Joshua 17:16 - KITABU KITAKATIFU

¹⁶ Vaativura, “Kivala chivigulu sikeveeye kenene ikinyala kuduuka kunyi mba, navuzwa vandu va Kanaani vamenyi mu kivala chi vilelemo na mavoona, vaveeye na amagare gu vulwani agalombwa kutura ku kivia, vombi avamenyi mu lidaala linene lia Bezi Shani harara na madaala galio agalikumberiza, kandi yavo vosi avamenyi mu livona lia Jezireeli.”

Joshua 17:16 Iomraidhean Croise

1 Avami 18:45

Mu ing'inga ngekeeke, ligulu liafumwa na malesi mamwamu ti. Imbuza yaatanga kuhuuza, kandi imbura enene yaatanga kukuba. Ahabuu yingira mu ligare lilie liu vulwani kandi natanga kwirana vwangu, ha Jezireeli.

1 Avami 18:46

Zinguru zia Nyasaye ziaza ku Elija; yevoha zinguvu zizie vudinyu mu kekenge, niyekolelera imbiri wa Ahabuu kwingira mu Jezireeli.

1 Avami 21:1

Nabozi kutura Jezireeli yaali ni kizabibu ahimbi ni nyumba yu vwami yu mwami Ahabu wa Samaria.

1 Avami 21:23

Kolondekana na Jezebeli, Yahova avoora ndi zimbwa zilaliira muviri gwigwe mu lidaala linene lia Jezireeli.

1 Avami 4:12

Baana muyaayi wa Ahiludi yamiha madaala manene ga Tanaki, Megido, kandi kivala choosi ahimbi na Bezishani, ahimbi ni lidaala lia Zarezani, Isavaalu wi lidaala lia Jezireeli kuduuka ku madaala manene ga Abeli-mehola kandi Jokomeamu.

2 Avami 9:10

Jezebeli sialayavilwa mu kilindwa mba muviri gwigwe gulaliivwa ni Zimbwa mu kivala cha Jezireeli.’ ” Inyima wo kovora yaga, muporofeti musoleri oyo yatura mu keng'oze ni yiruka zimbiru.

2 Avami 9:37

Zinyama ziu muviri gwigwe zilakasalanywe uwene yeyo kuli isingu, kunangwa mundu kali mulala sialakanyalize kugumanyiriza.’ ”

Jeremia 49:2

Navuzwa ing'inga yiza lwa nangore avandu vi lidaala linene lia Raba kuhulira liyoga liu vulwani, kandi lilava hazwa na amadara gayo galasambwa. Maku avandu va Isiraeli valavugula kivala chavo kutura ku avandu vaali nivakivugura.

Joshua 15:56

Jezireeli, Yokudeami, Zanoa

Joshua 17:11

Mugati mwi vivala via zihiiri zia Isakari na Asheri, Manase yaali na madaala manene ga Bezishani, Ibuleamu, Dori liali kunyanza, Endori, Tanaki, na Megido harara na madaala gagakumbiriza.

Joshua 17:15

Joshua yativura, “Niiva muveeye avanyingi ligali, kuva agiligali ndi kuli ndio na ikivala chivigulu cha Efuraimu kegehi ligali, muzie mwenyoolere milimi jiveeye ja vandu va Perezi na vandu va Refaimu, kandi mutimuli nukwilimira yo aveene kivala.”

Joshua 17:17

Joshua yavolera zihiiri zia, Efuraimu ni Madioli wa Manase, “Muveeye ligali avandu vanyingi mu zihiiri zienyu, na ku kivuni yicho, muveeye nizinguru ligali. Mulava ligali nividieli kuvita kilala.

Joshua 17:18

Ndamuha kivala chivigulu, kali niiva keveeye mulitu. Mulakitimula nukukivugula keve chienyu kutura kundulu kwolovega lulala kuduuka kolovega Lundi. Mulakuunga vandu va Kanaani vosi, kali nivava nivaveeye ligali na magare givivia kandi nivaveeye avandu vizingulu ligali.”

Joshua 19:18

Ovonene vwi kivala yicho vwali harara na madaala manene ga Jezireeli, Kesulozi, Shunemu,

Vakalagi 1:19

Na Yahova yaali na vandu va Yuda. Kandi vavanyaga ikivala chi vigulu, navuzwa vaatamika kukunga yavo avaamenyaa mu livona kigira vaali na magare gi kivia.

Vakalagi 4:13

yalanga amagare gi kivia miatisa, harara navandu veve vosi, naavatuma kutura Haroshezu Hagoimu kuzia ku Mugera gwa Kishoni.

Vakalagi 4:3

Jabini yaali na magare miatisa gi kivia, na yamiha avandu va Isiraeli nu vululu kandi ni zinguru ku mihiga sirini. Maku vandu va Isiraeli vanira Yahova avakoonye.

Vakalagi 6:33

Ing'inga yeyo vandu va Midiani, Maleki, harara ni zihiiri zindi ziumwigendanyama, ziamanya niziivungizana, nivambuka Jorodani, nivamenya, mu livona lia Jezireeli.

1 Samweli 29:1

Avandu va Filisitia valeta amahi gaavo goosi harara ha Afeki; na avandu va Isiraeli navo vasingiriza hokososa haavo ha kidaho mu livona lia Jezireeli.