Kohelethu 1:3 - KITABU KITAKATIFU

³ Mundu anyoora kindiki ku miyinzi midinyu josi jakola mu kivala?

Kohelethu 1:3 Iomraidhean Croise

Kohelethu 2:11

Maku ndaganagana ku viosi via ndaali nengoli kuli ndaali ninyinziyi vudinyu, na ndayoola ndi viosi viali vuzwa. Gaali vuzwa kuli kudidikana nokolonda imbuza, na si ndaali ni kindu cha ndanyoora mu kivala mba.

Kohelethu 2:18

Ndaduunyira miyinzi jange josi ja ndaakola vudinyu mu kivala; kigira ndaamanya ndi ndaleka miyinzi yiji josi ku mundu waza yaaze inyima wange,

Kohelethu 2:19

Hawundi anyala kuva mugeri anoho musiru, nivwaha umanyi? Navuzwa alakavuguri vuli kindu choosi cha mali konyoora mu liyinzira vudinyu no vogeri vwange mu kivala yiki. Yaga goosi gaveeye vuzwa.

Kohelethu 2:22

Mundu ayinziraa vudinyu nokohenda mwoyo mu livamwoyo lilie liosi, anyoora kindiki mu lididikana lilie liosi mu kivala?

Kohelethu 3:9

Ni vukala ki vwakonyoolaa ku miyinzi jietu josi?

Kohelethu 4:3

Navuzwa voveeye vulahi ligali ku vavura kwivulwa, yavo vavura kolola uvudamanu vwekolekaa mu kivala yiki, vulahi ligali kuvita vombi, niyavo avakikiri kwivulwa, avakikiri kolola uvudamanu vwekolekaa mu kivala yiki.

Kohelethu 4:7

Kandi mali kolola kindu kindi mu limenya liu mundu ekeveeye vuzwa mu kivala.

Kohelethu 5:16

Si voveeye vulahi mba! Kuziiza kuli kwaza, kokoraa miyinzi nikudidikana kugumira imbuza, navuzwa si konyoora kindu mba.

Kohelethu 5:18

Yaga nigo gandakumanyiliza; kindu kilahi kidukanaa mundu kokora ni kulia, nu kunwa nu kusangalira vindu viayayinzilira mu madiku makekeeke ga Nyasaye yamuha mu kivala. Yiki ni kidieli chu mundu.

Kohelethu 6:12

Mundu anyala kumanya ndi kindu keveeye kilahi ligali ku mundu wundi mu inyinga engekeeke yiyi. Livamwoyo lilie liveeye vuzwa kandi livitaa kuli chiriri. Mundu anyala ndi kumanya kiliekoleka mu kivala ni yakamala kukuza?

Kohelethu 7:11

Ovogeri voveeye vulahi kuli konyoora miandu; viletaa vukala ku yavo avamenyi mu kivala.

Kohelethu 9:13

Mali kolola kandi kimanyiru kindi kilahi kuli vogeri vololekaa kuva mu kivala yiki.

Kohelethu 9:3

Vosi valanyora kivi kilala chere, yiki ni kindu kidamanu kuli vindu viekoleka mu kivala yiki. Lwa vandu vakemenyi mu kivala yiki, zing'anagani ziavo ziayizula vudamanu nu vulalu, nonoho vakuza.

Kohelethu 9:6

Vuyanzi vwavo, liduunya liavo kandi liegomba liavo, viosi vikuza harara navo. Sinavive ni lisanga ni vindu viekoleka mu kivala yiki mba.

Isaya 55:2

Kigira ki mutumikiri mabese ginyu ku kindu kitakonya? Kigira ki mutumikiri mitungu jienyu navuzwa mukikiri ni inzara? Mumbulirizi vudinyu ligali, na mukore aga inzi mboraa, na mulasangalira viukulia viveeye vilahi ku viosi.

Habakuk 2:13

Zihiiri zia mwaguuta ziveeye ni miyinzi ja vuzwa kandi viosi viavamali kwumbaka visambwa mu lumemo liu muliru. Yahova Wuvunyali umali kokora yaga.

Habakuk 2:18

Kifananyi keveeye navokonyi ki? Yiki ni kindu chalombwa nu mundu kandi sikikovoolera kindu mba, nitali kivoola vovehi. Kifananyi yiki kevoolera ki mulombi wa cho aduuki kukisuuvira? Aveeye munyasaye utamolomaa!

Matayo 16:26

Mundu alanyoola vukala ki niiva alavugula uvutugi vwosi vwi lirova, navuzwa agotizi livamwoyo lilie? Anoho, umundu alahaana ki keve mu uvwiyangu vwi livamwoyo lilie?

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

1 Vakorintho 16:16

Mugoonyaa, avaamitu vange, mwegehizi kandi mulonde vwimiliri vwa vandu kuli yavo, nu vwimiliri vwa vuli mundu okolaa imiyinzi kandi utumikaa harara navo.