Joshua 11:20 - KITABU KITAKATIFU

²⁰ Yahova yaali navakoli avagulu kulwaana Avaisiraeli, kunangwa vaduuki kukalagirwa lidivizwa ligali kandi vosi vaduuki kwitwa vugira liverererwa. Yaga nigo aga Yahova yaali nalagi Musa.

Joshua 11:20 Iomraidhean Croise

2 Samweli 17:14

Abisolomu na vandu va Isiraeli vosi vavoola, “Livoora lie zing'anagani zia Hushai liveeye lilahi kuvita lia Ahizofeli.” Yahova yaali natovoye livoora lilahi lia Ahizofeli livuli kolondwa kunangwa lidivizwa liduuki kuuza ku Abisolomu.

1 Avami 12:15

Vwali vulaliri vwa Yahova koleta makuva ga yaali niyamoloma ku Jeroboamu, muyaayi wa Nebati kuvitira mu muporofeti Ahija kutura Shilo. Yiki nicho chagira mwami naahuliriza mativuli ga vandu vamuteeva.

2 Kyetsinyinga 22:7

Nyasaye yatumikira liluuta yili ku Joramu okolomba Ahazia. Lwa Ahazia yaali naveeye yo, Jehu muyaayi wa Nimushi, uwa Yahova yaali natovoye ukudiviza uvwami vwa avinyumba ya Ahabu yagana navo.

2 Kyetsinyinga 25:16

Navuzwa lwa yaali nakemoloma, mwami Amazia yamuvolera, “Kwa kokora ivi kuva mugelihizi wu mwami? Lekera komoloma, anoho ndakwiita!” Muporofeti uyu yalekera kumoloma, navuzwa inyima wo kovora, “Kalunu mali kumanya ndi Nyasaye umali kusaavira kukudiviza kigira ivi umali kokora yaga goosi, kandi umali kusura amigizu gange.”

Kutwula 10:1

Maku Yahova yavolera Musa, “Zia olole Mwami kigira mali kumukola oyo harara na vatumikiri veve kudinyia mioyo jaavo, nduuki kokora vilolekizu hagati haavo,

Kutwula 11:10

Musa na Haruni vaakora vilolekizu yivi viosi imbiri wu Mwami navuzwa Yahova yamudinyia umwoyo gwigwe na siyenya koleka vandu va Isiraeli kutura mu kivala chiche mba.

Kutwula 14:17

Ndakora vandu va Egebeti vadinye mioyo jaavo navo vingiri munyanza kuvalondelera inyima wavo, kandi ndanyoora uluyali ku vuguuti vwange ku Mwami, liihi lilie, magare geege gu vulwani, kandi avahili vi zibarasi veve.

Kutwula 14:4

Ndadinyia mwoyo gwigwe naye alamulonderera; Lwa akola ndio, kandi liguuta liange ku Mwami harara ni liihi lilie lilakahaane ku inzi luyali. Maku avandu va Egebeti valakamanye inzi mbeeye Yahova.” Avandu va Isiraeli vaakora kuli Musa yavavolera.

Kutwula 14:8

Yahova yadinyia mwoyo gwu Mwami, nalonderera vandu va Isiraeli, avaari nivaturaa Egebeti kuli avaguuti.

Kutwula 4:21

Yahova yavolera Musa kandi, “Nguyu kalunu wiranaa Egebeti, olole ndi okoli vilolekizu viosi viamali kukuha zinguru okole imbiri wu mwami wa Egebeti. Navuzwa ndakora mwoyo gwu mwami kuva mudinyu, naye alavula kulakuula avandu va Isiraeli vazie.

Kutwula 9:12

Navuzwa Yahova yakola mwoyo gwu Mwami kuva mudinyu kandi, kuli Yahova yaali navooye mulitanga ndi, Mwami sialahulira Musa na Haruni mba.

Kutwula 9:16

Navuzwa kukumanyia zinguru ziange inzi mali koleka ivi ove mwoyo, kunangwa lusuma lwange luduuki kulanda mu lirova liosi.

Isaya 14:24

Yahova Wuvunyali wisuhi ndi: “Ga inzi mali kolohiza galakoleka, kandi ga mali kotovola gekoleke galekoleka.

Isaya 34:2

Yahova aveeye nu vutima ni zihiiri ziosi harara na mahi gaavo goosi. Umali kuvakalagira likuza.

Varumi 9:18

Kunangwa gaveeye havulavu ndi Nyasaye aveeye nizimbavasi ku woosi wayanza koveera zimbavasi, kandi wayaanza ave ni kirage amukolaa ave ni kirage.

Kwidzulitsa 2:30

“Navuzwa mwami Sihoni, siyaali anyala koleka kuvitiri mu kivala chiche mba. Yahova Nyasaye winyu yamukola kuva mudinyu kandi yamukola kuva ni liebaala, kunangwa kuduuki kumuguuta kandi kuvugura kivala chiche icha kokemenyi mu kuduuka kalunu.

Kwidzulitsa 7:16

Mudivize vuli ihiiri ya Yahova Nyasaye winyu amuguutira kandi mutava nizimbavasi kuvo mba; kandi mutasigamiri avanyasaye vaavo mba; kigira yigwo gulava mutego gwu vuhimwa kumunyi.

Vakalagi 14:4

Nitali baba weve na mama weve sivamanya ni Yahova wakola yaga mba, kigira Yahova yenya uvwiyangu vwukulwaana vandu va Filisitia. Ing'inga yeyo vandu va Filisitia vaali nivamihaa Isiraeli.

1 Samweli 2:25

Niiva mundu yonera mundu wundi, Nyasaye anyala kumukinga navuzwa nivwaha unyala kukinga mundu wonera Yahova.” Navuzwa sivahulira livoora lia baba wavo mba, kigira Yahova yaali nasaviiyi kuvita.