Joshua 4:24 - KITABU KITAKATIFU

²⁴ Kigira yaga, vandu vosi ku lirova valamanya kuli ovonene uwe zinguru zia Yahova ziveeye namunyi mulahaana uluyali ku Yahova Nyasaye winyu mihiga ni mihiga.”

Joshua 4:24 Iomraidhean Croise

1 Avami 8:40

Kunangwa vandu vovo vaduuki kukuhulira zing'inga ziosi zia vamenya mu kivala cha waha nakuavaguuga viitu.

1 Avami 8:60

kunangwa vandu vosi vilirova vaduuki kumanya ndi ivi Yahova wengine ovveye Nyasaye; kandi sihali nuwundi mba.

2 Avami 19:19

Kalunu, Yahova Nyasaye witu, ukosoole kutura ku Avasiria, kunangwa izihiiri ziosi zie lirova ziduuki kumanya ndi ivi weng'ine, O, Yahova, oveeye Nyasaye.”

2 Avami 5:15

Naamani na vandu veve vosi virana ku muporofeti Elisha. Yavoola, “Kalunu ndakamanya ndi sihali ho na nyasaye wundi navuzwa Nyasaye wa Isiraeli yeng'ine. Kunangwa, mwaza, yaanza vugilira kihanwa chu kuyanziza kutura ku inzi mutumikiri woovo.”

1 Kyetsinyinga 29:12

Vutugi vwosi nu vuhinda vuturaa ku ivi; kandi vamiiha vindu viosi mu zinguru harara nu vunyali vuvwo; kandi uveeye nu vunyali kokora mulala kuvo munene kandi wi zinguru.

Ayubu 40:9

Oveeye ni zinguru kuli ziange? mwoyo gugwo gunyala kwatuluruka vudinyu kuli gwange?

Zaburi 106:8

Navuzwa yavahonyia kuli yaali niyavasuuviriza. Kunangwa vaduuki kumanyia zinguru zizie zinene.

Zaburi 89:13

Ivi oveeye wi zinguru, ligali! Zinguru zizio ziveeye zinene ligali!

Zaburi 89:7

Ivi oveeye Nyasaye utiivwa mu livugana lia vatakatifu, vosi vasingilaa mu liegehiza imbiri woovo.

Kutwula 14:31

Lwa vandu va Isiraeli valora zinguru zinene zia Yahova yaguutira vandu va Egebeti, vaatia ligali, kandi vaali nilisuvira mu Yahova kandi mu mutumikiri weve Musa.

Kutwula 15:16

Litihiza nu vuti vonene viduuki kuvo. Valora zinguru zizio, O, Yahova, kandi vaasingiyi no vodedekere kandi nuvuti kuduuka lwa avandu vovo vaambuka, avandu vawavoholola kutura mu vutugwa.

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Kutwula 9:16

Navuzwa kukumanyia zinguru ziange inzi mali koleka ivi ove mwoyo, kunangwa lusuma lwange luduuki kulanda mu lirova liosi.

Isaya 52:10

Yahova umali kumanyia mukono gwigwe mutakatifu imbiri wi zihiiri ziosi. Keheri choosi chi lirova kilalola ovohonyi vwa Nyasaye wiitu.

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Kwidzulitsa 28:10

Maku avandu vosi vukulirova valalola ndi Yahova umali kumutovola muve vandu aveeve, kandi valamutia ligali.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

1 Samweli 17:46

Lidiku lia lero yili Yahova alaviika ivi hasi hi zinguru ziange. Ndakuguuta kandi ndatema mutwi guugwo gutuli. Ndahaana miviri ja vasikari Vafilisitia ku manyonyi kandi zinyama zilie. Ahene yaho avandu vosi mu lirova valamanya ndi Isiraeli vaveeye na Nyasaye.