Joshua 13:5 - KITABU KITAKATIFU

⁵ Ukikiri kuguuta kivala cha vandu va Gebali. Ukikiri kuguuta kivala cha Lebanoni kolovega lwi ivugwi, kutura ku lidaala linene lia Baaligadi, iliveeye isavaalu wi kiguru cha Herimoni, kuduukia kunzira ya Hamazi.

Joshua 13:5 Iomraidhean Croise

1 Avami 5:18

Avayinziri va Solomoni na Huramu kandi vasaza kutura mu lidaala linene lia Geberi vetegekiza amagina ni zimbaho ziukwumbaka Litembeli.

1 Avami 8:65

Kunangwa Solomoni yalomba lilia ing'inga yeyo, na vandu vosi va Isiraeli vaali harara naye, Livugana linene kutura mu vwingiliru vwa Hamazi kuduuka mu Ivaale kandi kutura ku lwako lwa Egebeti vaali ni lilia; imbiri wa Yahova Nyasaye wiitu ku madiku saba.

Zaburi 83:7

avandu vi kivala cha Gebali ekeveeye Isavaalu wi inyanza yijumbi, avandu vi kivala cha Amoni ekeveeye Ivugwi wu mugera gwa Jorodani, Ivaale wi kivala cha Moabu na avandu vi ihiiri ya Amaleki avamenyaa isavaalu wi lidaala linene lia Yuda. Kandi avandu vi kivala cha Filisitia, ahimbi ni inyanza enene ya Meditareniani kandi na vandu vi lidaala lia Tiro.

Isaya 10:9

Mali kuguuta amadara manene ga Kalino, Karikemishi, Hamazi, Aripadi, Samaria na Damasiko.

Jeremia 52:9

Mwami Zedekia yahilwa ku mwami Nebukadineza, uwaali mu lidaala linene lia Ribula mukivala cha Hamazi, kandi wene yeyo mwami Nebukadineza yakalagira Zedekia.

Ezekieli 27:9

Avakulundu harara navasiza va Gebali vaali harara ni munyi, avahomeleraa ihura. Zimeri ziosi ziu munyanza harara na vandu vakolaamu miyinzi vaali harara ni munyi, vaakora likiranyia mu zimeri zienyu.

Amosi 6:2

Muzie mulole lidaala linene lia Kaline. Maku muzie Hamazi iliveeye lidaala linene ligali kandi musulunguti mu lidaala linene lia Vafilisitia lia Gati. Uvwami vwavo vwali vulahi kuvita uvwami vwa Ivuyuda nuvwa Isiraeli? Kivala chavo chaali kenene kuvita ichienyu?

Livalidza 13:21

Kunangwa avasaza yava vazia kutunyiriza kolovega lwi ivaale wi kivala kutura mwigendanyama lia Zini kolovega lwisavalu kuduuka Rehobu, himbi nu vwingiliru vwa Hamazi ko lovega lwa Ivaale.

Livalidza 34:8

kutura hene yaho luladuuka Hamazi. Lulazizagilira kuzia Zedadi

Kwidzulitsa 1:7

Kalunu musambuli hokososa hinyu kandi muzizagiliri nologendo lwinyu. Muzie mu kivala chi vigulu cha vandu va Amori kandi hoosi muvivala vio votende vwacho mu Arebia, mu kereremo cha Jorodani, mu kivala chi vigulu namavoona, mu kivala chisavaalu wa Kanaani kandi kuduuka ku lujinga lwinyanza enene ya Meditareniani. Muzie kali kuduuka mu kivala cha Kanaani kandi kuduuka engereka wi vigulu via Lebanoni, kandi kali kuduuka ku Mugera munene gwa Efurate.

Kwidzulitsa 3:25

Ngusaala O, Yahova, oleke nyambuki mugera gwa Jorodani ndore kivala kilahi kandi kenoru kolovega Lundi lula; kivala kilahi chi vigulu via Lebanoni.’

Joshua 11:17

Kutura ku kiguru cha Halaki, ikisinukaa kuduuka Edomu, kuduuka Baali Gadi mu livona lia Lebanoni hi kiguru cha Herimoni kitangiraa. Yagumira avami vavio vosi kandi naviita nikivavi.

Joshua 11:3

Yatuma kandi ka makuva vandu va Kanaani avaveeye ku zimbega ziosi zia Jorodani kuduuka ku vandu va Amori; Hiti, Perezi kandi Jebusi mu kivala chi vigulu; kali kuduuka ku vandu va Hivi avamenyaa hasi hi kiguru cha Herimoni mu kivala cha Mizipa.

Joshua 12:7

Joshua harara na vandu va Isiraeli vaguuta avami vosi mu kivala keveeye imadioli wu mugera gwa Jorodani, kutura Baali Gadi mu livona lia Lebanoni, kuduuka ku kiguru cha Halaki kolovega lwi isavaalu ahimbi Edomu. Joshua yagavula kivala yiki choosi hagati hi zihiiri kandi navaha kivala yiki kuva miandu jaavo mihiga ni mihiga.