Joshua 7:24 - KITABU KITAKATIFU

²⁴ Joshua harara na vandu vosi va Isiraeli, vagumira Akani, ifeza, likoti, kandi kedonye chi izahabu harara na vana va Akani avayaayi navakaana, zing'ombe, zibunda kandi amagondi geege, lihema lilie, kandi ivindu viosi via yaali navio, imiandu jije, kandi vavihila kuduuka mu Livona lia Akori.

Joshua 7:24 Iomraidhean Croise

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

Ayubu 20:15

Mudamanu amiraa uvutugi vwa yiva ma avuluka kandi; Nyasaye avutulizaa, munda mwimwe.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Tsing'ano 15:27

Niiva ogeliza kolomba vukala vwuvugadi, ulavika vandu vinyumba yooyo mu vudinyu. Utavugula viambeti mba, na ulamenya mihiga minyingi.

Kohelethu 5:13

Mali kolola kindu kidamanu ligali chekoleka mu kivala yiki: Mutugi aviikaa vutugi vwivwe kuduuka vwirana kumusaliriza,

Isaya 65:10

Valasigamira kandi valava nu vwayiru vwi mitugu jaavo mu kereremo cha Sharoni kandi mu livona lia Akori.

Hosea 2:15

Wene yeyo, inzi ndamwiranyira milimi jije jie mizabibu, kandi ndakora Livona liu vudinyu kuva kiliango chi Lisuuvirizwa. Wene yeyo alakandivuliri kuli yativura lwa yaali nakikiri musoleri kandi lwa yaza kutura mu kivala cha Egebeti.

Joshua 15:7

Lwako lwazia kuduuka Debiri kutura ku Livona lia Akori liveeye kovora livona lie Lidambizwa kandi nilugirung'ana kuzia ivaale kuduuka Giligali, ilihenzaa vwingiliru vwa Adumimu kolovega lwi isavaalu wi livona zana. Maku lwazizagilira kuduuka ku vidaho via Enishemeshi kandi niluduuka ha keheri chalwo ha Enirogeli;

Joshua 22:20

Mwizurizi kuli Akani muyaayi wa Zera yasura kuhulira lilaga lia Yahova yavolera kunyi, kudiviza vindu viosi iviakalagirwa mu lidaala linene lia Jeriko! Yahova yaaha avandu vosi va Isiraeli amageri ku agene yago. Akani siyaali niyie yeng'ine uwakuza kigira uvwoni vwivwe mba. Avandu va Isiraeli vandi vanyingi kandi vaakuza kigira uvwoni vwa Akani.”

Joshua 6:18

Navuzwa mutavuguli kindu ku viosi ivienyekaa viononywe mba. Nimuva nimukora ndio mulaleeta kivi hokososa ha vandu va Isiraeli.

Joshua 6:21

Vita avandu vosi ligali mu lidaala nivivavi, avasaza na vakali na vana navasakulu. Vita zing'ombe, amagondi ni zibunda.

Joshua 7:1

Avandu va Isiraeli sivalonda lilaga lia Yahova kolondekana ni vindu vienyeka vidivizwi ligali. Mundu walangwa Akani, muyaayi wa Kaumi, mwisukulu wa Zabadi, ekesoni cha Zera, uwi ihiiri ya Yuda, siyaatia lilaga yilio mba, kunangwa Yahova yavihilirwa avandu va Isiraeli ligali.

Joshua 7:23

Vaavituliza mu lihema, nivavihila ku Joshua harara na vandu va Isiraeli vosi, niviviikwa hasi imbiri wa Yahova.

Joshua 7:26

Vavungiza kuye kitumi kenene cha magina, ekeveeye yo kuduuka lidiku lia kalunu, yiki nicho chagira havundu yaho nihalangwa Livona lia Akori. Maku Yahova siyaazizagilira kuva nu vutima kuvo mba.