Joshua 3:16 - KITABU KITAKATIFU

¹⁶ amazi gasulungutaa kutura iluhia gasingira kogenda. Gavuunga kitumi lovega lulala, ihale ligali, hi lidaala lia langwa Adamu, iliveeye ahimbi na Zarezani. Amazi gasulungutaa kuzia munyanza yu Munyu gasingira. Kunangwa avandu zana yavo vaambuka ni vazia kolovega lundi, ku lujinga lwa Jeriko.

Joshua 3:16 Iomraidhean Croise

Litanga 14:3

Avami vatano yava valomba lihambana ma nivaganira mu livona lia Siddimu liveeye kalunu inyanza yi jumbi.

1 Avami 4:12

Baana muyaayi wa Ahiludi yamiha madaala manene ga Tanaki, Megido, kandi kivala choosi ahimbi na Bezishani, ahimbi ni lidaala lia Zarezani, Isavaalu wi lidaala lia Jezireeli kuduuka ku madaala manene ga Abeli-mehola kandi Jokomeamu.

1 Avami 7:46

Mwami yavikola visalulikizwi mu vodohi vwuvusandu mu kereremo cha Jorodani hagati ha Sakozi na Zarezani.

Zaburi 114:3

Inyanza Nzakanyu yahenza ma niikama, Mugera gwa Jorodani gwa vula kuvita.

Zaburi 114:5

O, ivi Inyanza, ni kindiki chakokola wiruki? Na ivi, O, Jorodani, kigira ki noleka kuvita?

Zaburi 29:10

Yahova yamiha ku mazi gululiva, yamiha kuli mwami mihiga ni mihiga.

Zaburi 33:7

Yavungiza amazi gi zinyanza ziosi nagaviika havundu harara, avungiza zinyanza ziosi kuli mundu avungiza vuswage mu kedeera.

Zaburi 66:6

Nyasaye yagilung'anyia inyanza nigwa kivala chumu, na avaguuga viitu vaambuka mugera ku virenge. Hene yaho kwasangala kigira ku goosi aga yakola.

Zaburi 74:15

Ivi wakola visinukiru via mazi notogera kwituruka; kandi wuminya migera minene ligali.

Zaburi 77:19

Ivi wangenda kuvitira mu viguvuli via mazi; kandi wambuka luliva lwinyanza, navuzwa zinduvatiru zizio siziali zinyala kololekaa mba.

Zaburi 78:13

Yavukanyia inyanza kandi naavavitizira hagati hayo; yalomba amazi gasingiri vulungi kuli madigi.

Kutwula 14:21

Musa yanyira mukono gwigwe kunyanza, kandi Yahova yakola inyanza niyiirana inyima harara ni imbuza enene yikivihiri kutura Ivugwi. Yahuuza uvudiku vwosi ma nigirung'anyia inyanza kugwa lirova liumu. Amazi gavukana,

Kutwula 14:22

kandi vandu va Isiraeli vavitira munyanza ku lirova liumu, harara na madigi ga amazi ku zimbega ziombi.

Kutwula 14:29

Navuzwa vandu va Isiraeli vagenda munyanza ku lirova iliumu, harara na madigi ga mazi ku zimbega ziombi.

Kutwula 15:8

Wahuuza kunyanza, na amazi gavunga igulu ligali; gasingira igulu vulungi kuli lidigi; ululiva lwu musi ligali lwinyanza lwagwa ludinyu.

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Ezekieli 47:8

Yambolera, “Mazi yaga giturukaa kuvitira Ivugwi nu mulivoona lia Jorodani kuduuka mu Inyanza yi Ijumbi. Lwa giturukaa mu Inyanza yi Ijumbi, gagwizaa mazi malengeru.

Nahum 1:4

Agondokeraa inyanza kandi ikama! Alomba migera kukama. Milimi ja Bashani jinialaa. Kiguru cha Karimeli kigilung'anaa kugwa malova, kandi vimuli via Lebanoni viniara.

Habakuk 3:8

Yahova, ni migera jagira ivi nuuva nu vutima? Yaali inyanza yagira nuuva nu vutima vululu? Wagenda ku malesi; amalesi gi kihuzuzi gaali amagare googo, lwa waleeta liguuta ku vandu vovo.

Livalidza 34:3

Lwako lwi isavaalu lulisunda kutura muchangalangwe cha Zini kuvitira ku lwako lwa Edomu. Lulatangila Ivugwi ma lutwekele Isavaalu winyanza yi Jumbi.”

Kwidzulitsa 1:1

Kitabu yiki keveeye mu na makuva ga Musa yavolera avandu va Isiraeli lwa vaali mwigendanyama ivugwi wu mugera gwa Jorodani. Vaali mu kereremo cha Jorodani ahimbi ni lidaala lia sufi, hagati hi lidaala lia Parani, kolovega lulala kandi madaala ga Tofeli, Labani, Hazerozi na Dizahabu kolovega lundi.

Kwidzulitsa 3:17

Kolovega lwi imadioli kivala chavo chaduuka ku Mugera gwa Jorodani, kutura kunyanza ya Galilaya mu lovega lwa ivaale kusulunguta kunyanza yi jumbi kolovega lwi isavaalu kandi kuduuka hi wi kiguru cha Pisiga kitangiraa kolovega lwi ivugwi.

Joshua 12:3

vwavalizwa harara na Livona lia Jorodani kutura kunyanza ya Galilaya Isavaalu wa Bezi-Yeshimozi liveeye Ivugwi wi Inyanza yi jumbi kandi kuzizagilira kuzia kolovega lwi kiguru cha Pisiga kitangiraa.

Joshua 15:2

Lwako lwi Isavaalu yilu lwaduuka ku keheri cha Isavaalu wi Inyanza yi Jumbi.

Joshua 16:7

Maku lwasulunguta kutura Janoa kuduuka Ashitarozi, kandi Naara, niluduukanga Jeriko, niluduuka ku Mugera gwa Jorodani.

Joshua 3:13

Lwa Avasaalisi vaginga Lisandugu lia malago lia Yahova wi lirova liosi vaseena virenge viavo mu mazi, mugera gwa Jorodani gulasingira kogenda; na amazi gaturaa iluhia galavuunga kitumi lovega lulala.”

Joshua 4:22

mulakavavoolere amakuva gi ing'inga ya vandu va Isiraeli vaambuka mugera gwa Jorodani ku marova amuumu.

Joshua 5:1

Avami vanene va vandu va Amori vosi kolovega lwi imadioli wu mugera gwa Jorodani kandi avami vanene va vandu va Kanaani avivivala viavo viveeye himbi ninyaanza ya Meditareniani vahulira ndi Yahova ukaminyi Jorodani kuduuka lwa vandu va Isiraeli vaali nivakambuka. Vaatia ligali kandi nivagotiza uvuluviliri vwavo kigira avandu va Isiraeli.

Vakalagi 7:22

Lwa vandu va Gidioni vaali nivakikuba ivisiriva, Yahova yakola vasigu vosi avaari mu hokososa nivatanga kulwaana aveene na vene ni vivavi viavo. Viiruka kuzia kolovega lwa Zarezani kuduuka Bezishita, kali kuduuka mu lidaala lia Abeli-mehola ahimbi Tabazi.