Joshua 13:31 - KITABU KITAKATIFU

³¹ Ku inusu yi ihiiri ya Manase, iyaatula ku kisukururwi chaali harara ni inusu ya Gileadi, harara na Ashitarozi kandi Edirei, madaala manene gu vwamihi vwa Ogu mu Bashani. Kivala yiki choosi chahaanwa ku ihiiri yi kisukururwi cha Makiri muyaayi wa Manase.

Joshua 13:31 Iomraidhean Croise

1 Kyetsinyinga 6:71

Vi zinyumba vi kiliango cha Gerishomu; vahevwa madaala galonda ku yaga, harara nivivala viu vwayiru via go: Mu kivala chi Ivugwi wa Manase: Golani, Bashani na Ashitarozi.

Zaburi 60:7

Kivala cha Gileadi keveeye change kandi, kivala cha Manase; Efuraimu aveeye igudwa yange yikivia Yuda aveeye imbimbu yange yu vwami.

Ezekieli 48:4

Kidieli kikagata ni kidieli cha Nafutali kutura Ivugwi kuduuka Imadioli kilava cha Manase.

Joshua 12:4

Vaguuta kandi mwami Ogu wa Bashani, uwaali wu kumaliriza ku vandu va Refaimu; yamiha ha Ashitarozi na Edirei.

Joshua 13:12

Chaali harara kandi nu vwamihi vwosi vwa Ogu, wukumaliriza ku vandu va Refaimu, uwamiha mu Bashani, Ashitarozi na Edirei. Musa na avandu va Isiraeli vaali nivaguuti kandi kukuunga avandu yava,

Joshua 13:32

Nindio Musa yagavulira avandu va Isiraeli kivala choosi cha Moabu ekeveeye Ivugwi wa Jeriko mu livona lia Jorodani.

Joshua 17:5

Yiki nicho chagira Manase nanyoora vidieli likomi vie kivala komeeda ku vivala via Gileadi na Bashani kolovega lwi Ivugwi wa Jorodani,

Joshua 17:6

kigira visukululwi veve vikikaana harara nivisukululwi veve vikisaza vahevwa kivala, kivala cha Gileadi chahaanwa ku visukululwi viatigala viosi via Manase.

Joshua 9:10

kandi aga yakola ku vami vaviri va vandu va Amori, Ivugwi wu mugera gwa Jorodani; Omwami Sihoni wa Heshiboni kandi mwami wa Ogu wa Bashani uwamenyaa mu Ashitarozi.

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.

Vakalagi 5:17

Ihiiri ya Gadi yamenya ivugwi wa Jorodani, ni ihiiri ya Dani yamenya mu zimeri. Ihiiri ya Asheri yamenya kulujinga lwi inyanza; vamenya vuzwa ku lujinga.

1 Samweli 12:10

Ahene yaho, vanira ku Yahova avakonye nivavoora, ‘Kunyi kwayona kigira kwagirung'ana nikutula ku ivi, Yahova, kandi nikusigamira vifananyi via Baali na Asitarite. Mwaza akohonyie kutura ku vasigu viitu, na kunyi kulakusigamira!’

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”