Joshua 24:27 - KITABU KITAKATIFU

²⁷ Yavolera avandu vosi, “Ligina yili lilava mulolekizi wiitu. Limali kuhulira amakuva goosi ga Yahova amali komoloma. Kunangwa lilava mulolekizi ku munyi kumwizuliza kwibaala ku Nyasaye winyu.”

Joshua 24:27 Iomraidhean Croise

Ayubu 31:23

Kigira ndatia konyoora mageri kutura ku Nyasaye, sindaali nyara kokora vindu kuli yivi mba.

Ayubu 31:28

Uvwoni vudamanu kuli yivu, vuduukana vukalagirwi mageri gi likuza. Kigira vwambakanaa Nyasaye Wuvunyali.

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Isaya 1:2

Yahova yavoola, “O, munyi lirova ni ligulu, muhuliri cha mboraa! Avana va ndaavirukiza vamali kwibaala ku inzi.

Isaya 59:13

Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Habakuk 2:11

kali magina ga madigi galamulilira kandi lukwiri lulahulilika ku miguliru.

Livalidza 11:20

navuzwa mulagilia ku mweli gwosi, kuduuka, lwimusinya. Yaga galekoleka kigira mumali kusura Yahova oveeye harara ni munyi, kandi mumali kwililira ndi vwakaveeye vulahi mulavula kutura Egebeti.’ ”

Matayo 10:33

Navuzwa ku vosi ulinyambakana imbiri wa vandu, inzi kandi ndakamwambakane imbiri wa Baba wange oveeye mwigulu.

Luka 19:40

Yeso yavativulira, “Inzi muvooleraa ndi, kali niiva yava valakiring'ana, amagina yaga galahanzuka.”

Kwidzulitsa 30:19

Inzi kalunu muheezaa litovola hagati hi livamwoyo ni likuza, hagati hu vugasu vwa Nyasaye ni kilaamo cha Nyasaye, kandi nangaa ligulu ni lirova kololekiza litovola lia mulomba. Tovoli livamwoyo kunangwa munyi harara ni visukululwi vienyu muduuki kuva mwoyo.

Kwidzulitsa 31:19

“Kalunu, ng'oda hasi ulwimbu yilu. Ulwigizi ku avandu va Isiraeli, kunangwa love kuli kelolero change kuvo.

Kwidzulitsa 31:21

kandi maduywa gukutihiza manyingi ni kivi vilavagwira. Navuzwa ulwimbu yilu lulimbwa kandi lulava kelolero change kuvo. Kali kalunu, ningikiri kuvahila mu kivala cha ndavasuuviriza ndavaha, manyi icha vaganagana.”

Kwidzulitsa 31:26

“Vuguli kitabu chi Lilaga yiki mukiviiki halovega hi Lisandugu lie Lilagana lia Yahova Nyasaye winyu, kunangwa kiduuki kuva kuli kilolekizi ku avandu veve.

Kwidzulitsa 32:1

“Ligulu ni Lirova, huliri amakuva gange muhulirizi vulahi agambooraa.

Kwidzulitsa 4:26

Nangaa ligulu ni lirova kuli valolekizi ku munyi kalunu ndi, niiva simulahulira inzi mulatulaho vwangu kutura mu kivala yicho. Simulamenya ku ing'inga indambi mu kivala keveeye engeleka wa Jorodani ichamuveeye ahimbi kuvugura mba. Muladivizwa ligali.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Joshua 22:34

Avandu vi ihiiri ya Rubeni na Gadi vavoola, “Uvwali yivu voveeye kelolero ku kunyi kwosi ndi Yahova aveeye Nyasaye.” Kunangwa vavugulika “Lilolekiza”.

Joshua 24:28

Ahene yaho Joshua yahaana ku vandu munwa vazie, mundu vuli mulala yirana mukivala chiche mwene.

Likunula 3:8

Manyi imiyinzi jijo. Henza, mali kuviika ikiliango ichalamu imbiri woovo, kandi sihaveeye ho nu unyala kukihaana mba. Manyi ndi oveeye ni zinguru zingekeke, na walonda likuva liange, kandi si wayambakana lieta liange mba.

1 Samweli 7:12

Maku Samweli yavugula ligina, naalisingiriza hagati ha Mizipa na Sheni, navoora, “Yahova amali kokokonya munzira yoosi,” kandi yaaligulika “Ebeneza.”