Joshua 3:15 - KITABU KITAKATIFU

¹⁵ Kalunu mugera gwa Jorodani gwizuraa ligali zing'inga ziosi zie ligesa. Nonoho lwa vasaalisi vaginga Lisandugu lia malago vaduuka ku mugera gwa Jorodani ni virenge viavo nividiira mu mazi,

Joshua 3:15 Iomraidhean Croise

2 Avami 2:6

Maku Elija yavolera Elisha, “Lero yikala utigale hano; Yahova umali kundaga inzi nzie ku mugera gwa Jorodani.” Navuzwa Elisha yativura, “Inzi nzisuha ku Yahova oveeye mwoyo, kandi ku ivi ndi inzi sindakoleka kali hakuzu mba.” Kunangwa vazizagilira,

1 Kyetsinyinga 12:15

Yava nivo avasaza avambuka mugera gwa Jorodani mu mweli gwu kutanga, lwu mugera gwene yigu gwaali ni gwizuuyi zimbega ziagwo ziosi. Avasaza yava vasalanyia avandu vosi avamenyaa mu mavoona ku lovega lwi Ivugwi nu ku lovega lwi Imadioli.

1 Kyetsinyinga 12:16

Lidiku lilala muganda gwa vasaza kutura ku ihiiri ya Benjamini na Yuda vazia mu imbinga mwa Daudi yaali.

Isaya 26:6

Kalunu lidaala linene yilio, liduvaganyirwa hasi ni virenge via vandu vadaka na vadambi.

Jeremia 12:5

Yahova yavoola, “Jeremia, niiva uluha kunyagula na vandu vizimbiru, unyala ndi kunyagula nizibarasi? Niiva siunyala kusingila mukivala kilahi, nunyalizindi mumulitu gwa Jorodani?

Jeremia 49:19

Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Nahum 1:4

Agondokeraa inyanza kandi ikama! Alomba migera kukama. Milimi ja Bashani jinialaa. Kiguru cha Karimeli kigilung'anaa kugwa malova, kandi vimuli via Lebanoni viniara.

Joshua 3:13

Lwa Avasaalisi vaginga Lisandugu lia malago lia Yahova wi lirova liosi vaseena virenge viavo mu mazi, mugera gwa Jorodani gulasingira kogenda; na amazi gaturaa iluhia galavuunga kitumi lovega lulala.”

Joshua 4:18

Lwa vasaalisi vaduuka ku lujinga lwu mugera, amazi gu mugera gatanga kuvita kandi, giizura ku zinduru ziagwo kandi kuli gwaali maziambiri.