Joshua 23:13 - KITABU KITAKATIFU

¹³ muve nilimanya ndi, Yahova Nyasaye winyu sialazizagilira kukunga zihiiri yizi ziituli lwa muvingilira mba. Nitali, valava uvuhiimwa ku munyi kuli mutego, anoho ovogo kandi vuzunu kuli kevogo cho lokova, ku migongo jinyu anoho amafwa mu zimoni zienyu. Vindu viukutihiza yivi vilazizagilira kwekoleka ku munyi kuduuka lwa mudiva kutura mu kivala kilahi yiki cha Yahova Nyasaye winyu yamuha.

Joshua 23:13 Iomraidhean Croise

1 Avami 11:4

kandi kuduuka ku ing'inga ya yaali niyakaduuka musakulu, vagira nasigamiraavanyasaye vageni. Siyaali musuuvirifu ku Yahova Nyasaye weevemba, kuli baba weve Daudi mba.

2 Avami 17:18

Yahova yavihilirizwa na vandu va Isiraeli, kandi navatuliza mu zimoni zizie, naleka vuzwa uvwami vwa Vayuda vweng'ine.

2 Avami 17:20

Yahova yasura avandu va Isiraeli vosi, navaha amageri, navaviika mu makono ga vasigu valulu vaavo kuduuka lwa yavatuliza mu zimoni zizie.

2 Avami 25:21

mu zinzako zia Hamazi. Hene yaho, mwami yavoola vakuywi kali kuduuka ku likuza. Na vandu vi Ivuyuda vaahirwa ihale mu vuhambe kutura mu kivala chavo.

2 Avami 25:26

Hene yaho Visiraeli vosi, avatugi na vadaka vaali kindu kilala, harara na avanene vi liihi, vatura ni vazia Egebeti, kigira vaali ni vatiiyi Vababilonia.

Zaburi 69:22

Lwa valiza lilia liavo, leka vagumirwi kuli linyonyi mu mutego. Lwa valiza inyama yi kisiuviriru kihanwa ku Nyasaye, leka vave kuli zinyama zigumirwa mu mutego.

Kutwula 10:7

Avatumikiri vu Mwami vamuvolera, “Mundu uyu alakukubiza kivi kuduuka ng'inga ki? Leka avandu va Isiraeli vazie, vaduuki kusigamira Yahova, Nyasaye wavo. Ukikiri kumanya ndi Egebeti imali kudiva?”

Kutwula 23:33

Mutaleki avandu yavo vamenye mu kivala chienyu mba; niiva mulavaleka vakole ndio, valamukola muhiole imbiri wange. Niiva mulasigamira avanyasaye vaavo, ligali yigu gulava mutego gwu kumwita.”

Kutwula 34:12

Mutahambani, na avandu vikivala cha muzizaa mu mba, kigira yaga ganyala kuva mutego gwu kwita hagati hinyu.

Kutwula 34:16

Avayaayi vinyu vanyara koleta avakali vageni, avanyala kuvakola vavuli kuva avasuuvirifu ku Inzi, kandi vasigamiri avanyasaye vaavo.

Ezekieli 28:24

Yahova yavoola, “Avandu va Isiraeli si valakumbirizwa kandi ni zihiiri ziveeye zinduru kuvo mba; avaveeye kuli zindavati anoho amafa gavasalirizaa mba. Maku valakamanye ndi Inzi mbeeye Yahova Wuvunyali.”

Livalidza 33:55

Navuzwa niiva simulakunga avandu vamenyi mukivala yiki, yavo avatigara valava vikirage kuli Lusasu luveeye mu zimoni zienyu kandi amafwa mu zimbalu zienyu, kandi valamulwaana.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Kwidzulitsa 29:28

Yahova yiiha avandu yava kutura mu kivala chavo nilivihilirwa linene kandi nu vutima vululu ligali, naavasiuva mukivala kegeni, kandi vaveeye uwene yeyo kuduuka kalunu.’

Kwidzulitsa 30:18

mwiganihizaa havulavu ligali ndi muladivizwa. Simulamenya madiku manyingi mu kivala yicho, engereka wu mugera gwa Jorodani, icha muveeye ahimbi kwingira nokomenya mucho mba.

Kwidzulitsa 4:26

Nangaa ligulu ni lirova kuli valolekizi ku munyi kalunu ndi, niiva simulahulira inzi mulatulaho vwangu kutura mu kivala yicho. Simulamenya ku ing'inga indambi mu kivala keveeye engeleka wa Jorodani ichamuveeye ahimbi kuvugura mba. Muladivizwa ligali.

Kwidzulitsa 7:16

Mudivize vuli ihiiri ya Yahova Nyasaye winyu amuguutira kandi mutava nizimbavasi kuvo mba; kandi mutasigamiri avanyasaye vaavo mba; kigira yigwo gulava mutego gwu vuhimwa kumunyi.

Vakalagi 2:21

sindavakungila izihiiri zikiri mu kivala kinu lwa Joshua yakuza mba.