Joshua 22:9 - KITABU KITAKATIFU

⁹ Kunangwa avandu vi zihiiri zia Rubeni, Gadi ni inusu yi ihiiri ya Manase yi Ivugwi virana yengo. Valeka avandu vandi vosi va Isiraeli ha Shilo mu kivala cha Kanaani nivirana mu kivala chavo aveene, kivala cha Gileadi, icha vaali nivavugura kuli Yahova yaali niyavalaga kuvitira ku Musa.

Joshua 22:9 Iomraidhean Croise

2 Samweli 2:9

Uwene yeyo, Abineri yaamihiza Ishiboshezi kuva mwami wa vivala via Gileadi na Asheri Jezireeli, Efuraimu na Benjamini; kandi ligali ku Isiraeli vosi.

1 Kyetsinyinga 5:9

Vaali ni mitugu minyingi ligali mu kivala cha Gileadi, nandio vagumira kivala ku lovega lwi Ivugwi kutura ku changalangwe kuduuka ku mugera gwa Efurate.

Zaburi 60:7

Kivala cha Gileadi keveeye change kandi, kivala cha Manase; Efuraimu aveeye igudwa yange yikivia Yuda aveeye imbimbu yange yu vwami.

Livalidza 32:1

Zihiiri zia Rubeni ni zihiiri zia Gadi ziali ni mitugu minyingi ligali. Lwavaalora kuli kivala cha Jaza na Gileadi chayaanziza mitugu jaavo,

Livalidza 32:20

Musa yativura navoora, “Niiva mulakola yaga, imbiri wa yahova, mwetegeke ma muzie muvulwani.

Livalidza 32:22

no kuvugura miandu ji kivala. Inyima wa yaga, munyala kwirana, kigira namuve nimumali kutwekiza ga mwalagana na Yahova harara na vache vinyu, avandu va Isiraeli. Maku Yahova alavugilira kivala Ivugwi wu mugera gwa Jorodani kilava chiinyu.

Livalidza 32:26

Vakali vitu, vana viitu, zing'ombe zietu na magondi giitu vilatigala hano mu madaala ga Gileadi.

Livalidza 32:29

“Niiva zihiiri zia Gadi na va Rubeni zilambuka mugera gwa Jorodani ni zietegeki kulwaana kuli Yahova alagi, kandi niiva mulanyola vokonyi vwavo ma muguuti kivala yicho, muvahe kivala cha Gileadi kuli mwandu gwaavo.

Kwidzulitsa 3:18

“Ku ing'inga ndala nzere yeyo, ndaavaha amalago yaga; ‘Yahova Nyasaye wiitu umali kumuha kivala keveeye ivugwi wu mugera gwa Jorodani, mukivuguli. Kalunu, avasaza vinyu vizingulu kandi vi liihi vatumi vaambuki mugera gwa Jorodani imbiri wa wi zihiiri zindi zia Isiraeli, kunangwa vavakonye kuvugura kivala chavo.

Kwidzulitsa 3:20

Mukoonye avandu va Isiraeli vache vinyu kuduuka lwa vavugura kivala cha Yahova Nyasaye winyu avahezaa, imadioli wu mugera gwa Jorodani kandi kuduuka lwa Yahova aleka vamenye yo mu mirembe. Lwi nyima mwirane sa mulala mu kivala cha inzi mali kumuha.’

Kwidzulitsa 34:1

Musa yanigira kutura mu vireremo via Moabu kuzia ku Kiguru cha Nebo, kuduuka kondongozi kwi kiguru cha Pisiga, ivugwi wa Jeriko, nu uwene yeyo, Yahova yamumanyia kivala choosi: kivala cha Gileadi kuduuka Ivugwi wi lidaala lia Dani,

Joshua 13:11

Chaali kandi harara na Gileadi, vivala via Geshuru na Maaka, kiguru choosi cha Herimoni, kandi Bashani yoosi kuduuka Saleka.

Joshua 13:25

Kivala chavo chaali harara ni lidaala linene lia Jazeri kandi madaala goosi mu kivala cha Gileadi. Chaali harara kandi ni kivala cha Amoni, kuduuka ku lidaala lia Aroeri, iliveeye kolovega lwi ivugwi wi lidaala linene lia Raba.

Joshua 13:31

Ku inusu yi ihiiri ya Manase, iyaatula ku kisukururwi chaali harara ni inusu ya Gileadi, harara na Ashitarozi kandi Edirei, madaala manene gu vwamihi vwa Ogu mu Bashani. Kivala yiki choosi chahaanwa ku ihiiri yi kisukururwi cha Makiri muyaayi wa Manase.

Joshua 22:10

Lwi zihiiri zia Rubeni, Gadi, ni inusu ya Manase yi Ivugwi vaduuka ha Gelilozi, nivakikiri kolovega lwi Imadioli, mukivala cha Kanaani, vumbaka uvwali vonene ligali ahene yaho ahimbi ku mugera.

Vakalagi 20:1

Avandu vosi va Isiraeli kutura Dani kolovega lwi ivaale kuduuka Beerisheba kolovega lwi savaalu, kandi kutura mu kivala cha Gileadi kolovega lwi vugwi vahulira umulango. Viivungikizana harara ha Mizipa.

Vakalagi 5:17

Ihiiri ya Gadi yamenya ivugwi wa Jorodani, ni ihiiri ya Dani yamenya mu zimeri. Ihiiri ya Asheri yamenya kulujinga lwi inyanza; vamenya vuzwa ku lujinga.