Joshua 13:11 - KITABU KITAKATIFU

¹¹ Chaali kandi harara na Gileadi, vivala via Geshuru na Maaka, kiguru choosi cha Herimoni, kandi Bashani yoosi kuduuka Saleka.

Joshua 13:11 Iomraidhean Croise

Litanga 37:25

Lwa vaali nivalizaa, nonoho valora muganda gwa vandu va Ishimaeli nivageenda kutura Gileadi. Zing'amia ziavo ziali nizigingi kimuli na manemane.

1 Kyetsinyinga 2:23

Navuzwa uvwami vwa Geshuru na Aramu vaguuta nu kugumira amadara sitini agaali yo komeeda ku tudaala twa Jairi na Kenazi harara na madaala gavakumbiriza. Avandu vamenya yo vosi vaali kisukururwi cha Makiri, baba Gileadi.

1 Kyetsinyinga 5:11

Ihiiri ya Gadi vamenya lovega lwi Ivaale wa ihiiri ya Rubeni mu kivala cha Bashani kuduuka Ivugwi wa Saleka.

Livalidza 32:29

“Niiva zihiiri zia Gadi na va Rubeni zilambuka mugera gwa Jorodani ni zietegeki kulwaana kuli Yahova alagi, kandi niiva mulanyola vokonyi vwavo ma muguuti kivala yicho, muvahe kivala cha Gileadi kuli mwandu gwaavo.

Kwidzulitsa 3:10

Kwavugula kivala choosi chu Mwami Ogu wa Bashani, madaala manene gumukelelemo, vivala via Gileadi viosi na Bashani kuduuka ku madaala gaveeye ivugwi ga Seleka na Edirei.”

Joshua 11:3

Yatuma kandi ka makuva vandu va Kanaani avaveeye ku zimbega ziosi zia Jorodani kuduuka ku vandu va Amori; Hiti, Perezi kandi Jebusi mu kivala chi vigulu; kali kuduuka ku vandu va Hivi avamenyaa hasi hi kiguru cha Herimoni mu kivala cha Mizipa.

Joshua 13:10

Kivala chavo chaduuka ku lwako lwa Amoni. Chaali kandi harara na madaala goosi gu mwami Sihoni, mwami wa vandu va Amori uwamihaa kugo kutura mu lidaala linene lia Heshiboni.

Joshua 13:2

kivala choosi cha vandu va Filisitia na Geshuru,

Joshua 13:25

Kivala chavo chaali harara ni lidaala linene lia Jazeri kandi madaala goosi mu kivala cha Gileadi. Chaali harara kandi ni kivala cha Amoni, kuduuka ku lidaala lia Aroeri, iliveeye kolovega lwi ivugwi wi lidaala linene lia Raba.

Joshua 17:5

Yiki nicho chagira Manase nanyoora vidieli likomi vie kivala komeeda ku vivala via Gileadi na Bashani kolovega lwi Ivugwi wa Jorodani,

1 Samweli 13:7

Avalala ku Avaisiraeli vaambuka mugera gwa Jorodani nukwingira mu kivala cha Gadi na Gileadi. Saolo yaatigara ha Giligali kandi avandu vosi avaari harara naye vaadegera nuvuti.