ku vusiru. Niiva ulatia Nyasaye, ulanyora vuguuti kazozo.

Kohelethu 8:12

Kali umwoni nakora vudamanu haali 100, navuzwa amenyaa ing'inga indambi. Oh yee, ndaamanya gavavoraa, “Niiva ulatia Nyasaye, vuli kindu choosi kilava kilahi,

Kohelethu 8:5

Oyo utizaa malago geege sialasalira mba; zing'anagani ziu mundu mugeri zimanyaa ing'inga kandi inzira yo kokora kindu.

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Luka 1:50

Zimbavasi zizie ziveeye ku makura namakura, ku avandu vahaana luyali kuye.

Kwidzulitsa 10:12

“Kalunu avandu va Isiraeli, muhuliri aga Yahova Nyasaye winyu yenya munyi mukore: Sigamiri Yahova ma mukora goosi agalagaa. Mumuyaanze, mumutumikiri ni mioyo jinyu josi, na roho jinyu josi,

Kwidzulitsa 10:20

Mutie Yahova Nyasaye winyu kandi mumusigamiri oyo yeng'ine. Muve avasuuvirifu kuye yeng'ine kandi mulombe amalagano ginyu mu lieta lilie lieng'ine.

Kwidzulitsa 4:10

kigira lidiku lia mwasingira imbiri wa Yahova Nyasaye winyu ku kiguru cha Sinai, lwa Yahova yambolera, ‘Vuganyia avandu. Nyenya vahuliri makuva ga nyenya mbore, kunangwa vaduuki kwiga kumbulira madiku goosi aga vaveeye mwoyo kandi kunangwa navo valiegizi avana vaavo kokora malala meere.’

Kwidzulitsa 4:2

Mutameeda kindu choosi ku makuva ga inzi mulagaa kandi mutatulizi ku kindu choosi mba. Mugumiri malago ga Yahova Nyasaye winyu, aga inzi mali kumuha.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

1 Petro 2:17

Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.

Likunula 19:5

Maku umwoyo gwatura mundeve yu vwami, nigovoora, “Mwizominye Nyasaye wiitu, munyi avatumikiri veve vosi, kandi munyi avandu vamutiizaa, mwombi avakeekeke na vanene.”

1 Samweli 12:24

Mutie Yahova kandi mumutumikiri nu vusuuvirifu ni mioyo gwinyu josi. Mwizurizi vindu vinene via yamukolera.