Joshua 11:15 - KITABU KITAKATIFU

¹⁵ Yahova yaali nahaani malago geege ku mutumikiri weve Musa, Musa naye yaali nagahaani ku Joshua, na Joshua naye yagalonda. Yakola kindu choosi cha Yahova yaali nalagi Musa.

Joshua 11:15 Iomraidhean Croise

2 Kyetsinyinga 30:12

Nyasaye waali kandi na vandu vi Ivuyuda navahambanyia kuva kindu kilala vaduuki kokora agu mwami navana va vami valaga ku likuva lia Yahova.

Livalidza 33:50

Mu vilelemo via Moabu ni vakambuka mugera gwa Jorodani kutura Jeriko, Yahova yahaana ku Musa

Livalidza 33:52

gamuduukira mukungi avandu vosi vamenyi mu kivala yicho. Mwononyie magina gaavo, gi vifananyi viu mugasa kandi havundu haavo hoosi hu kusigamira misambwa.

Matayo 23:23

“O, vayaye kilaamo kenene keveeye ku munyi, avigizi vi Lilaga kandi Avafarisayo! Avagaadi munyi! Muhaanaa ku Nyasaye kidieli chi likomi kali izaka yi vitagwa vifunya mwayu ni vimuli, nu mudalasini, navuzwa muleki kugumira amigizu gaveeye amanene agi Lilaga kuli uvulungi, livelererwa, kandi uvusuuvirifu. Agene yaga nigo agamuduukira mukore vugira koleka agandi.

Luka 11:42

“Navuzwa O, vayaye, kilaamo kenene keveeye ku munyi Avafarisayo, kigira muhaanaa ku Nyasaye Kidieli chi likomi kali vindu vilombaa viukulia kuva nu mwayu kuli izubira ni bilabili, umutere ni zinguza zindi ziosi ziu mu mulimi, navuzwa mwivilira kokora amakuva guvulungi naguvuyaanzi vwa Nyasaye. Vindu yivi gaduukanaa mukore vugira kwivilira kokora agandi.

Vikolwa 20:20

Mumanyi vulahi sindaaleka kali hakuzu kumwilwazira imbiri wa vandu vosi, kandi mu zinyumba zienyu; nimwigiza goosi aganyala kumukonya.

Vikolwa 20:27

Sindaleka kali hakuzu kumulandizira makuva gi lienya liosi lia Nyasaye.

Kwidzulitsa 12:32

“Mukore goosi aga mali kumulaga; mutameeda kindu choosi kugo anoho kutuliza ku kindu choosi mba.

Kwidzulitsa 31:3

Yahova Nyasaye winyu mwene alimiira imbiri winyu. Aladiviza zihiiri zimenyaa yo kunangwa muduuki kuvugura kivala chavo. Joshua alava mwimiliri winyu kuli Yahova yavoola.

Kwidzulitsa 31:5

Yahova alavahaana ku munyi kandi kuduuka muvakole goosi aga amali kumulaga.

Kwidzulitsa 31:7

Kunangwa Musa yalanga Joshua namuvolera imbiri wa avandu va Isiraeli vosi, “Ove mugulu kandi muluviliri, kigira ivi niyie wimilira avandu yava kwingira mu kivala cha yasuuviriza avaguuga vaavo.

Kwidzulitsa 4:2

Mutameeda kindu choosi ku makuva ga inzi mulagaa kandi mutatulizi ku kindu choosi mba. Mugumiri malago ga Yahova Nyasaye winyu, aga inzi mali kumuha.

Kwidzulitsa 4:5

“Henza, inzi mali kumwigiza amalago goosi kuli Yahova Nyasaye wange yandaga ngole. Mugalonde mu kivala cha muveeye ahimbi kwingira nokukivugula.

Kwidzulitsa 7:2

Lwa yahova Nyasaye winyu aguutaa zihiiri yizi, kuduuka mu viiti vosi ligali. Mutahambani navo anoho kuvaveera zimbavasi mba.

Joshua 1:7

Ove vuzwa mugulu, ove muluviliri; kandi olole ndi uhuliraa nu kugumira lilaga liosi liu mutumikiri wange Musa yahaana ku ivi. Utaleka kedonye choosi chalio mba, na ivi ulaguuta vulahi hoosi aha uzia.

Joshua 11:12

Joshua yagumira madaala yaga goosi harara na vami vago, niyiita avandu vosi, kuli Musa, mutumikiri wa Yahova, yaali niyalaga.

Joshua 11:14

Avandu va Isiraeli vavugura vindu viosi iviali viuvuguli kandi mitugu kutura mu madaala yaga nivaviviika vive viavo. Navuzwa vita vuli mundu; sivatigaliza kali mulala kuvo mwoyo mba.

Joshua 11:16

Joshua yagumira kivala choosi, kivala chi vigulu kandi hi vigulu viatangiraa, viombi via ivaale ni isavaalu, kivala choosi cha Gosheni kandi kivala chumu isavaalu wacho, kali kuduuka mu livona lia Jorodani.

1 Samweli 15:11

“Mbereraa ndi ndaakola Saolo kuva Mwami; umali kugirung'ana kutura ku inzi kandi uvuli kuhulira malago gange.” Samweli yavihilirwa ligali, na uvudiku vwosi yanira ku Yahova namugoonyaa.