Joshua 2:9 - KITABU KITAKATIFU

⁹ navavoolera, “Inzi manya ligali ndi Yahova umali kuhaana ku munyi kivala yiki. Mundu sa mulala omenyi mu kivala yiki atiihiziywi ligali ni munyi.

Joshua 2:9 Iomraidhean Croise

Litanga 35:5

Lwa Yakobo yaatanga logendo harara na vayaayi veve, avandu va madaala gaali ahimbi, vaali nuvuti ovonene ligali, na si vavalondelera mba.

2 Samweli 17:10

Ahene yaho, kali avasaza valuviliri kuvita vosi, avataveeye nuvuti kuli zisimba, valatia kigira avandu vosi mu Isiraeli vamanya ndi baba woovo nu musikari mululu wi liihi kandi avandu vasaza veve vaveeye avalwaani vadinyu kandi avaluviriri.

2 Avami 5:15

Naamani na vandu veve vosi virana ku muporofeti Elisha. Yavoola, “Kalunu ndakamanya ndi sihali ho na nyasaye wundi navuzwa Nyasaye wa Isiraeli yeng'ine. Kunangwa, mwaza, yaanza vugilira kihanwa chu kuyanziza kutura ku inzi mutumikiri woovo.”

2 Avami 7:6

Yahova yaali naakori Vasiria vahuliri ichahulilika kuli muliviti gwi lingilira lie liihi linene ligali, ni zibarasi kandi na magare gu vulwani. Vasiria vaganagana ndi mwami wa Isiraeli yaali kulaga kutunga avami va Egebeti na Vahiti harara na amahi gaavo ukuuza kwingilira nu kulwaana navo.

Nehemia 6:16

Lwa avasigu viitu vi zihiiri ziakukumbiriza vahulira makuva yaga, vaali nuvuti vonene ligali kandi liegingira liavo liagehizwa, ligali kigira vamanyiriza ndi miyinzi yiji jikoleywi novokonyi kutura ku Nyasaye wiitu.

Esther 8:17

Vuli kivala kandi lidaala linene, na hoosi hi lilaga liu mwami liasomwa, Avayuda vaali nu vuyanzi nu vusangali harara ni lilia lie lisosa. Kali avandu vanyingi vaatovora kugwa Avayuda kigira vaatia Avayuda.

Ayubu 19:25

Inzi manya ndi muhonyi wange aveeye mwoyo, alaza lwukumaliriza kung'inga.

Zaburi 112:10

Mundu mudamanu alolaa yaga ma avihilirwa ligali; alumanyia amiinu kumanyia livihirirwa linene ma agota. Liegomba liu mundu mudamanu lilava hazwa.

Zaburi 115:16

Ligulu liveeye lia Yahova yeng'ine, navuzwa yahaana lirova ku vandu.

Kutwula 18:11

Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.”

Kutwula 23:27

“Ndakora avandu vahing'ana ni munyi vatie Inzi; ndaleta ligoyana hagati ha avandu valeta uvulwani ku munyi na ndakora avasigu vinyu vosi vagirung'ane nukwiruka kutura ku munyi.

Kohelethu 8:12

Kali umwoni nakora vudamanu haali 100, navuzwa amenyaa ing'inga indambi. Oh yee, ndaamanya gavavoraa, “Niiva ulatia Nyasaye, vuli kindu choosi kilava kilahi,

Isaya 19:1

Yili ni likuva kigira avandu va Egebeti. Yahova yaazaa mu Egebeti, naniini ku lilesi ligendaa vwangu. Vifananyi via vandu va Egebeti vasigamira, videgera imbiri weve, na avandu va Egebeti valakuza mioyo jaavo.

Isaya 23:5

Kali lwa vandu vi kivala cha Egebeti vahulira ndi Lidaala linene lia Tiro limali kudivizwa, valava ni ligenya kandi lihenda mwoyo.

Jeremia 27:5

“Kuvunyali vwange ovonene kandi kuzingulu ziange ndaalomba kivala, avandu kandi ni zinyama ziosi izimenyi ku lirova; kandi mbanaanga ku mundu woosi wa inzi mwene mali kotovola.

Nahum 2:10

Lidaala lia Nineve limali kudivizwa, limali kolekwa kandi litigaye hazwa! Avandu vizuyi uvuti, amalu gaavo gadegeraa, kandi zinguru ziavo zifeye. Mumoni mwavo kusamuka.

