Joshua 11:17 - KITABU KITAKATIFU

¹⁷ Kutura ku kiguru cha Halaki, ikisinukaa kuduuka Edomu, kuduuka Baali Gadi mu livona lia Lebanoni hi kiguru cha Herimoni kitangiraa. Yagumira avami vavio vosi kandi naviita nikivavi.

Joshua 11:17 Iomraidhean Croise

Litanga 32:3

Yakobo yatuma avatumwa imbiri weve kuzia ku Esau amwavo weve mukivala cha Edomu.

Zaburi 89:12

Ivi walomba lirova kutura Ivaale kuduuka Isavaalu; Avandu vu kukiguru cha Tabori kandi kiguru cha Herimoni viimba ni vizominya ivi kigira uvusangari.

Kwidzulitsa 1:7

Kalunu musambuli hokososa hinyu kandi muzizagiliri nologendo lwinyu. Muzie mu kivala chi vigulu cha vandu va Amori kandi hoosi muvivala vio votende vwacho mu Arebia, mu kereremo cha Jorodani, mu kivala chi vigulu namavoona, mu kivala chisavaalu wa Kanaani kandi kuduuka ku lujinga lwinyanza enene ya Meditareniani. Muzie kali kuduuka mu kivala cha Kanaani kandi kuduuka engereka wi vigulu via Lebanoni, kandi kali kuduuka ku Mugera munene gwa Efurate.

Kwidzulitsa 2:1

Maku kwirana nikuzia mu changalangwe, nikolonda kunzira inzizaa kunyanza Inzakanyu kuli Yahova yaali nalagi; kandi kwavugula ing'inga indambi nikogendagendaa vuzwa mu kivala chi vigulu cha Edomu.

Kwidzulitsa 3:9

(Avandu va sidoni valanga kiguru cha Herimoni yicho, Sironi, na vandu va Amori vakilaangaa Seniri.)

Kwidzulitsa 33:2

Yavoola: “Yahova yaza kutura mu kiguru cha Sinai; yatonga kuli liuva kutura Edomu, kandi yang'ereng'ana ku avandu veve kutura ku kiguru cha Parani. Zingelosi zielefu kumi ziali harara naye, na umuliru gwaadukaa gwaali ha mukono gwigwe mulungi.

Kwidzulitsa 7:24

Alaguuta avami vaavo. Mulaviita kandi valivilirwa. Sialava ho nu mugaya mba. Muladiviza vosi sa mulala.

Joshua 1:4

Zinzako zienyu zilatula ku changalangwe mu lovega lwi Isavaalu kuduuka ku vigulu via Lebanoni mu lovega lwa Ivaale; kutura ku mugera munene gwa Efurate mu lovega lwi Ivugwi, kuvitira mu kivala cha vandu Vahiti, kuduuka kunyanza ya Meditareniani mu lovega lwi imadioli.

Joshua 11:18

Joshua yalomba vulwani ku vami yavo ku ing'inga indambi.

Joshua 11:3

Yatuma kandi ka makuva vandu va Kanaani avaveeye ku zimbega ziosi zia Jorodani kuduuka ku vandu va Amori; Hiti, Perezi kandi Jebusi mu kivala chi vigulu; kali kuduuka ku vandu va Hivi avamenyaa hasi hi kiguru cha Herimoni mu kivala cha Mizipa.

Joshua 13:5

Ukikiri kuguuta kivala cha vandu va Gebali. Ukikiri kuguuta kivala cha Lebanoni kolovega lwi ivugwi, kutura ku lidaala linene lia Baaligadi, iliveeye isavaalu wi kiguru cha Herimoni, kuduukia kunzira ya Hamazi.