Joshua 8:31 - KITABU KITAKATIFU

³¹ Yavolomba kolondekana na migizu ga Musa, mutumikiri wa Yahova yaaha avandu va Isiraeli, kuli gavoora mu Lilaga lia Musa, “Uvwali vwalombwa na magina agavula kuvazwa ni viju vie kivia.” Vahaana kuvwo vihaanwa viu kusambwa ku Yahova kandi vihaanwa vie mirembe.

Joshua 8:31 Iomraidhean Croise

2 Avami 14:6

Navuzwa siyiita avana va valumindi yavo mba, navuzwa kolondekana na agang'odwa mu kitabu chi Lilaga lia Musa, umwa Yahova yavoola, “Vivuli si valitwa kigira uvwoni vwa vana vaakora mba; kandi avana sivaliitwa kigira vwoni vwa vivuli vakora mba. Mundu aliitswa vuzwa kigira uvwoni vwa oyo mwene amali kokora.”

2 Avami 22:8

Shafani yahaana malago gu mwami ku Hilicha, na Hilicha yamuvolera ndi unyooye kitabu chi Lilaga mu Litembeli. Hilicha yamuha kitabu, na Shafani yakesoma.

2 Kyetsinyinga 25:4

Navuzwa si yita avana vaavo mba, navuzwa yalonda lilaga lia Yahova yalaga mu malago ga Musa: “Aviivuli si valitwa kigira uvwoni vwa avana vaavo mba, anoho avaana sivaliitwa kigira uvwoni vwa viivuli vaavo mba, navuzwa mundu sa mulala aliitwa kigira uvwoni vwivwe umwene.”

2 Kyetsinyinga 35:12

Vavugura vihaanwa viu kusambwa, nivahaana ku vandu kolondekana ni viduma vie zinyumba zia vaguuga vaavo vahane ku Yahova, kuli gang'odwa mu kitabu chi Lilaga cha Musa. Vakora ndio kandi ku zigiriki.

Ezara 6:18

Valohiza avasaalisi vi hiiri ya Levi mu vika kigira uvutumiki vwa Nyasaye mu Litembeli lia Jerusalemi. Yaga gakolekaa kolondekana na malago gang'odwa mu kitabu cha Musa.

Nehemia 13:1

Lwa Lilaga lia Musa liali ni lisomaa vudinyu vaduuka ku luvaso lovoolaa, Umuamoni kinga Umumoabu siaveeye numunwa kwingira mu livugana lia avandu va Nyasaye kali hakuzu mba.

Kutwula 18:12

Maku Jezero yaleeta kihanwa chukusambwa choosi nivisiuviliru vindi vihaanwe ku Nyasaye. Haruni na aviimiliri vosi va Isiraeli vazia harara na Navizara Musa ukulia chukulia kitakatifu kuli likora liukusigamira Yahova.

Kutwula 24:5

Maku yatuma vasoleri ku avandu va Isiraeli, vasambiri Yahova visiuviliru vie zing'ombe kuva vihaanwa vie mirembe.

Matayo 12:26

Niiva, Setani alakunga Setani yiilwaanaa umwene. Kunangwa uvwami vwivwe vulasingira ndi?

Kwidzulitsa 27:2

Lidiku lia muliambuka mugera gwa Jorodani nokwingira mu kivala cha Yahova Nyasaye winyu amuhezaa, mulasingiriza magina manene, nukugahoma vodohi

Kwidzulitsa 27:8

Ku magina gahomenywe novodohi, mung'ode ku vulahi vuli likuva lie lilaga lia Nyasaye.”

Joshua 1:8

Olole ndi kitabu chi Lilaga yiki kesomwaa kazozo mu lisigamira liilio. Okesome mbasu nuvudiku, kandi olole ndi olondaa nukugumira vindu viosi iviang'odwa mucho. Maku yaho ulava nilizizagilira imbiri ligali kandi ulagasizwa.