Joshua 11:3 - KITABU KITAKATIFU

³ Yatuma kandi ka makuva vandu va Kanaani avaveeye ku zimbega ziosi zia Jorodani kuduuka ku vandu va Amori; Hiti, Perezi kandi Jebusi mu kivala chi vigulu; kali kuduuka ku vandu va Hivi avamenyaa hasi hi kiguru cha Herimoni mu kivala cha Mizipa.

Joshua 11:3 Iomraidhean Croise

Litanga 31:49

Labani yavoola kandi, “Yahova ayaanze akulindi, kali niiva kulavukana.” Kunangwa havundu yaaha halangwa kandi, “Mizipa.”

2 Samweli 24:16

Lwe engelosi yanyira mukono gwigwe kudiviza Jerusalemi, Yahova yaali novovereri ligali kigira ikivi kandi navolera engelosi uwaali nahaana amageri ku avandu, “Gaduuki! Lekera kuhaana mageri googo.” Engelosi wa Yahova yaali ulwene yilwo ha aloze lwa Arauna Umujebusi.

2 Samweli 24:7

Maku vazia isavaalu wi lidaala linene liakumberizwa ilumbakwa nu lugaga lwa Tiro, kuduuka ku madaala manene ga vandu va Hivi na vandu va Kanaani, na lwukumaliriza vaduuka Beerisheba, mu kedonye chi Isavaalu wi kivala chi Ivuyuda.

1 Avami 15:22

Maku mwami Asa yatuma lilago mu kivala choosi chi Ivuyuda niyenyaa avandu vosi, vugira koleka mundu kali mulala, kuzia kokonyana kuginga amagina ya Rama, kandi zimbaho zio mwami Baasha yaali natumikira kuliumbakira lidaala yilio imbinga. Mwami Asa yatumikira vindu yivi kwumbaka imbinga ya Mizipa na Geba, lidaala linene mu kivala cha Benjamini.

1 Avami 9:20

Vandu vosi vatigara kutura ku vandu va Amori, Ahiti, Ahivi, Aperezi, Jebusi; avandu yava sivaali vandu va Isiraeli mba;

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 89:12

Ivi walomba lirova kutura Ivaale kuduuka Isavaalu; Avandu vu kukiguru cha Tabori kandi kiguru cha Herimoni viimba ni vizominya ivi kigira uvusangari.

Lwimbu lwa Solomoni 4:8

Mwiha wange, hamba harara ninzi kutura ku kiguru cha Lebanoni. Hamba ninzi kutura kondongozi kwi kiguru cha Amana. Kutura ku kiguru cha Seniri, na Herimoni, havundu hizisimba nizingo zimenyaa.

Jeremia 40:10

Inzi mwene ndamenya ha Mizipa na ndasingira mu vogono vwinyu lwa vandu va Babiloni vaza hano. Navuzwa munyala kuvungiza nukuviika iwaini, amakuyu namaguta ga muzeituni na mumenye mu madaala gamwavugula.”

Jeremia 40:6

Ndaazia komenya na Gedalia mu Mizipa harara na avandu vaatigara mukivala.

Jeremia 41:14

kandi vaagirung'ana nivanyagura kuzia kuvo.

Jeremia 41:3

Ishimaeli kandi yita vandu va Isiraeli vosi avaari na Gedalia ha Mizipa na avasikari va Babiloni avaari nivaveeye hene yaho.

Livalidza 13:29

Avandu vihiiri ya Maleki vamenyi kolovega lwi isavaalu. Avandu vizihiiri zia Hiti, Jebusi na Amori vamenyi mu kivala chi kiguru. Ihiiri ya vandu va Kanaani vamenyi himbi ninyanza ya Meditareniani, kandi himbi nu mugera gwa Jorodani.”

Kwidzulitsa 4:48

Lwako lwi kivala yiki lwali kutura ku lidaala lia Aroeri, liveeye mu livona liu mugera gwa Arinoni kuduuka ivaale ku kiguru cha Sironi, ekeveeye kiguru cha Herimoni.

Kwidzulitsa 7:1

“Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Joshua 11:17

Kutura ku kiguru cha Halaki, ikisinukaa kuduuka Edomu, kuduuka Baali Gadi mu livona lia Lebanoni hi kiguru cha Herimoni kitangiraa. Yagumira avami vavio vosi kandi naviita nikivavi.

Joshua 11:8

Nyasaye yakola vandu va Isiraeli kuguuta kuvo. Avandu va Isiraeli vavingilira kandi nivavalondelera kali kuduuka Misirefozimaimu, na Sidoni kolovega lwa ivaale, kandi kuduuka mu livona lia Mizipa ku lovega lwa ivugwi.

Joshua 13:11

Chaali kandi harara na Gileadi, vivala via Geshuru na Maaka, kiguru choosi cha Herimoni, kandi Bashani yoosi kuduuka Saleka.

Joshua 13:5

Ukikiri kuguuta kivala cha vandu va Gebali. Ukikiri kuguuta kivala cha Lebanoni kolovega lwi ivugwi, kutura ku lidaala linene lia Baaligadi, iliveeye isavaalu wi kiguru cha Herimoni, kuduukia kunzira ya Hamazi.

Joshua 15:38

Dileani, Mizipa, Jokizeeli,

Joshua 15:63

Navuzwa avandu va Yuda sivali vanyara kukuunga vandu va Jebusi avamenyaa mu Jerusalemi mba. Kulwayago, vakemenyi mu harara navo mu lidaala linene kuduuka lero.

Joshua 18:26

Mizipa, Kefira, Moza,

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,

Vakalagi 20:1

Avandu vosi va Isiraeli kutura Dani kolovega lwi ivaale kuduuka Beerisheba kolovega lwi savaalu, kandi kutura mu kivala cha Gileadi kolovega lwi vugwi vahulira umulango. Viivungikizana harara ha Mizipa.

Vakalagi 21:5

Avandu va Isiraeli vateva, “Nivwaha kutura mu zihiiri ziosi zia Isiraeli uvuli kuuza mu livugana lia Yahova ha Mizipa?” Kigira vaali nivisuhizani ndi umundu woosi uvula kuuza Mu livugana imbiri wa Yahova ha Mizipa gamudukira akuzi.

Vakalagi 21:8

Lwa vateva niiva avandu vaveeye ho kutura mu zihiiri ziosi zia Isiraeli uvuli kuuza mu livugana ha Mizipa, vanyoola ndi umundu woosi siyaatula Jabeshi mu Gileadi mba;

Vakalagi 3:3

Avandu ava Yahova yaleka mu kivala yiki vaali avanene vatano va vandu va Filisitia, Kanaani, Sidoni, na Hivi avamenyaa mu Kiguru cha Lebanoni kutura ku kiguru cha Baali Herumoni kuduuka ha vwingiliru vwa hamazi.

Vakalagi 3:5

Maku vandu va Isiraeli vamenya hagati ha vandu va kanani, Hiti, Amori, Ferizi, Hivi na Jebusi.

1 Samweli 10:17

Samweli yalanga vandu vosi vavugane harara imbiri wa Yahova ha Mizipa