Joshua 16:10 - KITABU KITAKATIFU

¹⁰ Navuzwa avandu vi ihiiri ya Efuraimu sivakuunga avandu va Kanaani avamenyaa mu lidaala linene lia Gezeri mba. Kunangwa avandu va Kanaani vakemenyi hagati ha vandu va Efuraimu, kuduuka lero, nitali vamala kunigwa vayinziri kuli avatugwa,

Joshua 16:10 Iomraidhean Croise

1 Avami 9:15

Mwami Solomoni yatumikira miyinzi ju kuniga kwumbaka Litembeli ninyumba yeeye yu vwami, kwizuliza mu marova ku lovega lwi ivugwi lwi imbinga ya Milo, lidigi lia Jerusalemi, kandi na madaala ga Hazori, Megido na Gezeri.

1 Avami 9:16

Mwami wa Egebeti yaali niyingiliyi lidaala linene lia Gezeri nukuligumira, niyiita avamenyaa mulio kandi kulisamba. Maku yaalihaana kuli kihanwa che keserero lwa yaleetwa na Solomoni kuva mukali weve,

1 Avami 9:21

agaveeye kovora visukululwi viavo viatigala mu kivala, J avandu va isiraeli vakula kudiviza, yava, Solomoni yavang'oda vave ku miyinzi juvutumwa, nindio voveeye ku lidiku lia lero.

2 Kyetsinyinga 8:8

kutura ku visukululwi vaavo, avatigara inyima wavo mu kivala, vandu va Isiraeli vavura kudiviza, ku yava, Solomoni yaatuliza mu avakola miyinzi ju vutugwa, kali kuduuka na kalunu.

Joshua 10:33

Mwami Horamu wa Gezeri yaza kokoonya Lakishi; navuzwa Joshua yamuguuta harara na iliihi lilie liosi kandi siyaaleka kali mulala kuvo mwoyo mba.

Joshua 15:63

Navuzwa avandu va Yuda sivali vanyara kukuunga vandu va Jebusi avamenyaa mu Jerusalemi mba. Kulwayago, vakemenyi mu harara navo mu lidaala linene kuduuka lero.

Joshua 16:9

harara na madaala manene malala nutudaala tulala utwaali mugati mwi zinzako zia Manase, navuzwa agahaanwa ku avandu vi ihiiri ya Efuraimu.

Joshua 17:12

Avandu va Manase, kali ndio, sivali vanyara kukunga ligali avandu vamenya mu madaala manene yago mba, kunangwa vandu va Kanaani vazizagilira komenya mu.

Joshua 17:13

Kali lwinyima, lwa vandu va Isiraeli vaagwa avizingulu ligali, navuzwa vaniga vandu va Kanaani vavayinziliri. Navuzwa kali ndio sivakuunga vandu va Kanaani vatuli mukivala yicho ligali mba.

Vakalagi 1:29

Avandu vi ihiiri ya Efuraimu sivali vanyara kukunga vandu va Kanaani avaamenyaa mu lidaala lia Gezeri mba; na vandu va Kanaani vazizagilira komenya harara navo.