Joshua 10:27 - KITABU KITAKATIFU

²⁷ Ing'inga liuva liayera, Joshua yahaana lilago kandi viikiza miviri yijo hasi, kandi nivajisiuva mu luhangaywa umwa vaali niviivisangi. Ha vwingiliru vwu luhangaywa, vaviika ho magina manene ligali, na gakikiri ho kuduuka lidiku lia lero.

Joshua 10:27 Iomraidhean Croise

2 Samweli 18:17

Vaavugura muviri gwa Abisolomu, nivagusiuva mu liliina liveeye musi ligali mu mulitu, nivalikunika na magina. Avaisiraeli vosi viiruka, mundu sa mulala nazia yengo weve mwene.

Joshua 4:9

Joshua naye kandi yalohiza amagina komi na mbiri hagati he mugera gwa Jorodani, ha virenge via vasaalisi avagiingaa Lisandugu lie Lilagana, vaali nivasingii. Amagina yago gakiri yo kali na lero.

Joshua 7:26

Vavungiza kuye kitumi kenene cha magina, ekeveeye yo kuduuka lidiku lia kalunu, yiki nicho chagira havundu yaho nihalangwa Livona lia Akori. Maku Yahova siyaazizagilira kuva nu vutima kuvo mba.

Joshua 8:29

Yasuunga mwami wa Ayi ku musaala, naleka ku muviri gwigwe kuduuka ha mugolova. Lwi liuva liayera Joshua yahaana malago ndi muviri gwikizwi hasi kandi gusuvwi ha vwingiliru vwi lidaala. Vagufuuma ni kitumi cha magina, agakikiri yo kuduuka kalunu.