Joshua 13:25 - KITABU KITAKATIFU

²⁵ Kivala chavo chaali harara ni lidaala linene lia Jazeri kandi madaala goosi mu kivala cha Gileadi. Chaali harara kandi ni kivala cha Amoni, kuduuka ku lidaala lia Aroeri, iliveeye kolovega lwi ivugwi wi lidaala linene lia Raba.

Joshua 13:25 Iomraidhean Croise

2 Samweli 11:1

Mu ing'inga yi vitagwa vimera, lwa avami vanene vazizaa mu liihi kazozo, Daudi yatuma Joabu na avanene veve kandi ni liihi lia vandu va Isiraeli kuzia mu vulwani. Vaguuta vandu va Amoni kandi nivakumbiriza lidaala linene lia Raba. Navuzwa Daudi mwene yaatigara mu Jerusalemi.

2 Samweli 12:26

Ku ing'inga zana yeyo, Joabu yaazizagilira kulwaana Raba lidaala linene lia Amoni kandi yaali naveeye ahimbi kuligumira.

2 Samweli 24:5

Inyima wukwambuka mugera gwa Jorodani, valomba hokososa Isavaalu wa Aroeri, lidaala linene mugati mwi livona, mu kivala cha Gadi. Kutura yaho, vazia Ivaale kuduuka mu lidaala lia Yazeri,

1 Kyetsinyinga 26:31

Jeria yaali mwimiliri wi Ivisukulurwi va Heburoni. Mu muhiga gwa arubaini gwa Daudi yaali mwami, litunyiriza liali ho ku aviiko vi zinyumba zia ivisukulurwi va Heburoni, makandi avasikari avadukiru avaari nu vwiko ni inyumba yiyi vaanyoolwa nivamenyi ha Jazeri mu kivala cha Gileadi.

1 Kyetsinyinga 6:81

Heshiboni kandi Jazeri harara ni vivala viu vwayiru via go.

Isaya 16:8

Milimi giveeye himbi Heshiboni ni mizabibu ja Sibuna viononyiywi. Iwaini ya mazabibu yaga yakola avami vi zihiiri kuhambika. Ku ing'inga indala vizabibu vialanda kali kuduuka mu lidaala linene lia Jazeri kandi kuduuka Ivugwi wi changalangwi, kandi Imadioli kolovega lundi lwi Inyanza yi Jumbi.

Isaya 17:2

Madaala manene ga Siria galang'anywa mihiga ni mihiga. Galava vwayiru vwa magondi ni zing'ombe, na sihaveeye ho numulala uvikunga mba.

Jeremia 48:32

Ndalira kigira avandu va Sibuma, kandi ndalira ligali kigira avandu va Jazeri. Munyi avandu vi lidaala lia Sibuma, muveeye kuli musaala gwu muzabibu gwi zisia ziagwo ziambuka engereka wi Inyanza yijumbi kandi luzia kali kuduuka Jazeri. Navuzwa kalunu amakuyu ginyu kandi makuyu ginyu ging'inga yu muvasu gamali kudivizwa.

Ezekieli 21:20

Kelolero kilala kilamanyia Mwami inzira izizaa mu lidaala linene lia Raba lia vandu va Amoni, ni kindi kilamanyia inzira izizaa Ivuyuda kuduuka mu lidaala linene lie imbinga ya Jerusalemi.

Amosi 1:14

Kunangwa ndatuma muliru ku madiji gi lidaala linene lia Raba na gulasamba zimbinga zialio. Lirira linene lilavaho mu madiku gu vulwani ni lifuliana kuli kihuzuzi.

Livalidza 21:32

Kandi Musa yatuma avasaza kuzia kuhenzeriza inzira indahi yu kwingilira lidaala lia Jazeri. Avandu va Isiraeli vaavugura lidaala harara na madaala ga likumberiza, kandi va kunga avandu va Amoriti avamenya mulio.

Livalidza 32:35

Atirozi Shofani, Jaza, Jogibeha,

Kwidzulitsa 2:19

Lwa muduuka ahimbi mu kivala cha avandu va Amoni, visukululwi va Loti, mutavadambiza anoho kutangiza uvulwani navo mba, kigira sinzizaa kuhaana ku munyi kivala cha ndaavaha kuva miandu jaavo mba.’ ”

Kwidzulitsa 3:11

(Omwami Ogu niyie waali wukumaliriza uwatigalaa ku vandu va Refaimu. Kidali chiche ichalombwa Kutura ku kivia chaali zimita zine uvutambi na uvugika nivuva ahimbi zimita ziviri, kolondekana ni kibimu chaviikwaho. Kinyala kololeka mu lidaala linene lia vandu va Amori lia Raba.)

Joshua 13:11

Chaali kandi harara na Gileadi, vivala via Geshuru na Maaka, kiguru choosi cha Herimoni, kandi Bashani yoosi kuduuka Saleka.

Joshua 13:24

Musa yaali nahaani kandi kedonye chi kivala ku vandu vi ihiiri ya Gadi kuva miandu jaavo.

Joshua 13:26

Kivala chavo chaali kutura Heshiboni kuduuka Ramozi Mizipa kandi Betonimu; kutura Mahanaimu kuduuka ku lwako lwa Lodebari.

Joshua 21:39

Heshiboni, na Jazeri harara na madaala guvwayiru vwago.

Vakalagi 5:17

Ihiiri ya Gadi yamenya ivugwi wa Jorodani, ni ihiiri ya Dani yamenya mu zimeri. Ihiiri ya Asheri yamenya kulujinga lwi inyanza; vamenya vuzwa ku lujinga.