Joshua 17:1 - KITABU KITAKATIFU

¹ Kedonye chi kivala ekeveeye imadioli wu mugera gwa Jorodani chahaanwa ku valala ku vandu vi ihiiri ya Manase, muyaayi wukutanga wa Josefu. Makiri baba wa Gileadi yaali muyaayi wukutanga wa Manase, kandi yaali mulwaani wi liihi muluviliri ligali. Kunangwa Joshua yaali niyamuha kivala cha Gileadi na Bashani maziambiri, iviali ivugwi wu mugera gwa Jorodani.

Joshua 17:1 Iomraidhean Croise

Litanga 41:51

Josefu yagulika muyaayi weve wukutanga lieta Manase. Yavoola, “Nyasaye umali kongola inzi kwivilira uvudinyu vwange vwosi kandi avandu vi inyumba ya baba wange.”

Litanga 41:52

Yavoola, “Nyasaye umali kumba vana mukivala chu vudinyu maku yagulika muyaayi weve wa kaviri lieta, Efuraimu.” Kandi yavoola, nikigira Nyasaye ombeye ulwivulu mukibala chu vundinyu vwange.

Litanga 46:20

Josefu na Asenazi mukaana wa Potifera waali musaalisi mu Heliopolisi vanyoola vayaayi vaviri mu Egebeti, Manase na Efuraimu.

Litanga 48:17

Lwa Josefu yalora ndi baba weve aviiki mukono gwigwe mulungi ku mutwi gwa Efuraimu, yavihilirwa. Yaatuliza mukono gwa baba weve kutura ku mutwi gwa Efuraimu, ma naguviika ku mutwi gwa Manase.

Litanga 48:18

Josefu yavolera baba weve, “Si gaveeye ndio mba baba, Manase aveeye muyaayi muhindira, uviiki mukono gwugwo mulungi ku mutwi gwigwe.”

Litanga 50:23

Yamenya kuduuka nalora avana va Efuraimu kandi navisukulu. Yamenya kandi nokolola avana va makiri muyaayi wa Manase.

2 Samweli 2:9

Uwene yeyo, Abineri yaamihiza Ishiboshezi kuva mwami wa vivala via Gileadi na Asheri Jezireeli, Efuraimu na Benjamini; kandi ligali ku Isiraeli vosi.

1 Kyetsinyinga 2:23

Navuzwa uvwami vwa Geshuru na Aramu vaguuta nu kugumira amadara sitini agaali yo komeeda ku tudaala twa Jairi na Kenazi harara na madaala gavakumbiriza. Avandu vamenya yo vosi vaali kisukururwi cha Makiri, baba Gileadi.

Ezekieli 47:13

Mwami Munene Yahova yavoola, “Yizi ni zinzako zie kivala kidukanaa kugavulirwa zihiiri 12 zia Isiraeli. Ihiiri ya Josefu ilanyoola vidieli 2.

Ezekieli 48:4

Kidieli kikagata ni kidieli cha Nafutali kutura Ivugwi kuduuka Imadioli kilava cha Manase.

Livalidza 26:29

Ihiiri ya Manase kolondekana ni viliango viavo vaali: Makiri uwaali baba wa Gileadi;

Livalidza 27:1

Zelofehadi yaali muyaayi wa Heferi, na Heferi yaali muyaayi wa Gileadi, na Gileadi yaali muyaayi wa Makiri, na Makiri yaali muyaayi wa Manase, na Manase yaali muyaayi wa Josefu. Zelofehadi yaali na vakana vatano: Mahila, Noa, Hogula, Milika na Tiriza.

Livalidza 32:33

Maku Musa yahaana ku zihiiri zia Gadi na Rubeni ni inusu yi zihiiri zia Manase muyaayi wa Josefu kivala choosi chu vwamihi vwa Sihoni, umwami wa vandu va Amori kandi kivala chu vwamihi vwa Ogi, mwami wa Bashani harara na madaala gavakumberiza.

Kwidzulitsa 21:17

Kuduuka avuguliri umwana watanga kwivulwa, umwana wu mukali utayaanzwa, amuhe vidieli viviri ku viosi viaveeye navio; muyaayi oyo aveeye kelolero chi zinguru ziu mwana watanga kwivulwa ziveeye zizie. Vulungi vwu muyaayi wu kutanga voveeye vwivwe.

Joshua 17:2

Kivala keveeye imadioli wu mugera gwa Jorodani chahaanwa ku vandu vi ihiiri ya Manase: ku Abiezeri, Heleki, Asirieli, Shekemu, Heferi na Shemida. Yava vosi vaali visukululwi vayaayi va Manase, muyaayi wa Josefu; kandi vaali vimiliri vi zihiiri ziavo.

Joshua 22:7

Musa yaali namali kuhaana kedonye chi kivala cha Bashani ku inusu yi ihiiri ya Manase, navuzwa inusu yindi Joshua yaali ni yavaha kivala keveeye kolovega lwi imadioli wu mugera gwa Jorodani harara ni zihiiri zindi. Lwa Joshua yavatuma yengo wavo, yavagasiza,

Vakalagi 5:14

Vaatura Efuraimu ni vazia mu kivoona inyima wihiiri ya Benjamini na vandu veve. Aviimiliri vu vulwani vasulunguta kutura Makiri, mimiliri kutura Zabuloni.