Joshua 2:11 - KITABU KITAKATIFU

¹¹ Kwaali nuvuti ligali nonoho lwa kwahulira amakuva yaga; kwosi kumali kogotiza uvuluviliri vwitu kigira munyi. Yahova Nyasaye winyu aveeye Nyasaye mu ligulu igulu kandi hano mu lirova.

Joshua 2:11 Iomraidhean Croise

1 Avami 8:60

kunangwa vandu vosi vilirova vaduuki kumanya ndi ivi Yahova wengine ovveye Nyasaye; kandi sihali nuwundi mba.

2 Avami 5:15

Naamani na vandu veve vosi virana ku muporofeti Elisha. Yavoola, “Kalunu ndakamanya ndi sihali ho na nyasaye wundi navuzwa Nyasaye wa Isiraeli yeng'ine. Kunangwa, mwaza, yaanza vugilira kihanwa chu kuyanziza kutura ku inzi mutumikiri woovo.”

Nehemia 6:16

Lwa avasigu viitu vi zihiiri ziakukumbiriza vahulira makuva yaga, vaali nuvuti vonene ligali kandi liegingira liavo liagehizwa, ligali kigira vamanyiriza ndi miyinzi yiji jikoleywi novokonyi kutura ku Nyasaye wiitu.

Esther 8:17

Vuli kivala kandi lidaala linene, na hoosi hi lilaga liu mwami liasomwa, Avayuda vaali nu vuyanzi nu vusangali harara ni lilia lie lisosa. Kali avandu vanyingi vaatovora kugwa Avayuda kigira vaatia Avayuda.

Zaburi 102:15

Zihiiri valatia Yahova. Avami vosi vilirova valatia zinguru zizie.

Zaburi 22:14

Zinguru ziange ziikami kuli amazi gasunduliywi ichova. Vigumba viange viosi viitiguki; mwoyo gwange guuyiinguki kuli ihura isalulukiziywi.

Zaburi 58:7

Na vagote kuli amazi gavitaa vwangu; leka vaduvagwe kuli indiva kunzira.

Zaburi 83:18

Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Kutwula 15:14

Zihiiri zimali kuhulira, kandi zidegera nuvuti; avandu va Filisitia vaveeye nuvuti vonene ligali.

Kutwula 15:15

Aviimiliri va Edomu vadegeliziywi. Avasaza vizingulu va Moabu vadegera; avandu va Kanaani vagotizi vuluviliri vwavo.

Isaya 13:7

Amakono gaavo galava amadedekere, kandi valakuza mioyo jaavo.

Isaya 19:1

Yili ni likuva kigira avandu va Egebeti. Yahova yaazaa mu Egebeti, naniini ku lilesi ligendaa vwangu. Vifananyi via vandu va Egebeti vasigamira, videgera imbiri weve, na avandu va Egebeti valakuza mioyo jaavo.

Ezekieli 21:15

Yaga gakoraa avandu vange kogeeha vuluviliri kandi kwikigatira. Inzi ndihizaa avandu vi lidaala liavo ni kivavi kehemahemaa kuli loheni kandi chetegeki kwita.

Nahum 2:10

Lidaala lia Nineve limali kudivizwa, limali kolekwa kandi litigaye hazwa! Avandu vizuyi uvuti, amalu gaavo gadegeraa, kandi zinguru ziavo zifeye. Mumoni mwavo kusamuka.

Kwidzulitsa 1:28

Kigira ki kuzie yo? Kutiiyi. Avasaza va kwatuma vamali kokovoolera ndi avandu vaveeye yo vaveeye ni zinguru ligali kandi avataambi kuvita kunyi, ma kandi vamenyi mu madaala manene agaveeye na madigi matambi ligali. Valora visukululwi via Anaki.”

Kwidzulitsa 20:8

“Avanene vavasikali valameeda kovoolera avasikari vuvulwani: ‘Nivwaha oveeye nuvuti kandi nu mwoyo mudedekere? Nigaveeye ndio, kuduuka yirani yengo weve; Gase mioyo ja avamwavo veve jilakuza kuli mwoyo gwigwe.’

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

Joshua 14:8

Navuzwa avasaza vazia harara ninzi, vaakora avandu nivava nu vuti ligali. Inzi ndahulira Yahova Nyasaye ligali nu vusuuvirifu vwosi.

Joshua 2:24

vavoolera Joshua, “Koveeye nagiligali ndi Yahova umali kukuha kivala choosi. Avandu vaveeye yo vosi vaali nuvuti ligali kigira kunyi.”

Joshua 5:1

Avami vanene va vandu va Amori vosi kolovega lwi imadioli wu mugera gwa Jorodani kandi avami vanene va vandu va Kanaani avivivala viavo viveeye himbi ninyaanza ya Meditareniani vahulira ndi Yahova ukaminyi Jorodani kuduuka lwa vandu va Isiraeli vaali nivakambuka. Vaatia ligali kandi nivagotiza uvuluviliri vwavo kigira avandu va Isiraeli.

Joshua 7:5

Ahene yaho avasaza va Ayi vavakunga kutura mu kirivwa chi lidaala, kuduuka Shebarimu, aha magina gayavwa kandi vita ahimbi vandu salasini na sita kunzira yikisulungutu. Maku vandu va Isiraeli vagotiza uvuluviliri vwavo; kandi vaali nuvuti vonene ligali.

Joshua 9:24

Vaativura, “Kwakora ndio mwami, kigira kwiga ndi gaali ligali agiligali Yahova Nyasaye winyu yaali niyamala kulaga mutumikiri weve Musa ahe munyi kivala yiki choosi kandi mwiti avandu vosi avamenyi mu lwa muzia imbiri kwingira mucho. Kwakora ndio kigira kwatihiizwa nimunyi ligali. Kwaali mu vuti vwi livamwoyo lietu.

Likunula 6:16

Navo vavoolera ivigulu yivi na amagina yago, “Kugwiri kandi mukuvisi kutura mu zimoni zia uyu wikaye kondeve yu uvwami kandi kutura ku uvutima vwu Mwana wi Ligondi!