Joshua 18:12 - KITABU KITAKATIFU

¹² Kolovega lwa ivaale, lwako lwavo lwatangira ha mugera gwa Jorodani ma kandi ni lwanigira ku visulungutu viveeye ivaale wa Jeriko kandi kuzia imadioli kuvitira mu kivala chi vigulu kuduuka ku changalangwe cha Bezaveni.

Joshua 18:12 Iomraidhean Croise

Hosea 10:5

Avandu vamenyi mu lidaala lia Samaria valava nuvuti kandi valasioma kigira igiriki yu mugasa ha Bezaveni. Yavo harara na avasaalisi vatumikira kifananyi valagilirira kigira uvukumi vumali kutulizwa kuyo.

Hosea 4:15

“Kali niiva munyi avandu va Isiraeli simuveeye avasuuvirifu ku inzi mba, vwakaveeye vulahi avandu vi Ivuyuda valavula kuva nilihiolo kuli yili. Mutasigamira ha Giligali anoho Bezaveni mba, anoho mutalomba malagano ku Yahova oveeye mwoyo mba.

Hosea 5:8

Mukubi visiriva viu vulwani mu Gibea! Mukubi kiliri mu Rama! Mukubi liyoga liu vulwani ha Bezaveni! O, munyi avandu va Benjamini, muzie muvulwani!

Joshua 16:1

Lwako lwi isavaalu lwa kivala chagavulirwa visukululwi via Josefu lwatangira kutura Jorodani ahimbi Jeriko havundu haveeye ivugwi wi visinukiru via mazi ga Jeriko, kuduuka muchangalangwe. Lwanigira kutura Jeriko kuduuka mu kivala chi vigulu kali kuduuka Bezeli.

Joshua 18:11

Kivala cha vandu vi ihiiri ya Benjamini chaali chukutanga kugavulwa. Lwako lwi kivala chavo lwali hagati hi ihiiri ya Yuda kolovega lwi isavaalu na visukululwi va Josefu kolovega lwi ivaale.

Joshua 2:1

Maku Joshua, muyaayi wa Nuni, yatuma avatunyirizi vaviri kutura mu ahokososa ha Akakia naavalaga ndi vazie katunyiriza mu vwivisu mu kivala cha Kanaani, na ligali kuvita, lidaala linene lia Jeriko. Lwa vaduuka mu lidaala linene, vazia kogona munyumba yu mukali mulaaya uwalangwa Rahabu.

Joshua 3:16

amazi gasulungutaa kutura iluhia gasingira kogenda. Gavuunga kitumi lovega lulala, ihale ligali, hi lidaala lia langwa Adamu, iliveeye ahimbi na Zarezani. Amazi gasulungutaa kuzia munyanza yu Munyu gasingira. Kunangwa avandu zana yavo vaambuka ni vazia kolovega lundi, ku lujinga lwa Jeriko.

Joshua 6:1

Virivwa via Jeriko viahanwa kandi vialindwa vudinyu ligali ukwigalira avandu va Isiraeli.

Joshua 7:2

Joshua yatuma avasaza valala kutura Jeriko vazie Ayi, lidaala liveeye ivugwi wa Bezeli, ahimbi Bezaveni, namalago ndi vazie kutunyiriza kivala zana yicho. Lwa vaali nivakamara kokora ndio,

Joshua 8:15

Joshua harara na vasikari vi liihi veve vigadiza ndi virukaa kwirana inyima, ni virukira mu kivala chi changalangwe.

1 Samweli 13:5

Avandu va Filisitia vavunga harara kulwaana Avaisiraeli; vaali na magare gu vulwani 30,000, avasaza vu kuniina ku zibarasi 6,000, na avasikari vuvulwani avanyingi kuli muyeke gwu ku lujinga lwi inyanza. Vazia Mikimashi, ivugwi wi lidaala lia Bezaveni, kandi nivalomba ho ahokososa.