Joshua 6:4 - KITABU KITAKATIFU

⁴ Avasaalisi saba, vuli mulala nagiingi kisiriva che zinziga zie ugoondi limigu, valimilira imbiri wi Lisandugu lie Lilagana. Ku lidiku lia saba, ivi harara na vasikari vi liihe vovo, mulagenda kovodong'ana lidaala yilio haali saba, avasaalisi navo nivakubaa visiliva.

Joshua 6:4 Iomraidhean Croise

Litanga 2:3

Nyasaye yagasiza lidiku lia saba kandi nalikora kuva litakatifu, kigira ku lidiku yili yasosa ku miyinzi jije josi ja yaali naakori.

1 Avami 18:43

Yavolera mutumikiri weve, “Zia ohenze lovega lohenza kunyanza.” Mutumikiri yazia niyirana navoora, “Sindoli kindu choosi mba.” Haali saba lwosi, Elija yamuvolera azie kohenza.

2 Avami 5:10

Elisha yatuma mutumikiri mulala ichova kuvolera Naamani azie kwisaava mu mugera gwa Jorodani haali saba, naye alahona vogere vwivwe ligali.

2 Avami 5:14

Kunangwa Naamani yasulunguta kuzia mu mugera gwa Jorodani, ni yiyinamu umwene haali saba kuli muporofeti yavoola, na yahonywa ligali. Inyama yu muviri gwigwe yagwa indinyu kandi yu vulamu, kuli gwu mwana mudoto.

2 Kyetsinyinga 13:12

Nyasaye mwene aveeye harara ni kunyi na aveeye mwimiliri wiitu. Avasaalisi veve vaveeye hano nivisiriva viu vulwani, vetegeki kuvikuba kulanga kunyi kumulwaane. O, munyi avandu va Isiraeli, mutalwaani Yahova, Nyasaye wa vaguuga vinyu mba! Si munyala kuguuta mba!”

2 Kyetsinyinga 20:17

Munyi si mulalwaana mu vulwani yivu mba, navuzwa musingiri mu vogono vwinyu, musingiri vudinyu, na mulalora liguuta lia Yahova ahaanaa. O, munyi avandu vi Ivuyuda na Jerusalemi, mutakuza mioyo jenyu mba, anoho mutatia, mugamba mutule kuzia ku valwaana, na Yahova alava harara na mwinye!’ ”

2 Kyetsinyinga 20:19

Vandu va Levi valala kutura ku inyumba ya vandu va kohazu na vandu va kora vasingira ni vizominya Yahova, Nyasaye wa Isiraeli, ni mioyo minene ligali.

2 Kyetsinyinga 20:21

Lwu mwami Jehoshafati yaali niyakamara komoloma na vandu, yatovola avasaza aviimbira Yahova nukwizominya uvukumi vwu vutakatifu vwivwe lwa vatura kuzia imbiri wi hiiri, ni vavoola, “Mwizominye Yahova! Vuyanzi vwivwe vuhindiraa mihiga ni mihiga.”

Ayubu 42:8

Kalunu, muvuguli zigiriki saba na magondi makore saba na muzie ku mutumikiri wange Ayubu, mwihaaniri aveene kisiuviriru chu kusambwa. Umutumikiri wange Ayubu alamusaalira, kandi inzi ndavugilira lisaala lilie mburi kumbika muzisoni kolondekana nuvusiru vwinyu mba. Munyi si mwavoora agiligali kigira inzi kuli mutumikiri wange Ayubu mba.”

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Kyavalevi 14:16

Aliina kedete chu mukono mulungi mu maguta zana, na aluuha malala ku maguta zana nekedete haali saba imbiri wa Yahova.

Kyavalevi 4:6

Naye aliina kedete chiche mu masahi, nukuguuha haali saba imbiri wi inguvu yakinga hatakatifu huvutakatifu.

Zekaria 4:2

Yandeva “Olola kindiki?” Ndaamutivulira, “Kinaara chitaaya chalombwa kuzahabu; ibakuli ya maguta yaali kwigulu kwacho. Kwigulu kwi kinaara chitaaya yiki kwaliku ni zitaya 7. Vuli itaya yaali na havundu hi zindambi 7.

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Livalidza 23:1

Baalamu yavolera Balaki, “Nyumbakira uvwali saba, kandi ondeetere zigiriki saba na mamigu saba.”

Joshua 6:13

Avasaalisi saba avagingaa visiriva saba vie zinziga ziamagoondi mamiguni vimila, nivagenda imbiri wi Lisandugu lielilagana lia Yahova, nivakuba visiliva. Avasikari vi liihi vimila kuzia imbiri wavo kandi avasikari vi liihi va valonda inyima wi Lisandugu lie Lilagana; zing'inga yizi ziosi, visiriva viali nivikubwaa.

Joshua 6:3

Ivi harara na vasikari vi liihi vovo mulagenda kovodong'ana lidaala linene liosi lulala vuli lidiku ku madiku sita.

Joshua 6:5

Maku valakuba visiliva vie zinziga zie ugoondi limigu lulala ku vutambi. Nonoho lwa muhulira lilangilira lie visiliva yilio avasaza vosi valahanzuka nu mwoyo munene, ligali, na amadigi gulugaga lwi lidaala linene galagwa hasi. Maku liihi liosi lilazia vulungi mu lidaala linene.

Likunula 1:20

Yaga nigo amivisu gi zing'ereng'ani saba ziololaa mu mukono gwange umulungi na agaviswa gi ivinaara saba, izing'ereng'ani saba ni zingelosi zia amakanisa saba. Nivinaara saba viveeye amakanisa saba.

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;

Likunula 10:3

Yahanzuka nu mwoyo munene kuli gwi isimba ifuumaa. Lwa yaali ni yakahanzuka, zinguba saba ziamoloma nu mufuumu.

Likunula 15:1

Ndaalora kandi kelolekizu kindi mwigulu ekenene chukuhuga kandi chokogenyia. Ziali ho ni zingelosi saba avaari nuvulwaye saba vudamanu vwu kumaliriza. Kuvitira muvwo vutima vwa Nyasaye vumali kohera.

Likunula 15:7

Kilala ku vilombe iviveeye mwoyo vinene, chaahaana zibakuli saba ku zingelosi yavo zie izahabu ni vizuyi uvutima vwa Nyasaye oveeye mwoyo mihiga ni mihiga.

Likunula 16:1

Ndaahulira mwoyo munene ni gomolomaa kutura mu Litembeli, ni govoolera zingelosi saba nigovoora, “Tuli muzie kusundura zibakuli saba ziu uvutima vwa Nyasaye ku lirova!”

Likunula 5:1

Ndaalora kitabu mu mukono umulungi gwa uyu wikala kondeve yu uvwami. Chang'odwa izimbega ziombi, na chavofwa mihuri saba.

Likunula 5:6

Maku ndaalora Mwana wi Ligondi nasingiyi hagati hendeve yu vwami, nakumbiriziywi ni ivilombe vine iviveeye mwoyo, harara na vakulundu sirini na ine. Mwana wi Ligondi zana yaloleka kuli uwitiywi. Yaali ni zinziga saba, zimoni saba, iziveeye Roho saba va Nyasaye, vaali nivamali kutumwa vazie mu lirova liosi.

Likunula 8:2

Maku ndaalora zingelosi saba nivasingira imbiri wa Nyasaye, kandi vahevwe ivisiliva saba.

Likunula 8:6

Maku zingelosi saba, ziali ni ivisiliva saba, zietegeka kuvikuba.