Kohelethu 10:11 - KITABU KITAKATIFU

¹¹ Niiva enzoka ilakuluma nikikiri kohomatizwa, muhomatizi siaveeye no vokonyi mba.

Kohelethu 10:11 Iomraidhean Croise

Zaburi 52:2

Ivi olohizaa muvwivisu kudiviza avandu vandi; lulimi lulwo loveeye kuli logembe lwugi. Ovola uvugadi vwere kazozo.

Zaburi 58:6

O, Nyasaye, vunanyia amiinu gi zisimba zisoleri yizi, O, Yahova kuula amiinu guvusungu gazio!

Zaburi 64:3

Vahiagalaa zinimi ziavo kuli vivavi, valasaa makuva malulu kuli mivano juvuta.

Tsing'ano 18:21

Amakuva agovoola galahonya livamwoyo anaho galalidiviza, kunangwa gakuduukiraa uvugiliri makuyu ga makuva googo.

Kohelethu 10:10

Niiva imbaazi iduhi ma uvuli kugihiagala, ulatumikira zinguru lwa ugiyinzilira. Navuzwa ovogeri vokonyaa mulala kuguuta.

Jeremia 8:17

Yahova avoora, “Henza, ndatuma avasigu kuli zinzoka ni vihirigoma hagati hinyu, si zilakolerwa ku uvusegetiri mba, navuzwa zilamuluma.”

Yakobo 3:6

Kandi ululimi loveeye kuli umuliru. Loveeye kivala chu vudamanu niloveeye kilala ku vivero vietu viu muviri. Lokolaa liiva liu mundu kuva lidamanu. Luviikaa livamwoyo lilie liosi mu umuliru gutulaa mu gehena.

Yakobo 3:8

Navuzwa sihaveeye ho nu umundu kali mulala unyala kutuga ululimi mba. Loveeye ludamanu kandi ulutanyala kulindwa mba. Lwizuyi uvusungu vululu.