Joshua 6:5 - KITABU KITAKATIFU

⁵ Maku valakuba visiliva vie zinziga zie ugoondi limigu lulala ku vutambi. Nonoho lwa muhulira lilangilira lie visiliva yilio avasaza vosi valahanzuka nu mwoyo munene, ligali, na amadigi gulugaga lwi lidaala linene galagwa hasi. Maku liihi liosi lilazia vulungi mu lidaala linene.

Joshua 6:5 Iomraidhean Croise

Kutwula 19:19

Umwoyo gwikisiliva gwamedeka ligali. Musa yaazizagilira komoloma, na Nyasaye yamutivulira nu mwoyo gwe munene kuli gwinguba.

Isaya 25:12

Alakadivizi zimbinga zia Moabu harara na madigi gaavo matambi nukugatuula hasi mu luguchi.

Isaya 30:25

Ku ing'inga yene yeyo, lwa minaara javasigu vinyu jirakagumilwi na vandu vaavo kwitwa, migera ja amazi jilakatuli kutura kuvuli kiguru kitambi.

Jeremia 50:15

Mukubi zikwiri zie liihi mu lidaala linene liosi! Kalunu Babiloni imali kwiyama. Madigi galio gamali kuduyanywa nukugwa. Inzi mbanzaa kisaalia change ku vandu va Babiloni. Kunangwa munyi muvanze kisaalia kuvo, kandi muvakolere kuli vaakolera avandi.

Vahebraina 11:30

Kigira lisuuvira amadigi ga Jeriko gaagwa, inyima wa vandu va Isiraeli vaali nivakalikumberiza ku madiku saba.

Joshua 6:16

Ku ing'inga ya saba, lwa vasaalisi vaali ahimbi kukuba visiriva, Joshua yalaga avandu vasaza veve vosi vahanzuki, kandi yavoola, “Yahova umali kuha munyi lidaala linene yili.”

Joshua 6:20

Kunangwa avasaalisi vaakuba visiliva. Nonoho lwa vasaza zana vahulira mwoyo gwi visiliva, nigukuba ku lohono, vahaanzuka nu mwoyo munene ligali, na amadigi gulugaga gaagwa hasi. Maku iliihi liosi lia Isiraeli vanigira kiguru vulungi nokwingira mu lidaala linene nivaligumira.

Joshua 6:4

Avasaalisi saba, vuli mulala nagiingi kisiriva che zinziga zie ugoondi limigu, valimilira imbiri wi Lisandugu lie Lilagana. Ku lidiku lia saba, ivi harara na vasikari vi liihe vovo, mulagenda kovodong'ana lidaala yilio haali saba, avasaalisi navo nivakubaa visiliva.

Joshua 6:6

Joshua muyaayi wa Nuni yalanga avasaalisi navavoolera, “Vuguli Lisandugu lie Lilagana, na saba ku munyi mwimiri imbiri walio; nimugingi visiliva vie zinzigazia magoondi manigu.”

Vakalagi 20:37

Avandu yava vaatura havaali nivivisi nivanyagura kuzia kolovega lwa Gibea; vaasalana mu lidaala nu kwita vuli mundu.

1 Samweli 17:20

Daudi yavuka mumavwevwe lidiku lialonda ku naleka mwayi wundi amulindili amagondi, navugura chukulia, kandi nazia kuli Jese yaali naamuvoleeye. Yaduuka ahokososa ing'inga ya Avaisiraeli vaali nivaturaa kuzia kuvugura vwiyangu vwi liihi liavo, nivahanzuka uluku lwuvulwaani.

1 Samweli 17:52

Avasaza va Isiraeli kandi Ivuyuda vaakuba uluku nivanyagura kuvalondelera nivavalondelera zimbiru kuduuka Gazi kandi kuduuka ku virivwa via Ekironi. Avafilisitia vaagwa nizing'oma kolondekana kunzira yoosi izizaa Shaaraimu kuduuka Gazi na Ekironi.

1 Samweli 4:5

Lwa Lisandugu lie Lilagana lia Yahova liaduuka mu hokososa, avandu va Isiraeli vosi vasangala ligali nivahanzuka nu mwoyo munene, kali lirova lialangilira.