Joshua 22:34 - KITABU KITAKATIFU

³⁴ Avandu vi ihiiri ya Rubeni na Gadi vavoola, “Uvwali yivu voveeye kelolero ku kunyi kwosi ndi Yahova aveeye Nyasaye.” Kunangwa vavugulika “Lilolekiza”.

Joshua 22:34 Iomraidhean Croise

Litanga 31:47

Labani yalanga havundu yaho Jegari Sahaduza, navuzwa Yakobo yagulika havundu yaaha Galeedi.

Litanga 31:48

Labani yavolera Yakobo, “Kitumi cha magina yiki kilava kelolero chu kwizulizilaku.” Yiki nicho chagira havundu yaaha nihalangwa Galeedi.

1 Avami 18:39

Lwa vandu valora yaga, vaagwa hasi mamumama nivahuga nu mwoyo munene nivavoora, “Yahova aveeye Nyasaye; Yahova yeng'ine aveeye Nyasaye!”

Isaya 19:19

Lwi ing'inga yeyo iduuka uvwali vwa Yahova vulava mu kivala cha Egebeti kandi munara gwi ligina gwa Yahova gulaviikwa kulwako lwa Egebeti.

Isaya 43:10

“Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Matayo 4:10

Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

Joshua 22:27

Navuzwa kwavwumbaka vuduuki kuva kelolero ku vandu viitu kandi avinyu, kandi kigira amakura galiiza inyima wiitu, ndi ligali kusigamira Yahova mu Lihema lilie itakatifu ni vihaanwa vietu viukusambwa, nivisiuviliru kandi vihaanwa viemirembe. Yaga gaali vuzwa ukwigalira visukululwi vinyu vivuli kovora ndi aviitu sivaveeye ni kidieli mu Yahova mba.

Joshua 24:27

Yavolera avandu vosi, “Ligina yili lilava mulolekizi wiitu. Limali kuhulira amakuva goosi ga Yahova amali komoloma. Kunangwa lilava mulolekizi ku munyi kumwizuliza kwibaala ku Nyasaye winyu.”