Joshua 3:1 - KITABU KITAKATIFU

¹ Lidiku lialonda ku, Joshua harara na vandu vosi va Isiraeli vavuuka mugambazuri, nivatura hokososa ha Akakia, ni vazia kolomba hokososa ha mugera gwa Jorodani nivakilinda kwambuka mugera.

Joshua 3:1 Iomraidhean Croise

Litanga 21:14

Mugambazuri lidiku lilondaku Aburahamu yaaha Hagari iviukulia kandi ne ndoho ya mazi niyizuuyi du. Yamuviikira umwana kumugongo kandi namukunga. Yatura ma nagendagenda mwigendanyama lia Beerisheba.

Litanga 22:3

Mugambazuri kulidiku lilondaku Aburahamu yatema zingu zie kisiuviriru, yavika ku ibunda yeeye, kandi navugura Isaka harara na vatumikiri veve vaviri. Vataanga logendo kuzia havundu ha Nyasaye yaali namuvooleye.

Zaburi 119:60

Ngolaa vwangu vugira kulindagira kuhulira amalago googo.

Jeremia 25:3

“Ku mihiga 23, kutura ku muhiga gwa 13 lwa Josia mwana wa Amoni yaali mwami wi Ivuyuda kuduuka ing'inga yiyi, Yahova umali kumoloma ku inzi, na inzi ndaamuvolera goosi agayaambolera. Navuzwa munyi si mwahulira mba.

Jeremia 26:5

kandi mutegizi amatu ku amang'ana gavatumikiri vange, avaporofeti, avandaazizagilira kutuma kumunyi vuli lwosi. Munyi simwatia agavavoola kali hakuzu mba.

Jeremia 7:13

Munyi mumali kokora uvwoni yivu vwosi, kali niiva ndamoloma ku munyi haali kanyingi, navuzwa mwasuura kuhulira. Si muhugilaa lwa inzi mulangaa mba.

Mika 6:5

O, avandu vange, mwizurizi agu mwami Balaki wi kivala cha Moabu yaganagana kumukolera kandi kuli Balaamu muyaayi wa Beori yamutivulira. Mwizurizi ivindu viakoreka kulogendo kutura mu hokososa ha Akakia kuzia mu Giligali. Mwizurizi ivindu yivi na muduuki kumanya agandaamukolera kunangwa inzi nduuki kumuhonyia.”

Livalidza 25:1

Lwa vandu va Isiraeli vaali nivamenyi Shitimu, avasaza vatanga likora voheyi na vakali va Moabu.

Marko 1:35

Yeso yavuka mugambazuri chova nikikiri imwamu, natura munyumba. Yatura ichova wi lidaala nazia havundu ha avandu vaali nivataveeye nasalira ho.

Joshua 2:1

Maku Joshua, muyaayi wa Nuni, yatuma avatunyirizi vaviri kutura mu ahokososa ha Akakia naavalaga ndi vazie katunyiriza mu vwivisu mu kivala cha Kanaani, na ligali kuvita, lidaala linene lia Jeriko. Lwa vaduuka mu lidaala linene, vazia kogona munyumba yu mukali mulaaya uwalangwa Rahabu.

Joshua 6:12

Joshua yavuka mugambazuri na avasaalisi vaginga Lisandugu lie Lilagana lia Yahova.

Joshua 6:15

Ku lidiku lia saba, vavuuka mumavwevwe ligali kandi nivavodong'ana lidaala linene zana haali saba munzira ndala nzere. Yili lieng'ine liali nilio lidiku lia vavodong'ana lidaala yilio haali saba.

Joshua 7:16

Mugamba gwalonda ku mumavwevwe, Joshua yaleeta vandu va Isiraeli vosi imbiri wa Yahova, ihiiri ku ihiiri, kandi ihiiri ya Yuda yatovolwa kutura mu zindi.

Joshua 8:10

Mugambazuri mumavwevwe, Joshua yavuka naalanga harara avasikari vi liihi vosi. Maku, Oyo na viimiliri va Isiraeli vavimilira kuzia Ayi.

Vakalagi 20:19

Kunangwa vandu va Isiraeli vatanga logendo mugamba gwalonda ku ma ni vazia kolomba hokososa ahimbi ni lidaala lia Gibea.

1 Samweli 17:20

Daudi yavuka mumavwevwe lidiku lialonda ku naleka mwayi wundi amulindili amagondi, navugura chukulia, kandi nazia kuli Jese yaali naamuvoleeye. Yaduuka ahokososa ing'inga ya Avaisiraeli vaali nivaturaa kuzia kuvugura vwiyangu vwi liihi liavo, nivahanzuka uluku lwuvulwaani.