Joshua 18:7 - KITABU KITAKATIFU

⁷ Avandu vihiiri ya Levi sivalanyora kedonye chi kivala chavo harara ni munyi mba; kigira kidieli chavo keveeye kutumika kuli avasaalisi va Yahova. Kandi zihiiri zia Rubeni, Gadi na Manase vi Ivugwi vamala yavokonyoora kivala chavo Ivugwi wa Jorodani; icha Musa, Mutumikiri wa Yahova, yavaha.”

Joshua 18:7 Iomraidhean Croise

Livalidza 18:20

Yahova yavolera Haruni, “Siulanyora ku miandu ja wenyekaa uvuguli give jijo mba, kandi sikeveeye ho ne kedonye chu mulimi mu kivala cha Isiraeli cha onyoora mba. Inzi mbeeye Yahova, mbeeye viosi viawenyaa.”

Livalidza 18:23

Kutura kalunu nu kuzizagilira ihiiri ya Levi valalinda Lihema kandi valalinda miyinzi jalio. Yaga na malago gamiihaa kuivi kazozo harara nivisukululwi vivio. Ihiiri ya Levi si ilava ni miandu jaavo ja kazozo mu kivala cha isiraeli mba.”

Livalidza 18:7

Navuzwa ivi harara na vayaayi vovo venyine mulatwekiza uvutumiki vwosi vwu vusaalisi ovolondekanaa nu vwali kandi ovoveeye havundu Hatakatifu ligali. Vindu yivi viveeye miyinzi jijo kigira mali kukuha kihanwa chu vusaalisi. Mundu woosi utaduukanaa, kwisunda ahimbi ni viju vitakatifu aliitwa.”

Kwidzulitsa 10:9

Yiki nicho chagira ihiiri ya Levi yoosi nivavula konyoora kidieli mu kivala kuva miandu jaavo kuli zihiiri zindi zia Isiraeli vanyoola. Icha vanyoola chaali uvwiyangu vwu kuva avasaalisi va Yahova, kuli Yahova Nyasaye winyu yasuuviriza.)

Joshua 12:6

Avami vaviri yava Musa yavaguuta harara na vandu va Isiraeli. Musa, mutumikiri wa Yahova, yahaana kivala chavo ku zihiiri zia Rubeni, Gadi kandi ku inusu ya Manase, kuva miandu jaavo.

Joshua 13:33

Navuzwa Musa siyaahana ku ihiiri ya Levi kivala choosi mba. Yavavolera ndi miandu jaavo jilava vuzwa lisanga kedonye chi vihaanwa viletwaa ku Yahova Nyasaye wa Isiraeli mu Litembeli.