Joshua 24:2 - KITABU KITAKATIFU

² Maku Joshua yavolera avandu vosi, “Yiki nicho cha Yahova, Nyasaye wa Isiraeli, amuvoleraa: ‘Maziambiri avaguuga vinyu vamenya kolovega lundi lwu mugera gwa Efurate nivasigamira avanyasaye vandi. Mulala ku avaguuga yavo yaali Tera baba wa Aburahamu na Nahoro.

Joshua 24:2 Iomraidhean Croise

Litanga 11:22

Lwa Serugi yaali ni mihiga 30, yivula mwana muyaayi walangwa Nahori.

Litanga 11:24

Lwa Nahori yaali ni mihiga 29, yivula mwana muyaayi walangwa Tera.

Litanga 11:26

Lwa Tera yaali ni mihiga 70, yivula Aburamu, Nahori na Harani.

Litanga 11:27

Yivi ni visukululwi via Tera, uwivula Aburamu, Nahori na Harani. Harani yivula Loti,

Litanga 31:19

Lwa Labani yaali naziiyi kukalaga vwoya vwa magondi geege, Raheli yiva avanyasaye vi inyumba ya baba weve.

Litanga 31:30

Inzi manyi ndi wiruki kigira waali nuvuha kwirana hango ha baba woovo, navuzwa kigira ki wiva avanyasaye vi inyumba yange?”

Litanga 31:32

Navuzwa niiva ulanyora ndi mulala kukunyi aveeye na vanyasaye vovo, aliitwa. Imbiri wa viko viitu kuli avalorekizi, ohenzerizi na niiva ulanyora kindu choosi ekeveeye chicho uvuguli.” Hene yaho Yakobo si yamanya ndi Raheli yaali niyivi avanyasaye va Labani mba.

Litanga 31:53

Nyasaye wa Aburahamu, kandi Nyasaye wa Nahori alahaana likalaga lirungi hagati hiitu.” Maku Yakobo yisuha kulinda lilagana yili mu lieta lia Nyasaye wa baba weve Isaka yaasigamiraa.

Litanga 35:4

Kunangwa vahaana ku Yakobo vanyasaye avageni vaavo vosi va vaali navo, kandi zimingiri zia vaali nazio mu matu gaavo. Yaaviyavira isi wu musaala munene ha Shekemu.

1 Kyetsinyinga 1:27

na Aburamu - uwalangwa kandi Aburahamu.

Isaya 51:2

Heenzi ku Aburahamu baba winyu, kandi ku Sara uwamwivula; lwa yaali yeng'ine inzi ndaamulanga ni ndamugasiza ma nimuha avana. Ndakora visukululwi veve kuva vanyingi.”

Ezekieli 16:3

Ovavolere ga inzi Yahova Wuvunyali avavoolera: “Munyi mwivulwa mu kivala cha Kanaani. Baba winyu yaali Muamori, na mama winyu yaali Muhiti.

Luka 3:34

uwaali muyaayi wa Yakobo, muyaayi wa Isaka, muyaayi wa Aburahamu, muyaayi wa Tera, muyaayi wa Nahori,

Kwidzulitsa 26:5

Kunangwa imbiri wa Yahova mulavoola makuva yaga, ‘Guuga wiitu yaali mugendagendi vuzwa, uwahila vandu vinyumba yeeye Egebeti vamenye yo. Vaali vakekeeke lwa vazia yo, navuzwa vaagwa ihiiri enene kandi yi zinguru ligali.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”