Joshua 6:21 - KITABU KITAKATIFU

²¹ Vita avandu vosi ligali mu lidaala nivivavi, avasaza na vakali na vana navasakulu. Vita zing'ombe, amagondi ni zibunda.

Joshua 6:21 Iomraidhean Croise

1 Avami 20:42

Muporofeti yavolera mwami Ahabu, “Yili nilio likuva lia Yahova; ‘Ivi waali kulakula mundu wa inzi ndalaga yiitwi. Kulwa yaga, galava ndi ulatuunga livamwoyo liilio kigira livamwoyo lilie, vandu vovo kigira avandu veve.’ ”

Jeremia 48:18

O, munyi avandu vamenyi mu Diboni, mwiki kutura havundu hu luyali kandi mwikale mu luguchi; kigira avandu vu kudiviza Moabu vamali kuduuka, kandi vamali kwononyia zimbinga zia Moabu.

Kwidzulitsa 13:16

Muleete harara miandu josi ja avandu vamenyi mu lidaala yilio na muvivungizi hagati hi lidaala zana. Maku mulasaamba lidaala liosi harara ni vindu viosi viveeye mulio kuli kihanwa ku Yahova Nyasaye winyu. Kuduuka lilekwe mang'anye mihiga ni mihiga, kandi litumbakwa vuhia mba.

Kwidzulitsa 2:34

Ku Ing'inga ndala nzere kwagumira kandi nikudiviza vuli lidaala, nikwita, avasaza vosi, avakali, kandi avana. Sikwaleka kali mulala.

Kwidzulitsa 7:16

Mudivize vuli ihiiri ya Yahova Nyasaye winyu amuguutira kandi mutava nizimbavasi kuvo mba; kandi mutasigamiri avanyasaye vaavo mba; kigira yigwo gulava mutego gwu vuhimwa kumunyi.

Joshua 10:28

Joshua yagumira madaala gandi manyingi ga Amori. Lidiku yilio, Joshua yingilira nagumira Makeda nu mwami walio. Yita avandu vosi mu lidaala yilio. Siyaali ho numulala uwatigala mwoyo mba. Yakola ku mwami wa Makeda aga yaali naakori ku mwami wa Jeriko.

Joshua 10:39

Yaligumira harara nu mwami walio, kandi amadara goosi agaali ahimbi kulio. Vita avandu vosi. Joshua yakola ku Debiri nu mwami walio aga yaali naakori ku Heburoni na Libuna harara na avami vago. Si yaali ku nu mundu walekwa atigale mwoyo mba.

Joshua 11:11

Vita vandu vosi avaari yo; mulala siyatigala mwoyo mba, kandi lidaala liasambwa nu muliru.

Joshua 11:14

Avandu va Isiraeli vavugura vindu viosi iviali viuvuguli kandi mitugu kutura mu madaala yaga nivaviviika vive viavo. Navuzwa vita vuli mundu; sivatigaliza kali mulala kuvo mwoyo mba.

Joshua 8:2

Ulakola ku Ayi harara numwami walio icha wakola ku Jeriko harara numwami walio, navuzwa ing'inga yiyi unyala kuvugura vilaanye vialio kandi mitugu jalio kuva ivienyu. Mwetegeke kwingilira lidaala linene zana ku liligosa nuluku kutura inyima.”

Joshua 8:22

Avandu va Isiraeli avaari mu lidaala, vaza kuhambana navo mu vulwani nivavingilira. Kunangwa vandu va Ayi venyoola nivakumbiriziywi ligali na vandu va Isiraeli, na vosi viitwa. Siyaali ho nuwahononoka anoho uwatigala mwoyo mba,

Joshua 9:3

Navuzwa avandu va Gibeoni avaari Avahivi, vahulira aga Joshua yakola ku lidaala lia Jeriko na Ayi,

Likunula 18:21

Maku engelosi yi zinguru yaginga ligina kuli ulugina lonene, ma naalilasa munyanza navoora, “Ivi lidaala linene lia Babiloni lilakalaswe vudinyu hasi kandi sililakaloleke mba.

1 Samweli 15:3

Zia wingiliri avandu va Maleki na udivize ligali vindu viosi via vaveeye navio. Mutavalekela kindu kali kilala mba. Mwiite avasaza, avakali, avana vosi kandi avana vadoto vosi; zing'ombe, amagondi, zing'amia kandi zibunda ziosi.”

1 Samweli 15:8

yagumira Agagi mwami wa vandu va Maleki naveeye mwoyo, na niyiita avandu vandi vosi.