Joshua 12:8 - KITABU KITAKATIFU

⁸ Kedonye yiki chaali harara ni kivala chi vigulu, imadioli wi kiguru kitangiraa, kivanda cha Jorodani harara ni vigulu viacho, visulungutu vie ivugwi, kandi kivala chumu kolovega lwi isavaalu. Kivala yiki chaali cha vandu va Hiti Amori, Kanaani Perezi, Hivi, na Jebusi.

Joshua 12:8 Iomraidhean Croise

Litanga 10:17

Hivi, Riki, Sini,

Litanga 12:9

Maku Aburamu yagenda nazia kuduuka Isavaalu wa Kanaani.

Litanga 13:7

Kunangwa avasaza vaalinda mitugu ja Aburamu ni mitugu ja Loti vaarembana. Mu ing'inga yeyo avandu va Kanaani na vandu va Peri vaali nivakemenyi mukivala yicho.

Kutwula 23:23

Engelosi wange alimiira imbiri wenyu nukumuhira mwingiri mu kivala cha vandu va Amori, Hiti, Perizi, Kanaani, Hivi, na Jebusi, na ndavadiviza ligali.

Kutwula 3:8

Kunangwa Inzi mali kuuza kuvasoora kutura ku vandu va Egebeti, nukuvaleeta mu kivala chu vwiyangu, kitugi kandi kenoru cha vandu va Kanaani, Hiti, Amori, Perizi, Hivi, na Jebusi.

Kwidzulitsa 7:1

“Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Kwidzulitsa 9:1

“Muhuliri, O, munyi avandu va Isiraeli! Kalunu muveeye ahimbi kwambuka Mugera gwa Jorodani, kwingira no kuvugura kivala keveeye chi zihiiri zinene kandi zie zinguru kuvita munyi. Madaala gaavo gaveeye manene kandi agumbakilwa lugaga lwa madigi matambi kuduuka mwigulu.

Joshua 10:40

Kunangwa Joshua yaguuta kivala choosi. Yaguuta avami vi kivala chi vigulu, zinyanguluku zia ivugwi, kandi vivala vidiguluku vie madioli, kuduuka kali yavo avumukivala chumu olovega lwi isavaalu. Siyatigaliza kali mulala mba; vuli mundu yitwa. Yaga nigo aga Yahova, Nyasaye wa Isiraeli yaali nalagi.

Joshua 11:16

Joshua yagumira kivala choosi, kivala chi vigulu kandi hi vigulu viatangiraa, viombi via ivaale ni isavaalu, kivala choosi cha Gosheni kandi kivala chumu isavaalu wacho, kali kuduuka mu livona lia Jorodani.

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,

Joshua 9:1

Uvuguuti vwa vandu va Isiraeli vwamanyikana ku vami vosi avaari imadioli wa Jorodani, muvivala vie vigulu, vie vireremo kandi viu kulujinga lwi inyanza ya Meditareniani kuduuka ivaale mu kivala cha Lebanoni. Yava vaali avami va vandu va Hiti, Amori, Kanaani, Perezi, Hivi kandi Jebusi.

Vakalagi 1:9

Lwinyima, avana va Yuda vazia kulwana vandu va Kanaani avamenyaa mu kivala chi vigulu, mu kivala chumu kolovega lwi isavaalu, nu mulivona.