Livalidza 20:14

Musa yatuma vatumwa kutura Kadeshi kuzia ku mwami wa Edomu, ni vavoola, “Yaga na mang'ana kutura ku vamiitu vinyu, avandu vihiiri ya Isiraeli. Mumanyi vudinyu vwa kwasalira,

Livalidza 20:24

“Haruni sialazia kwingira mu kivala cha ndalaga vandu va Isiraeli mba; azizaa kukuza kigira munyi vombi mwibaara ku malago gange ha Meriba.

Matayo 20:15

Sivoveeye vulahi inzi ngole kuli nyanza ku vindu viange? Anoho ongendekeraa kigira inzi mbeeye umuhaani mulahi?’ ”

Kwidzulitsa 11:25

Sihaveeyeho numundu usingira kuhing'ana nimunyi mba. Yahova Nyasaye winyu, kuli yamusuuviriza, alaviika lidegela nilitihiza lienyu ku kivala choosi, hoosi aha muzia.

Kwidzulitsa 2:25

Kutura kalunu kuzizagilira imbiri, ndakora avandu vosi havundu hoosi vamutie. Vuli mundu aladegera nu vuti ku litala lieta lienyu.’

Kwidzulitsa 28:10

Maku avandu vosi vukulirova valalola ndi Yahova umali kumutovola muve vandu aveeve, kandi valamutia ligali.

Kwidzulitsa 32:8

Oveeye Igulu Ligali kuvita yahaana zihiiri milimi jaavo. Yavukanyia avandu vosi, yavavikira zinzako ziavo kolondekana nilivaliza lia avandu va Isiraeli.

Vahebraina 11:31

Kigira lisuuvira Rahabu mukali wa malaya siyiitwa harara nayavo avavura kuhulira, kigira yingiriza avaluuti nimirembe.

Joshua 2:11

Kwaali nuvuti ligali nonoho lwa kwahulira amakuva yaga; kwosi kumali kogotiza uvuluviliri vwitu kigira munyi. Yahova Nyasaye winyu aveeye Nyasaye mu ligulu igulu kandi hano mu lirova.

Joshua 2:24

vavoolera Joshua, “Koveeye nagiligali ndi Yahova umali kukuha kivala choosi. Avandu vaveeye yo vosi vaali nuvuti ligali kigira kunyi.”

Joshua 2:8

Avatunyirizi yavo nivakikiri kogona, Rahabu yazia ku inyumba igulu,

Joshua 5:1

Avami vanene va vandu va Amori vosi kolovega lwi imadioli wu mugera gwa Jorodani kandi avami vanene va vandu va Kanaani avivivala viavo viveeye himbi ninyaanza ya Meditareniani vahulira ndi Yahova ukaminyi Jorodani kuduuka lwa vandu va Isiraeli vaali nivakambuka. Vaatia ligali kandi nivagotiza uvuluviliri vwavo kigira avandu va Isiraeli.

Joshua 6:2

Sihaali ho nu mundu kali mulala uwaali unyala kwingira mu anoho kutura ichova wi lidaala linene lia Jeriko mu makono googo, harara nu mwami walio kandi na vasikari valuviliri valio mba.

Joshua 9:10

kandi aga yakola ku vami vaviri va vandu va Amori, Ivugwi wu mugera gwa Jorodani; Omwami Sihoni wa Heshiboni kandi mwami wa Ogu wa Bashani uwamenyaa mu Ashitarozi.

Joshua 9:24

Vaativura, “Kwakora ndio mwami, kigira kwiga ndi gaali ligali agiligali Yahova Nyasaye winyu yaali niyamala kulaga mutumikiri weve Musa ahe munyi kivala yiki choosi kandi mwiti avandu vosi avamenyi mu lwa muzia imbiri kwingira mucho. Kwakora ndio kigira kwatihiizwa nimunyi ligali. Kwaali mu vuti vwi livamwoyo lietu.

Joshua 9:9

Kunangwa vamuvolera ulugano yilu: “Kunyi kutuli mu kivala chihale ligali, Omwami, kigira kumali kuhulira amakuva ga Yahova Nyasaye winyu. Kumali kuhulira amakuva gi vindu viosi via yakola mu Egebeti,

Vakalagi 7:14

Maku umulina weve yamutivulira navoora, “Yiki ni kivavi cha Gidioni, umwana wa Joashi, umusaza wa vandu va Isiraeli, kigira Nyasaye umali kuhaana vandu va Midiani harara na hokososa hoosi mumukono gwigwe!”